នាំ​គ្នា​លើក​រថយន្ត​ក្រឡាប់​ចេញ ដើម្បី​យកមនុស្ស​​២​នាក់​ចេញពី​ក្រោម​នោះ


ខេត្តកំពង់ឆ្នាំង ៖ តាម​សេចក្តីរាយការណ៍​ព័ត៌មាន​បឋម​បានឱ្យ​ដឹង​ថា រថយន្ត​ដឹក​ទឹកកក​មួយ​បាន​បុក​ជាមួយ​ម៉ូតូ​មួយ​គ្រឿង​ដែល​ជិះ​គ្នា​៣​នាក់ បណ្តាល​ឱ្យ​រថយន្ត​ដឹក​ទឹកកក​ក្រឡាប់​កៀប​ជាប់​បុរស​២​នាក់​ស្លាប់​ភ្លាម​ៗ​នៅ​កន្លែង​កើតហេតុ ចំណែក​បុរស​ម្នាក់​ទៀត​ខ្ទាត​ចេញ​ក្រៅ​បាន​រង​របួសធ្ងន់ រីឯ​ម៉ូតូ​បាន​រង​ការ​ខូចខាត​ដាច់​ជា​ពីរ​កំណាត់​។ ហេតុការណ៍​គ្រោះថ្នាក់​ចរាចរណ៍​នេះ​បង្ក​ឱ្យ​មានការ​ភ្ញាក់ផ្អើល​បាន​កើតឡើង​កាលពី​វេលា​ម៉ោង​១០​និង​២០​នាទី​ព្រឹក​ថ្ងៃ​ទី​១០ ខែសីហា ឆ្នាំ​២០១៨ នៅ​លើ​ផ្លូវ​ក្រាល​កៅស៊ូ​ក្នុង​ខេត្ត ស្ថិត​ក្នុងភូមិ​ទួល​ក្រឡាញ់​សង្កាត់​កំពង់ឆ្នាំង ក្រុង​កំពង់ឆ្នាំង ។

សមត្ថកិច្ច​បានឱ្យ​ដឹង​ថា ជន​រង​គ្រោះ​ទាំង​៣​នាក់​ខាងលើ​រួម​មាន ១-​ឈ្មោះ អ៊ុ​ក សុ​ភ័​ត្រា ភេទ​ប្រុស អាយុ​១៩​ឆ្នាំ រស់នៅ​ភូមិ​ម៉ុង​បារាំង សង្កាត់​ប្អេ​រ បាន​ស្លាប់​នៅ​នឹង​កន្លែង​កើតហេតុ ២- ឈ្មោះ​ប៊ិ​ច ចាន់​ស៊ិ​ន ភេទ​ប្រុស អាយុ​១៦​ឆ្នាំ មាន​ទីលំនៅ​ភូមិ​ស្រែ​ព្រីង សង្កាត់​កំពង់ឆ្នាំង ក្រុង​កំពង់ឆ្នាំង បាន​ស្លាប់​នៅ​នឹង​កន្លែង​កើតហេតុ និង​៣-​ឈ្មោះ​អ៊ូ សិលា ភេទ​ប្រុស អាយុ​១៩​ឆ្នាំ មាន​ទីលំនៅ​ភូមិ​ស្រែ​ព្រីង សង្កាត់​កំពង់ឆ្នាំង ក្រុង​កំពង់ឆ្នាំង បាន​រង​របួសធ្ងន់ ។ ចំណែកអ្នកបើកបរ​រថយន្តបង្ក​មិន​ត្រូវបានស្គាល់អត្ត​សញ្ញាណ ។​

ក្រោយ​ពេល​កើតហេតុ សមត្ថកិច្ច​បាន​ចុះ​ទៅ​ដល់​កន្លែង​កើតហេតុ ហើយ​នាំ​គ្នា​សហការ​ជាមួយនឹង​ប្រជាពលរដ្ឋ​លើក​រថយន្ត​ដឹក​ទឹក​ក​ដែល​ក្រឡាប់​នោះ​ចេញ ដើម្បី​យក​សព​ជន​រង​គ្រោះ​ទាំង​២​នាក់​ចេញពី​ក្រោម​រថយន្ត ហើយ​ប្រគល់​សព​ទៅ​ក្រុម​គ្រួសារ​យក​ទៅ​ធ្វើបុណ្យ​តាម​ប្រពៃណី ។ ព័ត៌មាន​លម្អិត​នឹង​មាន​ផ្សាយ​នៅ​លើ​ទំព័រ​កាសែត​កោះសន្តិភាព ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ