យោងទៅតាមប្រភពព័ត៌មានរ៉យទ័រ ចេញផ្សាយកាលពីថ្ងៃអង្គារទី១៨ កញ្ញា ឆ្នាំ២០១២ បានឱ្យដឹងថា តារាចម្រៀងកូឡុំប៊ី នាងសាគីរ៉ា ដែលជាសំណព្វចិត្តរបស់អ្នកចាំទីក្រុមជម្រើសជាតិអេស្ប៉ាញអីឃើ កាស៊ីឡាស់រួមជាមួយនឹងតារាចម្រៀងអាមេរិក លោកអូស័រ នឹងចូលមកជំនួសតំណែងនាង Christina Aguilera និង លោក Cee Lo Green ដើម្បីធ្វើជាគណៈកម្មការប្រឡងចម្រៀង “The Voice” ដែលនឹងចូលមកដល់នៅរដូវកាលថ្មីឆ្នាំ២០១៣ខាងមុខនេះ ។
លោក Robert Greenblatt ប្រធានក្រុមហ៊ុនកម្សាន្ត NBC និយាយក្នុងសេចក្តីថ្លែងការណ៍របស់លោថា ដោយសារតែនាង Christina Aguilera ជាប់រវល់ក្នុងការថតបទចម្រៀងសម្រាប់អាល់ប៊ុមថ្មីនៅខែវិច្ឆិកាខាងមុខនេះ ខណៈពេលដែលលោក Cee Lo Green កំពុងមមាញឹកក្នុងការសរសេរបទម្រៀង និងនិពន្ធរឿងកំប្លែងឱ្យផលិតកម្ម NBC ទាក់ទងនឹងខ្សែជីវិតរបស់លោក ដូច្នេះអ្នកទាំងពីរត្រូវមកបំពេញកៅអីនៅទំនេរនេះ ។លោក Robert Greenblatt បានបន្តឱ្យដឹងទៀតថា ជាមួយនឹងវត្តមានតារាល្បីៗទាំងពីររូបនេះកម្មវិធីប្រឡងចម្រៀង The Voice ច្បាស់ជាទទួលបានជោគជ័យជាមិនខានឡើយ ៕
ចែករំលែកព័តមាននេះ