រាជធានីភ្នំពេញ ៖ តារាពហុជំនាញ អ្នកនាង ខាត់ សុឃីម បានចេញមុខដោយស្នើសុំទៅដល់អ្នកសិល្បៈដែលពាក់ព័ន្ធទៅនឹងបញ្ហាជម្លោះនានាទាំងអស់គួរជួបគ្នាខាងក្រៅ ដើម្បីដោះស្រាយដោយសន្តិវិធី ខណៈពេលដែលជម្លោះដែលបានកើតឡើងកាន់តែឡើងកម្តៅស្ទើរទប់លេងជាប់ការលើកឡើងពីអ្នកនាង ខាត់…
រាជធានីភ្នំពេញ ៖ តារាពហុជំនាញ អ្នកនាង ខាត់ សុឃីម បានចេញមុខដោយស្នើសុំទៅដល់អ្នកសិល្បៈដែលពាក់ព័ន្ធទៅនឹងបញ្ហាជម្លោះនានាទាំងអស់គួរជួបគ្នាខាងក្រៅ ដើម្បីដោះស្រាយដោយសន្តិវិធី ខណៈពេលដែលជម្លោះដែលបានកើតឡើងកាន់តែឡើងកម្តៅស្ទើរទប់លេងជាប់
ការលើកឡើងពីអ្នកនាង ខាត់ សុឃីម នាពេលនេះ បានកើតឡើងស្របពេលដែលបញ្ហាមួយចំនួនក្នុងសង្គមសង្គមសិល្បៈបាននឹងកំពុងកើតឡើងនឹងកំពុងផ្ទុះការជជែកវែកញែកយ៉ាងខ្លាំងពេញបណ្តាញសង្គម ។
បញ្ហាដែលបានកើតឡើងនោះ មានដូចជាតារាចម្រៀងចាស់វស្សា អ្នកនាង យក់ ថិតរដ្ឋា បានចូលខ្លួនមកសម្ភាសន៍តទល់មុខគ្នាឲ្យដឹងខុសត្រូវ នៅក្នុងកម្មវិធីរបស់ស្ថានីយ៍ទូរទស្សន៍ក្នុងស្រុកជាមួយនាងរ៉ាប៊ី ក្រោយមានការសង្ស័យពីការប្រើពាក្យសំដីតាមបណ្តាញសង្គមរឿងអ្នកសិល្បៈជាន់ថ្មីមិនគោរពសិល្បៈរៀមច្បង ។
បញ្ហានេះ បានក្លាយជាប្រធានបទក្តៅ និងផ្ទុះការជជែកវែកញែកនៅតាមបណ្តាញសង្គមពីសំណាក់អ្នកគាំទ្រអ្នកទាំងពីរ ដោយមានការចោទប្រកាន់មកលើគ្នារៀងខ្លួន ដោយមិនមានមូលដ្ឋានច្បាស់លាស់ ។
រឿងមួយទៀតដែលកំពុងតែក្តៅគគុក និងកំពុងមានការចាប់អារម្មណ៍ខ្លាំងលើបណ្តាញសង្គមដែរនោះ គឺរឿងតារាស្រីវ័យក្មេងមួយរូប ដែលបានចេញមកទម្លាយរឿងរ៉ាវពីអ្នកដឹកនាំរឿងម្នាក់បានល្បងតួស្រីៗក្មេងធ្វើអំពើមិនគប្បីជាថ្នូរនឹងការចូលសិល្បៈ និងភាពល្បីល្បាញ ។
ទំនងជាមើលឃើញរឿងរ៉ាវខាងលើនេះ កំពុងឡើងកំដៅខ្លាំង ហើយមានឥទ្ធិពលមិនល្អដល់សង្គមសិល្បៈខ្មែរ ទើបអ្នកនាង ខាត់ សុឃីម ក៏បានចេញមុខដោយស្នើសុំទៅកាន់ភាគីពាក់ព័ន្ធជម្លោះទាំងអស់ គួរណាត់គ្នាជជែកគ្នានៅខាងក្រៅ ជៀងវាងការវាយប្រហារគ្នាតាមបណ្តាញសង្គម ។
តាមរយៈសំណេរបង្ហោះលើបណ្តាញសង្គម អ្នកនាង ខាត់ សុឃីម បានលើកឡើងថា ក្នុងនាមអ្នកសិល្បៈ និងពលរដ្ឋមួយរូបសូមសំនូមពរប្អូនៗសិល្បៈ ក៏ដូចជាប្អូនៗដែលពាក់ព័ន្ធ ក្នុងជម្លោះទាំងអស់ណាត់គ្នាជួបខាងក្រៅរកខុសត្រូវដោះស្រាយទៅ ព្រោះខ្ញុំឃើញថា កាន់តែក្តៅ ទប់លែងជាប់រៀងៗខ្លួនហើយ ។
អ្នកនាងបញ្ជាក់ថា អ្នកទាំងអស់គ្នាសុទ្ធតែមានឥទ្ធិពល ទេពកោសល្យ អាចធ្វើអោយអ្នកគាំទ្រ សើច យំ សប្បាយ ខឹង តាមបាន ក្នុងអ្នកគាំទ្រនោះ ក៏មានបងម្នាក់ដែរ ដូច្នេះ សូមប្អូនៗទាំងអស់ បើអាចបញ្ចប់បាន គួរតែបញ្ចប់ទៅ ។ ជាពិសេស កម្មពិធីសម្ភាសន៍ អ្នកសិល្បៈទាំងអស់ មេត្តាអធ្យាស្រ័យសម្រួលសំំណួរ ឬកាត់ចោលខ្លះទៅនូវសំណួរណាដែលអាចបង្កអោយមានបញ្ហាដល់សង្គម និងអ្នកដទៃ ។
យ៉ាងណា បើតាមអ្នកនាង ខាត់ សុឃីម បងគោរពស្រលាញ់ប្អូនៗ និងទទួលស្គាល់សមត្ថភាពទាំងអស់គ្នាថា ជាធនធានល្អអាចជួយអោយសិល្បៈខ្មែរបានរីកចម្រើនបន្ថែមទៀត ៕
ចែករំលែកព័តមាននេះ