តាមប្រភពព័ត៌មានឆាយណា ដេលី ចេញផ្សាយកាលពីថ្ងៃអាទិត្យ ទី២៨ សីហា បានឱ្យដឹងថា តារាសម្តែងជេនីសហ្វើ អានីស្តុន និងមិត្តប្រុសរបស់នាងជាស្ទីន បានទៅជួលផ្ទះដែលមានតម្លៃត្រឹមតែ៣លានដុល្លារក្នុងតំបន់ Hollywood Hills នៅក្នុងរដ្ឋកាលីហ្វនីញ៉ា ដើម្បីស្នាក់នៅ ។
តាមប្រភពព័ត៌មានឆាយណា ដេលី ចេញផ្សាយកាលពីថ្ងៃអាទិត្យ ទី២៨ សីហា បានឱ្យដឹងថា តារាសម្តែងជេនីសហ្វើ អានីស្តុន និងមិត្តប្រុសរបស់នាងជាស្ទីន បានទៅជួលផ្ទះដែលមានតម្លៃត្រឹមតែ៣លានដុល្លារក្នុងតំបន់ Hollywood Hills នៅក្នុងរដ្ឋកាលីហ្វនីញ៉ា ដើម្បីស្នាក់នៅ ។
មូលហេតុដែលនាងត្រូវទៅនៅផ្ទះជួលបែបនេះ គឺ ដោយសារតែនាងបានលក់ផ្ទះរបស់នាងដែលមានតម្លៃ៣៨លានដុល្លារ ហើយនៅដំណាច់ខែសីហា នេះ ម្ចាស់ផ្ទះថ្មី នឹងត្រូវរើចូលមកនៅទីនោះ ដូច្នេះនាងត្រូវតែទៅនៅផ្ទះជួលមួយរយៈសិន ទំរាំរកទិញផ្ទះថ្មីបាន ។ តារាសម្តែងដែលធ្លាប់រស់នៅក្នុងគេហដ្ឋានដ៏ស្កឹមស្កៃបាននិយាយថា ៖ ទោះបីវាជាផ្ទះតូចចង្អៀតមានត្រឹមតែ២បន្ទប់ក៏ដោយតែវាហាក់ដូចជាទីកន្លែងមួយពោរពេញទៅដោយមនោសញ្ចេតនាសម្រាប់ការរស់នៅរបស់នាង និងមិត្តប្រុស ពីព្រោះនៅជុំវិញវាមានទេសភាពល្អត្រកាល។
គួររំលឹកដែរថា តារាសម្តែងដែលមានទ្រព្យសម្បត្តិមហាសាល១១០លានដុល្លារ (ឆ្នាំ២០០៧) និងជាអតីតប្រពន្ធរបស់តារាហូលីវូដ ព្រីដផីត ទើបតែបានជួបស្នេហ៍ថ្មីជាមួយជាស្ទីន តារាហូលីវូដ កាលពីខែឧសភា ឆ្នាំ២០១១ ហើយនាងបានប្រកាសពីទំនាក់ទំនងរបស់នាងជាសាធារណៈកាលពីខែកក្កដា កន្លងទៅនេះ៕
ចែករំលែកព័តមាននេះ