ផ្ទុះភ្នំភ្លើងនូវែលហ្សេឡង់គំរាមអ្នកទេសចរ (មានវីដេអូ)
ប្រទេសនូវែលហ្សេឡង់ ៖ ភ្នំភ្លើង WHITE ISLAND របស់នូវែលហ្សេឡង់បានផ្ទុះ កាលពីថ្ងៃទី៩ ធ្នូ ខណៈអ្នកទេសចរ១០០នាក់កំពុងស្ថិតនៅលើ ឬជុំវិញភ្នំភ្លើងនេះ…
ប្រទេសនូវែលហ្សេឡង់ ៖ ភ្នំភ្លើង WHITE ISLAND របស់នូវែលហ្សេឡង់បានផ្ទុះ កាលពីថ្ងៃទី៩ ធ្នូ ខណៈអ្នកទេសចរ១០០នាក់កំពុងស្ថិតនៅលើ ឬជុំវិញភ្នំភ្លើងនេះ…
ប្រទេសនូវែលហ្សេឡង់ ៖ ភ្នំភ្លើង WHITE ISLAND របស់នូវែលហ្សេឡង់បានផ្ទុះ កាលពីថ្ងៃទី៩ ធ្នូ ខណៈអ្នកទេសចរ១០០នាក់កំពុងស្ថិតនៅលើ ឬជុំវិញភ្នំភ្លើងនេះ ។
នាយករដ្ឋមន្ត្រីនូវែលហ្សេឡង់ លោកស្រីJACINDA ARDERNថ្លែងថា យើងគិតថា មនុស្សប្រមាណជា១០០នាក់ស្ថិតនៅលើ ឬជុំវិញកោះភ្នំភ្លើងនោះពេលវាផ្ទុះ ហើយមួយចំនួនបានបាត់ខ្លួន។ លោកស្រីថ្លែងទៅកាន់បណ្ដាអ្នកកាសែតនៅទីក្រុងវ៉ាលិញតុន ក្រោយការផ្ទុះបន្តិចនាដើមរសៀលថា យើងគិតថាមនុស្សប្រមាណជា១០០នាក់ស្ថិតនៅលើឬជុំវិញកោះ ក្នុងនោះមួយចំនួនបានបាត់ដាន ។ នោះជាសភាពការណ៍ដែលកើតមានភ្លាមៗហើយច្បាស់ណាស់យើងគិតដល់វាសនារបស់មនុស្សទាំងនេះ ។
ទីភ្នាក់ងារជាតិគ្រប់គ្រងសភាពការណ៍បន្ទាន់ថ្លែងថា ការផ្ទុះភ្នំភ្លើងនោះមានគ្រោះថ្នាក់ខ្លាំងណាស់ សម្រាប់បណ្ដាមនុស្សដែលស្ថិត នៅក្បែរ ។
បណ្ដារូបភាពដែលផ្សាយបន្តផ្ទាល់ពីភ្នំភ្នើងនេះ បង្ហាញមនុស្សប្រមាណជា៦នាក់ ដើរនៅមាត់ភ្នំភ្លើងនាវេលាម៉ោង១៤និង១០នាទីម៉ោងក្នុងស្រុក មុនពេលបណ្ដាកាមេរ៉ាលែងបង្ហាញរូបភាពក្នុងរយៈពេលប៉ុន្មាននាទីក្រោយ។ តាមបណ្ដាញសង្គមបណ្ដាមនុស្សដែលបានរត់ទៅដល់មាត់សមុទ្ររួចហើយ រួចត្រៀមចាកចេញពីទីតាំងនោះ បានថតការផ្ទុះនៃភ្នំភ្លើងនេះមុនពេលឡើងនាវាចាកចេញ ។
មកទល់ពេលនេះប៉ូលិសថា មនុស្ស៥នាក់បានបាត់បង់ជីវិត ហើយ២០នាក់ទៀតរងរបួស ៕ (កែសម្រួលដោយ ៖ បុប្ផា) (ប្រភពវីដេអូ ៖ TODAY)
ចែករំលែកព័តមាននេះ