ទីក្រុងញូវដេលី៖ យ៉ាងហោចណាស់ មនុស្ស ៦២នាក់បានស្លាប់និង ៨នាក់ទៀតកំពុងបាត់ខ្លួនដោយសារគ្រោះទឹកជំនន់ដែលកំពុងបន្តវាយប្រហាររដ្ឋអាសាម ភាគឦសានប្រទេសឥណ្ឌា។ អាជ្ញាធរបានឱ្យដឹងថា ប្រជាពលរដ្ឋជាង ១,១លាននាក់កំពុងរងផលប៉ះពាល់ ខណៈទឹកជំនន់បានរាលដាលទៅដល់ ២៥ស្រុក។ នេះបើយោងតាមការចុះផ្សាយរបស់សារព័ត៌មាន ស៊ីនហួ នៅថ្ងៃទី២៥ ខែកក្កដានេះ។
ទិន្នន័យផ្លូវការបង្ហាញថា ភូមិចំនួន ២,១០១ត្រូវបានជន់លិច និងដីកសិកម្មជាង ៥៦,៦០០ហិកតាកំពុងស្ថិតក្រោមទឹក។ ទន្ទឹមនឹងនេះ អាជ្ញាធរបានបើក ជំរំសង្គ្រោះ ១៧០កន្លែងនិងមជ្ឈមណ្ឌលចែកចាយជំនួយជាង ១,៣០០កន្លែងដើម្បីផ្តល់អាហារ និងទីជម្រកដល់ប្រជាពលរដ្ឋដែលរងគ្រោះ។
អាជ្ញាធរឥណ្ឌាកំពុងបង្កើនប្រតិបត្តិការជួយសង្គ្រោះ ខណៈដៃទន្លេជាច្រើននៃទន្លេព្រាហ្មបុត្រា នៅតែហូរលើសកម្រិតប្រកាសអាសន្ន។ ទឹកជំនន់គឺជាគ្រោះមហន្តរាយដែលកើតឡើងស្ទើររៀងរាល់ឆ្នាំនៅរដ្ឋអាសាម ក្នុងរដូវភ្លៀងមូសុង៕
ចែករំលែកព័តមាននេះ