ជីវិតផ្សាភ្ជាប់ទៅនឹងជំនឿមិនអាចកាត់ផ្តាច់បានឡើយ សូម្បិតែការដាក់ឈ្មោះឱ្យកូនចៅក៏មិនមែនចេះតែដាក់តាមចិត្តស្រលាញ់នោះទេ ព្រោះបើដាក់ខុសទៅនឹងថ្ងៃកើតអាចជួបរឿងស៊យអាប់រស្មីមួយជីវិត ។
ការដាក់ឈ្មោះឲ្យកូនចៅគប្បីធ្វើទៅតាមក្បួនតម្រាចាស់បុរាណគឺត្រូវរើសតួអក្សរណាមួយតាមថ្ងៃកំណើតមកដាក់ឈ្មោះទើបនាំសិរីសួស្ដី នាំលាភសំណាងចូលជីវិតៈ
១-ថ្ងៃសៅរ៍ៈ បើទារកកើតមកចំថ្ងៃសៅរ៍ ចាស់បុរាណឲ្យរើសតួអក្សរមួយណាក៏បានមកដាក់នៅខាងដើមពាក្យដូចជា ត ថ ទ ធ ន ។ ឧទាហរណ៍ ឈ្មោះ ថាវរី, នារី…
២-ថ្ងៃអាទិត្យៈ បើទារកកើតចំថ្ងៃអាទិត្យ ចាស់បុរាណឲ្យរើសយកតួអក្សរ អ អា ឥ ឧ ឯ ឱ ចង់រើសតួអក្សរមួយណាក៏បានមកដាក់ខាងដើមនៃឈ្មោះ។ ឧទាហរណ៍៖ ឈ្មោះ ឧត្តម, អក្ខរា…
៣-ថ្ងៃចន្ទៈ បើទារកកើតចំថ្ងៃចន្ទ ត្រូវរើសតួអក្សរ ក ខ គ ឃ ង” ដោយយកតួអក្សរមួយណាក៏បាន មកដាក់ខាងដើមនៃឈ្មោះរបស់ពួកគេ។ ឧទាហរណ៍៖ ឈ្មោះ កណិការ, ខេមរា…
៤-ថ្ងៃអង្គារ បើទារកកើតចំថ្ងៃអង្គារ ចាស់បុរាណឲ្យរើសតួអក្សរ ច ឆ ជ ឈ ញ យកតួអក្សរមួយណាក៏បាន មកដាក់នៅខាងដើមនៃឈ្មោះ។ ឧទាហរណ៍៖ ឈ្មោះ ជុតិមា, ចាន់ថន…
៥-ថ្ងៃពុធៈ បើទារកកើតចំថ្ងៃពុធ ចាស់បុរាណឲ្យរើសតួអក្សរ ដ ឋ ឌ ឍ ណ រើសតួអក្សរមួយណាក៏បាន មកដាក់នៅខាងដើមពាក្យ។ ឧទាហរណ៍៖ ឈ្មោះ ដែន, ណូរា…
៦-ថ្ងៃព្រហស្បតិ៍ៈ បើទារកកើតចំថ្ងៃព្រហស្បតិ៍ លោកឲ្យរើសតួអក្សរ ប ផ ព ភ ម ដោយរើសតួអក្សរមួយណាក៏បាន មកដាក់នៅខាងដើមពាក្យ។ ឧទាហរណ៍៖ ឈ្មោះ មង្គល ពណ្ណរាយ…
៧-ថ្ងៃសុក្រៈ បើទារកកើតចំថ្ងៃសុក្រ ឲ្យរើសអក្សរ ស ហ ឡ រើសតួអក្សរមួយណាក៏បាន មកដាក់នៅខាងដើមពាក្យ។ ឧទាហរណ៍៖ ឈ្មោះ សុគន្ធា…។
ចែករំលែកព័តមាននេះ