ក្នុងពេលដែលសង្គ្រាមនៅតាមបន្ទាត់ព្រំដែនកាន់តែឡើងកម្តៅនោះ តារាចម្រៀងលោក ណុប បាយ៉ារិទ្ធ បានធ្វើការអំពាវនាវដល់អ្នកសិល្បៈខ្មែរទាំងអស់ ក្រោកឈរឡើងរួមគ្នាជាស្មារតីជាតិនិយម ដោយមិនមានកម្រាលព្រំ និងការសហការអ្វីជាមួយអ្នកសិល្បៈថៃទៀតឡើយ ។ ការអំពាវនាវរបស់តារាចម្រៀងរូបនេះធ្វើឡើង…
ក្នុងពេលដែលសង្គ្រាមនៅតាមបន្ទាត់ព្រំដែនកាន់តែឡើងកម្តៅនោះ តារាចម្រៀងលោក ណុប
បាយ៉ារិទ្ធ បានធ្វើការអំពាវនាវដល់អ្នកសិល្បៈខ្មែរទាំងអស់ ក្រោកឈរឡើងរួមគ្នាជាស្មារតីជាតិនិយម ដោយមិនមានកម្រាលព្រំ និងការសហការអ្វីជាមួយអ្នកសិល្បៈថៃទៀតឡើយ ។
ការអំពាវនាវរបស់តារាចម្រៀងរូបនេះធ្វើឡើង បន្ទាប់ពីតារាថៃជាបន្តបន្ទាប់ពីចេញមុខលើកទឹកចិត្តកងទ័ពគេ និងបាននិយាយបង្ខូចខ្មែរយើងទៅកាន់ពិភពលោកក្នុងជម្លោះតាមព្រំដែនរវាងប្រទេសទាំងពីរ ។
តាមរយៈសំណេរបង្ហោះលើបណ្តាញសង្គមតារាចម្រៀងលោក ណុប បាយ៉ារិទ្ធ បានលើកឡើងថា ម៉ោងនេះ ពេលនេះ ទោះខ្ញុំមិនមែនជាកងទ័ពកាន់កាំភ្លើងតស៊ូជាមួយសត្រូវឈ្លានពាននៅឯសមរភូមិតែខ្ញុំមានមនសិការជាកូនខ្មែរដែលស្រលាញ់សេចក្តីសុខសន្តិភាពដោយមិនព្រមអោយសត្រូវឈ្លានពានណាមួយប្រមាថឬរំលោភអធិប្បតេយ្យរបស់កម្ពុជាឡើយ ។
លោកថា សូមកូនខ្មែរទាំងអស់ក្រោកឡើងរួបរួមគ្នាប្រើប្រាស់គ្រប់ប្រព័ន្ធsocial media បង្ហាញទៅកាន់ពិភពលោកនិងអង្គការសហប្រជាជាតិអោយបានដឹងពីការពិតពីគំនិតថោកទាបខ្មៅកខ្វក់របស់ជនឈ្លានពានថៃ ។
លោកបញ្ជាក់ថា ផ្តើមចេញពីការគំរាមកំហែងសម្តីឌឺដង ការបិតព្រំដឬន ការគំរាមផ្សេងៗ។ល។ ផ្តើមដោយពាក្យសម្តីរហូតបង្កើតជាទង្វើរដ៏គឃ្លើនរបស់ថៃកម្ពុជានៅតែរក្សានៅភាពស្ងប់ស្ងាត់ដោះស្រាយដោយសន្តិវិធី និងភាពជាចាស់ទុំក្នុងនយោបាយការទូត ។ ទីបំផុតថៃនៅតែរំលោភបំពានមកលើអធិបតេយ្យភាពរបស់កម្ពុជា កម្ពុជាត្រូវតែមានសិទ្ធប្រើប្រាស់ការការពារខ្លួនដោយជៀសមិនផុតព្រោះមិនអាចបិទភ្នែកទ្រាំខាំមាត់អោយគេបំពានមកលើមាតុភូមិកំណើតរបស់យើងម្តងហើយម្តងទៀតបានឡើយ ។
បើតាមលោក ណុប បាយ៉ារិទ្ធ ពាក្យថាសង្គ្រាមរមែងមានការប៉ះពាល់ពិសេសទៅលើជនស៊ីវិល ប្រជាជនស្លូតត្រង់ជៀសមិនផុត តែភ្លើងសង្គ្រាមមួយនេះគឺផ្តើមចេញពីចោរឈ្លានពានដែលស្រែកឃ្លានការចង់បានដោយឥតកេរ្ត៍ខ្មាសសៀមតែម្តង ចុងក្រោយក៏សម្តែងជាជនរងគ្រោះបង្ហាញទៅកាន់ពិភពលោក ហើយបង្វែរស្ថានការណ៍ចោទប្រកាន់ទម្លាក់កំហុសអោយកម្ពុជា ។ ក្នុងនាមជាកូនខ្មែរ យើងមិនព្រមទទួលយកជាដាច់ខាតនៅរាល់ទង្វើរថោកទាបឈ្លានពានក្នុងគោលបំណងដណ្តើមយក យកមិនបានបំផ្លាញ ហើយបង្កើតលេសទំលាក់កំហុសរបស់ចោរសៀម ។
សូមបងប្អូនសិល្បៈករ សិល្បៈការរិនី ជនរួមជាតិគ្រប់ៗគ្នា ក្រោកឈរឡើង រួបរួមស្មារតីជាតិនិយមឡើង យើងគ្មានកម្មវិធីរួមកំរាលព្រំក្រហម គ្មានការសហការអ្វីជាមួយវាទៀតទេ ចេះឈឺចាប់ឡើង កុំបណ្តោយអោយតារាគេ ប្រជាជនគេ ជាតិសាសន៍គេ ប្រើយុទ្ធសាស្ត្រនិងឥទ្ធិពលរបស់គេមកមួលបង្កាច់ជនជាតិយើង ប្រជាជាតិយើងទៅកាន់ពិភពលោកបានអោយសោះ ខ្មែររួបរួមគឺខ្មែរឈ្នះ ម៉ោងនេះអាវុធតតាំងនិងអាវុធ social media តតាំងនិង social media បើយើងនៅស្ងៀមអយុត្តិធម៌និងកើតមាន ក្រោកឈរឡើង ដើម្បីកម្ពុជា ៕
ចែករំលែកព័តមាននេះ