រាជធានីភ្នំពេញ ៖ តារាចម្រៀងនាង អេនជី បានចេញមុខប្រតិកម្មតបទៅកាន់មហាជនមួយចំនួនដែលបានធ្វើការរិះគន់មកលើរូបនាង ពាក់ព័ន្ធទៅនឹងការស្លៀកពាក់ដែលមើលទៅមិនសមរម្យអំឡុងពេលដែលនាងដើរលេងកំសាន្តលើផ្លូវថ្មើរជើងមាត់ទន្លេ ហើយរូបភាពវីដេអូនោះ ត្រូវបាននាងបង្ហោះនៅលើបណ្តាញសង្គម ។ ប្រតិកម្មពីតារារូបនេះកើតឡើង…
រាជធានីភ្នំពេញ ៖ តារាចម្រៀងនាង អេនជី បានចេញមុខប្រតិកម្មតបទៅកាន់មហាជនមួយចំនួនដែលបានធ្វើការរិះគន់មកលើរូបនាង ពាក់ព័ន្ធទៅនឹងការស្លៀកពាក់ដែលមើលទៅមិនសមរម្យអំឡុងពេលដែលនាងដើរលេងកំសាន្តលើផ្លូវថ្មើរជើងមាត់ទន្លេ ហើយរូបភាពវីដេអូនោះ ត្រូវបាននាងបង្ហោះនៅលើបណ្តាញសង្គម ។
ប្រតិកម្មពីតារារូបនេះកើតឡើង បន្ទាប់ពីមានមហាជនមួយចំនួនបាននាំគ្នាចូលទៅខមមិនពីក្រោមរូបភាពវីដេអូរបស់នាងដោយអ្នកខ្លះបានប្រើប្រាស់ពាក្យសម្តីថា មិនសមរម្យ មិនពាក់អាវទ្រនាប់ ហើយបង្ហាញចុងសុដន់យ៉ាងច្បាស់ជាដើម ។ល។
ការរិះគន់នេះបានធ្វើឲ្យ អេនជី ហាក់ក្តៅចុងច្រមុះនឹងបានចេញមុខប្រតិកម្មវិញភ្លាមៗ ដោយនាងបានចាត់ទុកការរិះគន់ខាងលើនេះ គឺមិនបានពិនិត្យឲ្យបានច្បាស់លាស់ ខណៈពេលដែលសម្លៀកបំពាក់របស់នាង គឺជាម៉ូតមួយធម្មតា និងមិនសិចស៊ីពេកនោះឡើយ ។
តាមរយៈវីដេអូឃ្លីបតារាចម្រៀង អេនជី បានលើកឡើងថា ការរិះគន់ទាំងអស់នេះហាក់មិនបានមើលគ្រប់ជ្រុងជ្រោយ ហើយបើចង់ច្បាស់មហាជនអាចចូលមើលគ្រប់បណ្តាញសង្គមរបស់នាងថា តើនាងចូលចិត្តស្លៀកសម្លៀកបំពាក់របៀបណា ។
នាងថា អ្នកខ្លះខមមិនថា ខ្ញុំជាជាតិអ្វីបានជាមិនពាក់អាវទ្រនាប់អញ្ចឹង តើអ្នកទាំងនោះល្ងង់ ឬធ្វើមិនដឹងថា ខ្ញុំគឺជាខ្មែរ នេះគឺជាការខមមិនបែបឡកឡឺយ គ្មានសីលធម៌ ។ អញ្ចឹងអ្នកដែលវែកញែករឿងម៉ូដអាវរបស់ខ្ញុំ គឺដឹងថា អាវនេះគឺម៉ូដធម្មតា ហើយអាវនេះជាទូទៅគេប្រើជេរបិទចុង ឬគេប្រើប៉ុង ។
នាងបន្តថា ខ្ញុំកម្រប្រតិកម្ម ឬខមមិនតបរឿងឥតប្រយោជន៍ទាំងអស់នេះណាស់ ប៉ុន្តែខ្ញុំចង់កុំឲ្យមានការយល់ច្រឡំ និងភាពស្អាតស្អំចំពោះរូបខ្ញុំ ។
នាងបញ្ជាក់ថា ថ្ងៃដែលនាងបានទៅលេង Wark street គឺជាលើកទីមួយ ហើយជាទូទៅនាងចូលចិត្តស្លៀកពាក់បែបសាមញ្ញបំផុតគឺពាក់អាវយឺតដៃខ្លី និងស្លៀកខោខូវប៊យបែបរលុងដូចមនុស្សប្រុស ព្រោះជាចំណង់ចំណូលចិត្តរបស់នាង ។
យ៉ាងណា បើតាម អេនជី មុននឹងធ្វើការខមមិនបែបនេះ សូមមើលឡើងវិញផងថា តើនាងចូលចិត្តស្លៀកពាក់បែបណា ហើយនាងក៏មិនទាមទារចង់ល្បីល្បាញដោយសារតែរឿងមួយនេះឡើយ ខណៈពេលដែលនាងបានសាងកេរ្តិ៍ឈ្មោះរហូតមកដល់នាពេលនេះ គឺមិនមានធ្វើអ្វីមួយដែលធ្វើឲ្យបំពុលសង្គមនោះឡើយ ។
អេនជី បានអះអាងបន្ថែមថា សូមបងប្អូនទាំងអស់ធ្វើការខមមិនដោយពាក្យល្អៗ ព្រោះអំឡុងពេលដែលនាងទៅលេងលើផ្លូវថ្មើជើងនោះ នាងក៏បានជួយលក់ការ៉េមអ៊ុំម្នាក់ដែរ ហើយនាងក៏មានចិត្តសប្បាយរីករាយចំពោះអ្វីដែលនាងបានធ្វើនាពេលនោះដែរ ៕
ចែករំលែកព័តមាននេះ