កម្មវិធីសមាជិក Starbucks® Rewards របស់ហាងកាហ្វេ Starbucks ដែលជាកម្មវិធីលក្ខណៈឌីជីថលដ៏ល្បីល្បាញ ជាមួយចំនួនអ្នកប្រើប្រាស់ជាច្រើនលាននាក់ទូទាំងពិភពលោក បានបង្ហាញខ្លួននៅក្នុងប្រទេសកម្ពុជាហើយ កាលពីសប្តាហ៍កន្លងទៅនេះ តាមរយៈកម្មវិធីសម្ពោធឲ្យប្រើប្រាស់ជាផ្លូវការ ដែលបានប្រព្រឹត្តឡើងនៅក្នុងផ្សារទំនើប អ៊ីអនម៉លភ្នំពេញ និង អ៊ីអនម៉ល សែនសុខស៊ីធី ចំនួន 2 ថ្ងៃជាប់គ្នា (ថ្ងៃទី 16 និង 17 សីហា) ដោយកម្មវិធីបាននាំមកជូននូវ ការចុះឈ្មោះជាសមាជិក ហើយព្រមទាំងការណែនាំអំពីរបៀបប្រើប្រាស់មុខងារផ្សេងៗ នៅក្នុង App ដោយកញ្ញា Na Sa Dy និង លោក Marin ដែលបានញ៉ាំងឲ្យបរិយាកាសនៅក្នុងកម្មវិធីរឹតតែមានភាពសប្បាយរីករាយបន្ថែមទៀត។
ការគាំទ្រដ៏អស្ចារ្យ មិនគួរឲ្យជឿពីសំណាក់អតិថិជន!
បន្ទាប់ពីកម្មវិធី Starbucks® Rewards បានដាក់សម្ពោធអោយប្រើប្រាស់ជាផ្លូវការក្នុងរយៈពេលត្រឹមតែ 6 ថ្ងៃប៉ុណ្ណោះ គេសង្កេតឃើញមានចំនួនអ្នកចុះឈ្មោះជាសមាជិករហូតដល់ជាង 5000 នាក់បូករួមជាមួយចំនួនកាត Starbucks® Rewards សរុបរហូតដល់ 6000 កាតជាង ទូទាំងប្រទេសកម្ពុជា ។
តាមរយៈការដំឡើងកម្មវិធី Starbucks® Cambodia សម្រាប់អ្នកប្រើទូរស័ព្ទ iPhone® និង Android™ នោះ កម្មវិធីនេះបានផ្ដល់នូវភាពងាយស្រួលសម្រាប់អតិថិជនក្នុងការបង់ប្រាក់តាមរយៈ គណនីក្នុងទូរស័ព្ទ ដែលបានភ្ជាប់ជាមួយកាត Starbucks® Rewards របស់គាត់សម្រាប់ភេសជ្ជៈដែលខ្លួនចូលចិត្ត ព្រមទាំងអាចសន្សំមកវិញនូវចំនួន “ផ្កាយ (Stars)” និងការផ្ដល់ជូនផ្សេងៗជាច្រើនទៀត។ សមាជិកទាំងអស់ក៏អាចបញ្ចូលកាត Starbucks ថ្មីៗបន្ថែមទៀតទៅក្នុងគណនីតែមួយរបស់គាត់តាមរយៈកម្មវិធី Starbucks® Cambodia app នេះផងដែរ។
មកបើកកាតសមាជិក Starbucks® Rewards ផ្ទាល់ខ្លួនរបស់អ្នកឥឡូវនេះដែលមាននៅគ្រប់សាខា Starbucks ទូទាំងប្រទេសកម្ពុជា! សម្រាប់ព័ត៌មានបន្ថែមសូមចូលទៅកាន់គេហទំព័រ http://card.starbucks.com.kh
អំពី Starbucks
តាំងពីឆ្នាំ ១៩៧១ មកក្រុមហ៊ុនកាហ្វេ Starbucks មានការតាំងចិត្តខ្ពស់ក្នុងការស្វែករកកាហ្វេដែលមានគុណភាពខ្ពស់ សម្រាប់គ្រប់គ្នា។ បច្ចុប្បន្ន ដោយមានសាខាហាងនៅទូទាំងពិភពលោក Starbucks បានក្លាយជាអ្នកជំនាញខាងកាហ្វេលំដាប់ពិភពលោក។ ដោយការប្រឹងប្រែងដើម្បីភាពឥតខ្ចោះ និងគោលការណ៍ណែនាំរបស់យើង Starbucks បានផ្តល់ជូនអតិថិជនទាំងអស់គ្នានូវបទពិសោធន៍ក្រេបរសជាតិកាហ្វេដ៏អស្ចារ្យ។ សម្រាប់ព័ត៌មានបន្ថែម សូមចូលទៅកាន់ http://www.starbucks.com.kh ។
កែសម្រួលដោយ ៖ សំណាង
ចែករំលែកព័តមាននេះ