ស្ងាត់ៗ! អតីតពិធីករល្បីឈ្មោះ នាយ ទុយ ទម្លាយរូបភាពភរិយា និងកូនដំបូង ធ្វើឲ្យមហាជនភ្ញាក់ផ្អើលយ៉ាងខ្លាំង
- ភ្នំពេញ
រាជធានីភ្នំពេញ ៖ អតីតពិធីករ និងតារាសម្តែងលោក អ៊ីង រដ្ឋា បានធ្វើឱ្យមហាជន ជាពិសេស បណ្តាអ្នកលេងបណ្តាញសង្គមមានការភ្ញាក់ផ្អើលយ៉ាងខ្លាំង បន្ទាប់ពីលោកបានទម្លាយរូបភាពភរិយា និងកូនដែលទើបសម្រាលបានមួយខែ ទាំងដែលលោកមិនធ្លាប់លេចឮព័ត៌មានចូលរោងការនៅពេលណានោះឡើយ ។
តារាប្រុសរូបនេះបានបាត់មុខអស់ជាច្រើននៅក្នុងរង្វង់សិល្បៈ បើសូម្បីតែកម្មវិធីអ្នកសិល្បៈជាច្រើនកន្លងមកនោះ គេក៏កម្រឃើញមានវត្តមាននាយទុយចូលរួមដែរ ។ យ៉ាងស្ងប់ស្ងាត់ពីការងារសិល្បៈរាប់ឆ្នាំ ស្រាប់តែស្ងាត់ៗ នាយ ទុយ កំពុងសម្ងំកសាងជីវិតគ្រួសារយ៉ាងមានសុភមង្គល ខណៈពេលក្នុងចង្កោមអ្នកសិល្បៈក៏មិនមានអ្មកណាដឹង ឬទម្លាយថា លោករៀបការមានភរិយានោះដែរ ។
តាមរយៈរូបភាពប៉ុន្មានសន្លឹកបង្ហោះលើបណ្តាញសង្គម ពិធីករល្បីឈ្មោះលោក អ៊ឹង រដ្ឋា ហៅ ទុយ បានភ្ជាប់ជាមួយសំណេរថា អាយុបាន១ខែហើយសាណា 16.07.026 ម៉ាក់ប៉ាជូនពរកូនសុខភាពល្អណាកូនណា ។
ការទម្លាយភាពភរិយា និងកូនពីសំណាក់នាយទុយ នាពេលនេះ បានធ្វើអោយមានការភ្ញាក់ផ្អើល ជាមួយនឹងការកត់សម្គាល់ថា លោកបានចូលរោងការនៅពេលណា បានជាស្ងាត់ៗលោកបញ្ចេញរូបភាពភរិយា និងកូនជាសាធារណៈនាពេលនេះ ។
យ៉ាងណាក៏ដោយ បន្ទាប់ពីនាយ ទុយ បង្ហោះរូបភាពភរិយា និងកូនលើបណ្តាញសង្គមនាពេលនេះ គេឃើញមានមហាជន ជាពិសេស មិត្តភក្តិក្នុងចង្កោមអ្នកសិល្បៈដូចគ្នាបានចូលទៅធ្វើការខមមិន ដោយម្នាក់ៗ បានចូលរួមសម្តែងការអបអរសាទរទៅដល់រូបលោក និងក្រុមគ្រួសារផងដែរ ។
គួបញ្ជាក់ថា មហាជននិយមតាមដានកម្មវិធីកំសាន្តទូរទស្សន៍ច្បាស់ជាបានស្គាល់យ៉ាងច្បាស់លោក អ៊ឹង រដ្ឋា ហៅនាយ ទុយ ដែលជាតារាសម្តែង និងជាពិធីករមានឈ្មោះបោះសំឡេងមួយរូបកាលពីអំឡុងឆ្នាំ២០០០ ដល់ឆ្នាំ២០១០ ។
យ៉ាងណា ក្នុងរយៈពេលប៉ុន្មានឆ្នាំចុងក្រោយនេះ នាយទុយ បានបាត់វត្តមានពីវិស័យសិល្បៈដោយមិនមានដំណឹង ឬមូលហេតុអ្វីនោះឡើយ ក្នុងពេលដែលជីវិតឯកជនលោកយ៉ាងណាហើយនោះ ក៏មិនមានណាគេមកទម្លាយអោយដឹងនោះដែរ ។
ដោយឡែក ពាក់ព័ន្ធជីវិតស្នេហា និងគ្រួសារនោះ កន្លងមកនាយ ទុយ ក៏មិនដែលលើកមកនិយាយនោះដែរ ខណៈអំឡុងពេលលោកស្ថិតក្នុរង្វង់សិល្បៈនោះ ក៏ពិធីកររូបនេះពុំសូវលេចឮដំណឹងស្នេហានឹងតារាស្រីរូបណាដែរ ៕
ចែករំលែកព័តមាននេះ