រាជធានីភ្នំពេញ ៖ ពិធីករក្នុងកម្មវិធី “Cha Cha Cha” ប្រចាំស្ថានីយទូរទស្សន៍បាយ័ន លោកជា សុវណ្ណារិទ្ធ បានដឹកដៃភរិយាចូលប្រឡូកក្នុងអាជីពជាមួយគ្នា បន្ទាប់ពីរៀបអាពាហ៍ពិពាហ៍បានរយៈពេល៥ខែ។លោកជា សុវណ្ណារិទ្ធ ប្រាប់កោះសន្តិភាពឱ្យដឹងកាលពីថ្ងៃទី២២ ឧសភា ២០១៣ ថា អស់រយៈពេល៣ខែមកហើយដែលភរិយារបស់លោកធ្វើជាពិធីការិនីជាមួយរូបលោកក្នុងកម្មវិធី
រាជធានីភ្នំពេញ ៖ ពិធីករក្នុងកម្មវិធី “Cha Cha Cha” ប្រចាំស្ថានីយទូរទស្សន៍បាយ័ន លោកជា សុវណ្ណារិទ្ធ បានដឹកដៃភរិយាចូលប្រឡូកក្នុងអាជីពជាមួយគ្នា បន្ទាប់ពីរៀបអាពាហ៍ពិពាហ៍បានរយៈពេល៥ខែ។លោកជា សុវណ្ណារិទ្ធ ប្រាប់កោះសន្តិភាពឱ្យដឹងកាលពីថ្ងៃទី២២ ឧសភា ២០១៣ ថា អស់រយៈពេល៣ខែមកហើយដែលភរិយារបស់លោកធ្វើជាពិធីការិនីជាមួយរូបលោកក្នុងកម្មវិធី Music Box ដែលជាកម្មវិធីរបស់ស្ថានីយទូរទស្សន៍បាយ័ន ។ ក្រៅពីនេះនាងបានថតខារ៉ាអូខេខ្លះៗដែរ ។
លោកជា សុវណ្ណារិទ្ធ បញ្ជាក់ថា ដោយសារតែស្ថានីយទូរទស្សន៍ខ្វះបុគ្គលិក ដូច្នេះទើបនាងមានឱកាសក្លាយជាពិធីការិនី ។ លោកយល់ថា ភរិយារបស់លោកមានទេពកោសល្យដូចរូបលោកដែរ ហើយលោកក៏ណែនាំនាងឱ្យធ្វើជាដៃគូរួមអាជីពជាមួយលោក ក្រៅពីជាដៃគូរួមជីវិត។ លោកសង្ឃឹមថា ភរិយារបស់លោកនឹងទទួលបានការគាំទ្រច្រើន និងល្បីឈ្មោះដូចជារូបលោកដែរនៅក្នុងសង្គមសិល្បៈ ។
ថ្វីដ្បិតតែភរិយារបស់លោកជា សុវណ្ណារិទ្ធ ទើបតែចាប់អាជីពជាពិធីការិនីពិតមែន តែមើលទៅនាងមានទេពកោសល្យល្អ ហាក់បីដូចជាធ្លាប់ធ្វើការងារនេះរាប់ឆ្នាំមកហើយ ទាំងពាក្យសម្តី និងកាយវិការមិនចាញ់លោកជា សុវណ្ណារិទ្ធ ដែលជាពិធីករជើងចាស់ទេ ។ ជាងនេះទៅទៀតនោះ រូបសម្បត្តិដ៏ស្រស់សោភារបស់នាងក៏មិនចាញ់ពិធីការិនីផ្សេងៗដែរ ដូច្នេះហើយមិនយូរមិនឆាប់ នាងប្រហែលជាអាចមានឈ្មោះបោះសំឡេងក្នុងស្រទាប់មហាជន ។
លោកជា សុវណ្ណារិទ្ធ បានរៀបអាពាហ៍ពិពាហ៍ជាមួយអ្នកនាងសុភាព មូល្យ៉ា វ័យ២៣ឆ្នាំ ជានិស្សិតនៅសាលាច្នៃម៉ូដលីមកុកវីង និងជាកូនស្រីលោកសាស្ត្រាចារ្យនៅសាកលវិទ្យាល័យជាតិគ្រប់គ្រង កាលពីថ្ងៃទី២៧ ខែមករា ឆ្នាំ២០១៣ ។ក្រៅពីជាគូជីវិតនឹងគ្នា ឥឡូវលោកជា សុវណ្ណារិទ្ធ និងភរិយាក្លាយជាដៃគូពិធីករទៀតផង ៕
ចែករំលែកព័តមាននេះ