តាមធម្មតាមុនសាងសង់ផ្ទះសម្បែងម្ចាស់លំនៅឋានតែងនឹកទៅដល់រឿងអបិយជំនឿ មិនដែលរំលងឡើយ ពោលគឺរកគ្រូគន់គូរមើលភូមិឋាន មើលហុងស៊ុយត្រង់ទីតាំងដែលមានបំណងសង់ផ្ទះនោះ រកស៊ីឡើង ឬមិនឡើង បានសុខចម្រើនទេ មានបញ្ហាអត់ និងបែរទៅទិសខាងណាទើបល្អ ហើយនៅមានកិច្ចជាច្រើនទៀតដែលទាក់ទងនឹងការសង់ផ្ទះសម្បែងនេះ…
តាមធម្មតាមុនសាងសង់ផ្ទះសម្បែងម្ចាស់លំនៅឋានតែងនឹកទៅដល់រឿងអបិយជំនឿ មិនដែលរំលងឡើយ ពោលគឺរកគ្រូគន់គូរមើលភូមិឋាន មើលហុងស៊ុយត្រង់ទីតាំងដែលមានបំណងសង់ផ្ទះនោះ រកស៊ីឡើង ឬមិនឡើង បានសុខចម្រើនទេ មានបញ្ហាអត់ និងបែរទៅទិសខាងណាទើបល្អ ហើយនៅមានកិច្ចជាច្រើនទៀតដែលទាក់ទងនឹងការសង់ផ្ទះសម្បែងនេះ ដូច្នេះសូមបង្ហាញប្រិយមិត្តនូវលក្ខណៈផ្ទះបីប្រភេទ ដែលក្បួនហោរជឿថា នឹងនាំមកនូវរឿងមិនល្អ កើតមានគ្រោះកាច នាំអពមង្គលដល់អ្នករស់នៅក្នុងផ្ទះនោះ ។
១-ផ្ទះផ្ដល់តែរឿងក្តៅក្រហាយ ប្រសិនបើនៅក្នុងផ្ទះមានសសរមួយដើមនៅចំកណ្ដាល គ្រូហុងស៊ុយចាត់ទុកថា មិនល្អ នឹងធ្វើឱ្យអ្នករស់នៅក្នុងផ្ទះនោះតប់ប្រមល់ទល់ពុទ្ធោ មានអារម្មណ៍តានតឹង ខ្វល់ខ្វាយ គិតផ្ដេសផ្ដាស មានជំងឺដង្កាត់ញឹកញាប់ ប្តីប្រពន្ធចាំតែមើលទោសគ្នាទៅវិញទៅមក បង្កតែរឿងក្តៅក្រហាយ ។
២-ផ្ទះនាំមកនូវគ្រោះថ្នាក់ បើតួផ្ទះអ្នកត្រង់ចំណុចណាមួយស្ថិតនៅទិសខាងជើងផតចូល ត្រូវរួសរាន់កែច្នៃឱ្យត្រូវតាមក្បួនហុងស៊ុយជាបន្ទាន់ ព្រោះសណ្ឋានផ្ទះបែបនេះនឹងនាំមកនូវទុក្ខសោក គ្រោះភ័យដោយប្រការផ្សេងៗដល់អ្នករស់នៅគឺមិនបានសុខឡើយ។ ការរស់នៅក្នុងផ្ទះដែលមានលក្ខណៈបែបនេះ បើទោះជាម្ចាស់ផ្ទះមានជោគជតាល្អយ៉ាងណាក៏អាចថ្លោះធ្លោយលើហេតុភេទអ្វីមួយពិសេសខាតបង់លើមុខជំនួញ ឬមានបញ្ហាការងារ ឬក៏មានគ្រោះថ្នាក់កើតឡើងឯងៗជាយថាហេតុ ។
៣-ផ្ទះនាំមកតែជំងឺដង្កាត់ បើទោះជាផ្ទះមានលក្ខណៈគ្រប់គ្រាន់ ត្រឹមត្រូវតាមក្បួនហុងស៊ុយហើយក៏ដោយ តែបើនៅពីចំហៀងផ្ទះអ្នក មានផ្ទះមួយខ្នងឬពីរខ្នងទៀតដែលមានជ្រុងស្រួច បែរតម្រង់មករកផ្ទះអ្នកនោះ តាមក្បួនប្រាប់ថា មិនល្អឡើយ ព្រោះវាប្រៀបដូចជាមុខអាវុធចាំតែចាក់ កាប់ផ្ទះរបស់អ្នកអ៊ីចឹង។ លក្ខណៈផ្ទះបែបនេះនឹងនាំឱ្យអ្នករស់នៅមានជំងឺឈឺថ្កាត់ចូលពេទ្យរហូត និងបង្កឱ្យមានរឿងឈឺចាប់មិនចេះចប់ គ្មានសេចក្ដីសុខឡើយ។ ចំណែកការងារក្នុងមុខជំនួញមិនលូតលាស់មានតែអ្នកចាំផ្តួល ចាំកេងយកលាភ ឯការងារតាមស្ថាប័នមានតែរឿងរកាំរកូស មានអ្នកចាំចាប់កំហុសមិនដាច់ ។
បើផ្ទះរបស់លោកអ្នកមានលក្ខណៈចំត្រង់ចំណុចណាមួយក្នុងចំណោមលក្ខណៈទាំងបីខាងលើនោះ គួរធ្វើការកែខៃឱ្យត្រូវតាមក្បួនហុងស៊ុយជាបន្ទាន់ដើម្បីជីវិតគ្រួសាររស់នៅត្រជាក់ត្រជុំ បានសុខចម្រើន មានសុភមង្គលតរៀងទៅ ។
ចែករំលែកព័តមាននេះ