បើតាមហោរាសាស្ត្រប្រចាំថ្ងៃតាមក្បួនលោក កាគ្លីយ៉ូស្ត្រូ និងព្រហ្មជាតិខ្មែរ សម្រាប់ថ្ងៃទី១៨ ខែវិច្ឆិកា ឆ្នាំ២០១៧ នេះបានធ្វើការទស្សន៍ទាយនូវជោគជតារាសីស្តេចឆ្នាំទាំង១២មានដូចតទៅ ៖
#ឆ្នាំជូត
រាសីថ្ងៃនេះមធ្យម ៖ រាល់ការបំពេញការងាររបស់លោកអ្នកមានដំណើរការដូចធម្មតាទេ ប៉ុន្តែសូមប្រយ័ត្នមាត់.កកុំទៅធានារឿងរបស់អ្នកដទៃឱ្យសោះ ព្រោះអាចធ្វើគុណក្លាយជាបានទោស ។ បើជាអ្នកប្រកបមុខរបររកស៊ីវិញ ចង់ចេញទៅជួញដូរនៅទីឆ្ងាយ គួរតែផ្អាកសិនសំរាប់ថ្ងៃនេះ ហើយងាកមកគិតគូរតែពីរឿងនៅជិតៗវិញ ។ រីឯបញ្ហាស្នេហា គូស្នេហ៍ចេះយោគយល់គ្នាធម្មតាមិនមានបញ្ហាអ្វីឡើយ ៕
#ឆ្នាំឆ្លូវ
រាសីថ្ងៃនេះខ្ពស់ត្រដែត ៖ លោកអ្នកនឹងមានលាភដោយការប្រើសម្ដីវោហារសាស្ត្រទោះជាបាននិយាយស្តីអ្វីក៏ដោយ ក៏មានការគាំទ្រពីអ្នកដទៃជានិច្ច ហើយបើមានបេសកកម្មត្រូវទៅបំពេញការងារនៅទីណានោះ ទោះជិតក្តីឆ្ងាយក្តីក៏នឹងបានសំរេចផលជាទីគាប់ចិត្ត ។ បើជាអ្នកប្រកបមុខរបររកស៊ីវិញ មានការរីកលូតលាស់ទៅមុខជាលំដាប់ ។ រីឯបញ្ហាស្នេហា គូស្នេហ៍មានការរីករាយរកគ្នា ៕
#ឆ្នាំខាល
រាសីថ្ងៃនេះល្អជាមធ្យម ៖ រាល់ការបំពេញការងារផ្សេងៗរបស់លោកអ្នកនៅក្នុងថ្ងៃនេះ មានជួបបញ្ហាខ្លះដែរ ប៉ុន្តែមិនធ្វើឱ្យអសកម្មរហូតដល់ទាល់ច្រកដោះស្រាយមិនចេញឡើយ ព្រោះមានអ្នកជួយជ្រោមជ្រែងច្រើន ដូច្នេះសូមលោកអ្នកកុំអស់សង្ឃឹម ។ បើជាអ្នកប្រកបមុខរបររកស៊ីវិញរកប្រាក់ចំណូលបានកាក់កបគ្រាន់បើដែរ ។ រីឯបញ្ហាស្នេហាគឺគូស្នេហ៍រមែងមានការអធ្យាស្រ័យរវាងគ្នានឹងគ្នា ៕
#ឆ្នាំថោះ
រាសីថ្ងៃនេះធ្លាក់ចុះ ៖ លោកអ្នកច្រើនមានចិត្តទោសៈ មោហៈ ហើយតប់ប្រមល់នៅក្នុងថ្ងៃនេះ ទោះបីជាធ្វើការងារអ្វីក៏ដោយក៏ធ្វើមិនបានពេញដៃពេញជើងដែរ ជាមួយនេះអាចធ្វើឱ្យលោកអ្នកទទួលនូវការស្តីបន្ទោសពីចៅហ្វាយនាយទៀតផង ។ បើជាអ្នកប្រកបមុខរបររកស៊ីវិញ រកប្រាក់កម្រៃចិញ្ចឹមឆ្នាំងបាយស្ទើរតែមិនគ្រប់ផងទេ តែក៏មិនត្រូវអស់សង្ឃឹមដែរ ។ រីឯបញ្ហាស្នេហា គូស្នេហ៍មានការមន្ទិលសង្ស័យគ្នា ៕
#ឆ្នាំរោង
រាសីថ្ងៃនេះមធ្យម ៖ គ្រប់ការងារទាំងអស់ដែលលោកអ្នកត្រូវបំពេញ បើមិនរកអ្នករួមសហការទេ គឺមិនអាចទទួលបានលទ្ធផលល្អឡើយ ហើយបើធ្វើដំណើរតាមយានយន្តលោកអ្នកគួរតែប្រុងប្រយ័ត្នខ្ពស់ផងដែរ ចៀសវាងការកើតមានគ្រោះថ្នាក់ដោយប្រការណាមួយ ។ បើជាអ្នកប្រកបមុខរបររកស៊ីវិញគួរជួញដូរនៅទីជិតៗបានហើយ ទើបសមប្រកប ។ រីឯបញ្ហាស្នេហា គូស្នេហ៍ចេះស្តាប់ឱវាទគ្នា ៕
#ឆ្នាំម្សាញ់
រាសីថ្ងៃនេះឡើងខ្ពស់ត្រដែត ៖ គ្រប់កិច្ចការទាំងអស់ដែលលោកអ្នកត្រូវធ្វើរមែងបានសម្រេចផលគួរជាទីពេញចិត្ត ព្រោះមានគេជួយចូកជួយចែវគ្រប់ជំហាន ហើយជាមួយគ្នានេះ ក៏អាចទទួលបាននូវលាភសក្ការៈដែលនឹកស្មានមិនដលទៀតផងមកពីទិសឧត្តរ ។ បើជាអ្នកប្រកបមុខរបររកស៊ីវិញ ទោះបីជាលក់ដូរអ្វីក៏ដាច់ជាងពេលមុនៗដែរ ។ រីឯបញ្ហាស្នេហា ទទួលបាននូវសុភមង្គល គួរជាទីពេញចិត្ត ៕
#ឆ្នាំមមី
រាសីថ្ងៃនេះឡើងខ្ពស់ ៖ គ្រប់កិច្ចការសព្វសារពើដែលលោកអ្នកត្រូវបំពេញនៅក្នុងថ្ងៃនេះគឺជួបតែលទ្ធផលល្អជានិច្ចគ្មានឧបសគ្គអ្វីមករារាំងធ្វើឱ្យមានការលំបាកលំបិនពេកនោះទ ដូច្នេះសូមលោកអ្នកកុំព្រួយបារម្ភ ។ បើជាអ្នកប្រកបមុខរបររកស៊ីវិញ ដាក់ចុះដុះឡើងតាមដៃអាចឱ្យលោកអ្នកពង្រីកអាជីវកម្មធំថែមទៀតបាន ។ រីឯបញ្ហាស្នេហា គឺគូស្នេហ៍រួមរស់នៅជាមួយគ្នាបានសេចក្តីសុខក្រៃលែង ៕
#ឆ្នាំមមែ
រាសីថ្ងៃនេះឡើងខ្ពស់ ៖ គ្រប់សកម្មភាពការងាររបស់លោកអ្នកនៅក្នុងថ្ងៃនេះ មានសភាពល្អ ប្រសើរ អាចឱ្យលោកអ្នកដណ្តើមបានស្នាដៃដ៏ធំធេងគ្មានអ្វីមករារាំងបានឡើយ ។ បើជាអ្នកប្រកបមុខរបររកស៊ីវិញ មានការរីកចំរើនកើតកាលវាលគុម្ពត្រជាក់ត្រជំប្រសើរពេកណាស់។ រីឯបញ្ហាស្នេហាលោកអ្នកអាចបានជួបនឹងគូស្នេហ៍មានរូបសម្បតិ្ត និងលក្ខណសម្បត្តិដ៏វិសេសវិសាល បើមិនទាន់រៀបការ ៕
#ឆ្នាំវក
រាសីថ្ងៃនេះឡើងខ្ពស់ ៖ លោកអ្នកឈានចូលមកដល់ថ្ងៃនេះ នឹងបានរួចចាកផុតពីសេចក្តីសៅហ្មងទាំងឡាយដែលធ្លាប់កើតមានពីពេលមុនមក ហើយខណៈពេលនេះដែរ លាភសំណាងរបស់លោកអ្នកក៏នឹងកើតមានឡើងវិញដែលធ្វើឱ្យលោកអ្នករីករាយ ។ បើជាអ្នកប្រកបមុខរបរ រកស៊ីវិញផលចំណេញដែលបានមកអាចនឹងសន្សំទុកដាក់បានច្រើន ។ រីឯបញ្ហាស្នេហាតែងមានចំណងមេត្រីគ្នាយ៉ាងស្អិតរមួត ៕
#ឆ្នាំរកា
រាសីថ្ងៃនេះមធ្យម ៖ លោកអ្នកនឹងមានឱកាសល្អច្រើនអាចឱ្យប្រកបការងារបានពេញដៃពេញជើង ប៉ុន្តែក៏មានគូប្រជែងជាប់ជាប្រចាំផងដែរ ហេតុនេះមុននឹងប្រកបកិច្ចការអ្វីមួយ ចូរលោកអ្នកមានការប្រុងប្រយ័ត្នឱ្យបានម៉ឺងម៉ាត់បន្តិច ។ បើជាអ្នកប្រកបមុខរបររកស៊ីវិញ មានការលូតលាស់ទៅមុខដោយសន្សឹមៗមិនខាតបង់ទេ ។ រីឯបញ្ហាសេ្នហាមានស្ថានភាពដូចធម្មតាមិនមានអ្វីជាផលរមាស់ឡើយ ៕
#ឆ្នាំច
រាសីថ្ងៃនេះធ្លាក់ចុះ ៖ លោកអ្នកច្រើនធ្លោយគំនិតគិតទៅលើរឿងដែលមិនត្រូវគិត ហើយអាចមានការរង្កៀសចិត្តបន្តិចបន្តួចជាមួយនឹងមិត្តភក្តិរួមការងារ ។ បើជាអ្នកប្រកបមុខរបររកស៊ីវិញ ទោះបីជាខំប្រឹងប្រែងយ៉ាងណាក្តី ក៏រកប្រាក់ចំណេញមិនសូវបានច្រើនប៉ុន្មានដែរជាមួយនេះអាចនឹងចូលដើមទៀតផង ។ រីឯបញ្ហាស្នេហាគឺគូស្នេហ៍ច្រើនតែប្រចែប្រចណ្ឌដោយពុំមានហេតុផលអ្វីត្រឹមត្រូវឡើយ ៕
#ឆ្នាំកុរ
រាសីថ្ងៃនេះមធ្យម ៖ លោកអ្នកអាចនឹងត្រូវមនុស្សចម្លែកភេទផ្ទុយមកញ្ចុះបញ្ចូលចិត្តឱ្យដើរទៅរកផ្លូវមិនល្អ ហេតុនេះបើសិនជាមានមែននោះចូរកុំរវីរវល់ជាមួយឱ្យសោះ ពីព្រោះអាចឱ្យមានក្តីវិនាសដល់ខ្លួនបាន ។ បើជាអ្នកប្រកបមុខរបររកស៊ីវិញ ទោះបីជាចេញទៅជួញដូរនៅទីណាក្តីមិនថាទីជិត ឬឆ្ងាយឡើយក៏ទទួលបានផលល្អដែរ ។ រីឯបញ្ហាស្នេហា គូស្នេហ៍អាចនឹងមានការរកាំរកូសនឹងគ្នាក៏សឹងថាបាន ៕
( សូមឱ្យមិត្តអ្នកអានជួបតែសំណាងល្អ ចៀសផុតសំណាងអាក្រក់ទាំងឡាយទាំងពួង ស៊ែរដើម្បីទទួលបានសំណាងល្អគ្រប់ៗគ្នា )
ចែករំលែកព័តមាននេះ