រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិ (CNRP) លោក អ៊ូ ច័ន្ទរ័ត្ន បានសម្តែងការគ្មានជំនឿថា សមាជិកសហភាពអឺរ៉ុបនឹងអបដំណើរលោក សម រង្ស៊ី អតីតប្រធានគណបក្សសង្គ្រោះជាតិចូលមកកម្ពុជានោះទេ ។
ការបញ្ជាក់របស់មន្ត្រីជាន់ខ្ពស់បក្សប្រឆាំងនេះធ្វើឡើង បន្ទាប់ពីលោកស្រី មូរ សុខហួរ អតីតអនុប្រធានគណបក្សប្រឆាំងដែលនៅក្រៅប្រទេសបានអះអាងពីខាងក្រៅថា សមាជិកសភាសហភាពអឺរ៉ុបនឹងអមដំណើរលោកសម រង្ស៊ី ចូលកម្ពុជានៅពេលខាងមុខនេះ ។
លោក អ៊ូ ច័ន្ទរ័ត្ន បានឲ្យកាលពីពេលថ្មីនេះដោយបង្ហាញពីការគ្មានជំនឿចំពោះ ការ វិលត្រឡប់របស់លោក សម រង្ស៊ី មកកម្ពុជា ទោះបីជាលោក ស្រីមួរ សុខហួរ អះអាងថា នឹង មានតំណាង EU៦រូបអម ដំណើរលោក សម រង្ស៊ី មកកម្ពុជាក៏ដោយ ។ លោក ច័ន្ទរ័ត្នបានបញ្ជាក់ថា«ខ្ញុំគ្មានជំនឿថា លោក សម រង្ស៊ី ប្តេជ្ញាចិត្តមកកម្ពុជានោះ ទេ ហើយខ្ញុំក៏គ្មានជំនឿថា តំណាងរាស្ត្របរទេស ឬក៏តំណាង EU មកជាមួយគាត់ ឬអ មហែរហមគាត់ទេ គ្មានជំនឿទេ ។ ព្រោះថា បើគេមកពិតមែននឹងប៉ះពាល់ដល់ទំនាក់ទំនងរ វាងកម្ពុជា និងសហភាពអឺរ៉ុប» ។
យ៉ាងណាក្តីលោក ច័ន្ទ រ័ត្ន បានអះអាងថា «តំណាង EU មកកម្ពុជាមែន គឺគេមកគ្រាន់តែឃ្លាំមើល មិនហែហមនោះទេ គឺឃ្លាំមើលប្រតិបត្តិការណ៍នឹងតែប៉ុណ្ណោះ ។ ក្នុងនោះ តំណាង អង្កការសហប្រជាជាតិក៏គេមកឃ្លាំមើល តែមិនហែហមទេ » ។
ទាក់ទិនករណីលោក កឹម សុខា ដែលកំពុងជាប់ឃុំនៅក្នុងផ្ទះ វិញលោក អ៊ូ ច័ន្ទរ័ត្ន ក៏ បានអះអាងថា ប្រសិនគណបក្សទាំងអស់ ពិសេសនោះគណបក្សកាន់អំណាច យល់ថា ជា បញ្ហា របស់ជាតិ ហើយប៉ះពាល់ដល់ជាតិ និងប៉ះពាល់ដល់ដំណើរការលទ្ធិប្រជាធិបតេយ្យនោះ ខ្ញុំ ជឿងថា អាចនឹងមានដំណោះស្រាយ វិបត្តិនយោបាយ រួមបញ្ចូលនឹងការលើកលែងទោស ឬក៏ដោះលែងលោក កឹម សុខា ឲ្យមានសេរីភាពវិញ ។ លោកបញ្ជាក់ថា«បើគេគិតថា ជារឿងរបស់ជាតិទាំងអស់គ្នាខ្ញុំសង្ឃឹម ។
ដូច្នេះខ្ញុំសង្ឃឹម បើមានការជជែកគ្នា យោគយល់គ្នាទៅវិញទៅមក ហើយបន្ទន់ឥរិយាបថ ទៅវិញទៅ មក ហើយជជែកគ្នា ខ្ញុំជឿថា នៅតែមានសង្ឃឹម ថា លោក កឹម សុខា អាចនឹងត្រូវបាន ដោះលែង» ។ ទោះបីជាមានការលើកឡើងពីលោកអ៊ូ ច័ន្ទរ័ត្ន ក្តី លោកសុខ ឥសាន អ្នកនាំពាក្យគណ បក្សប្រ ជាជនកម្ពុជាបានស្វាគមន៍ចំពោះការអមដំណើររបស់សហភាពអឺរ៉ុប ប៉ុន្តែលោកសម រង្ស៊ី ត្រូវចូលគុក ។
លោកបញ្ជាក់ថា« សមាជិកសភាអឺរ៉ុបអមដំណើរទណ្ឌិតសម រង្ស៊ី ចូលស្រុកខ្មែរ សូម អញ្ជើញទៅទស្សនាប្រាសាទនានានៅសៀមរាប ចំណែកទណ្ឌិតត្រូវទៅចូលគុក » ។ អ្នកនាំពាក្យបន្តថាបើចង់រក្សា EBA ត្រូវឲ្យទណ្ឌិតរួចខ្លួន និ ងឲ្យខ្មោចបក្សប្រឆាំងរស់ឡើងវិញនោះមិនអាចទេ ។ ករណីនេះ ទណ្ឌិតចង់យកវប្បធម៌នៅទណ្ឌភាពទៅដោះដូរជាមួយឯករាជ្យ និងអធិបតេយ្យភាពជាតិ ៕ កែសម្រួលដោយ ៖ សុឃាក់
ចែករំលែកព័តមាននេះ