ចាត់ទុកថាជាឆ្នាំដ៏រីករាយសម្រាប់នាង ជេននីហ្វើ អានីស្តុន តារាសំដែងជនជាតិអាមេរិក បានប្រារព្ធខួបកំណើតគំរប់៥០ឆ្នាំរបស់ខ្លួន ដោយមានលោក ប្រេ៊ត ភីត ដែលជាអតីតប្ដីបានមកចូលរួមក្នុងខួបកំណើតនេះ ។
ពិធីខាងលើបានរៀបចំឡើងនៅឯសណ្ឋាគារ «Sunset Tower» ដោយមានភ្ញៀវកិត្តិយសជាច្រើនរូបចូលរួម ប៉ុន្តែអ្វីដែលធ្វើឲ្យនាង អានីស្ដុន មានក្ដីរំភើប និងត្រេកអរបំផុតនោះមានលោក ភីត អាយុ៥៥ឆ្នាំ ចូលរួមក្នុងខួបកំណើតនេះដែរ ។ ក្រៅពីលោក ភីត នោះក៏នៅមានមិត្តជំនិតជាច្រើននាក់ចូលរួមយ៉ាងកុះករ ។
លោក ភីត និង អានីស្ដុន ចាត់ទុកថាជាគូស្នេហ៍ដ៏ល្អូកល្អឺននៅហូលីវូដ និងកាលពីឆ្នាំ២០០៥ពួកគេបានលែងលះគ្នា ក្រោយពីខាងបុរសផិតក្បត់លួចទៅសេពគប់ជាមួយនាង អេនជេលីណា ជោលី ដោយកាលណោះជាហេតុការណ៍ដ៏អាស្រូវមួយនៅក្នុងមជ្ឈដ្ឋានហូលីវូដ ។
រីឯលោក ភីត និង ជោលី មានកូន៦នាក់ បានរៀបការជាផ្លូវការនៅឆ្នាំ២០១៤ និងបានលែងលះគ្នាក្នុងរយៈពេល២ឆ្នាំបន្ទាប់ ខណៈពេលនាង អានីស្ដុន ក៏បានរៀបការជាមួយលោក ចាស្ទីន ធឺរូក (Justin Theroux) ក្រោយពីភ្ជាប់ពាក្យរយៈពេលយូរ និងប្រកាសលែងលះគ្នាកាលពីខែកុម្ភៈកន្លងមក ៕
ចែករំលែកព័តមាននេះ