ជីវិតអ្នកចម្រៀងពេលយប់ វាមិនដូចជា ជីវិតជាសិស្សពេលថ្ងៃ ខណៈអ្នកចម្រៀងតាមរោងការមួយរូបបង្ហាះរូបភាពតែ២សន្លឹក រៀបរាប់រឿងពិតពីជីវិតខ្លួនធ្វើអោយមហាជនសម្តែងការចាប់អារម្មណ៍ពេញបណ្តាញសង្គម ។ ជាការពិត មានជីវិតត្រូវតែតស៊ូទោះជំហានដែលបោះវាមិនឆ្ងាយ តែនាពេលខាងមុខនឹងគង់តែប្រសើរដោយការខិតខំប្រឹងប្រឹងរបស់យើង ដូចពាក្យចាស់ពោលថា…
ជីវិតអ្នកចម្រៀងពេលយប់ វាមិនដូចជា ជីវិតជាសិស្សពេលថ្ងៃ ខណៈអ្នកចម្រៀងតាមរោងការមួយរូបបង្ហាះរូបភាពតែ២សន្លឹក រៀបរាប់រឿងពិតពីជីវិតខ្លួនធ្វើអោយមហាជនសម្តែងការចាប់អារម្មណ៍ពេញបណ្តាញសង្គម ។
ជាការពិត មានជីវិតត្រូវតែតស៊ូទោះជំហានដែលបោះវាមិនឆ្ងាយ តែនាពេលខាងមុខនឹងគង់តែប្រសើរដោយការខិតខំប្រឹងប្រឹងរបស់យើង ដូចពាក្យចាស់ពោលថា « សឹមៗកុំបំបោល ក្រែងមិនដល់ត្រើយដូចបំណង » ពោលពាក្យនេះសំដៅថា ធ្វើកិច្ចការអ្វីមួយ គួរណាតែគិតគូ តស៊ូ អត់ធ្មត់ជាមួយការងារមួយនោះ ទើបតែថ្ងៃណាមួយនឹងជោគជ័យ ។
ទៀតសោតដូចជា ក្មេងប្រុសរូបនេះ ដោយសារតែគ្រួសារខ្វះខាត ខ្លួនជាកូនបង ត្រូវរ៉ាប់រងការងារច្រៀងអត់ងងុយ មួយចំណែកជួយគ្រួសារ មួយផ្នែកទុករៀន អ្វីដែលជាក្តីស្រមៃ ប្អូន គឺរៀនអោយចប់ ទោះបច្ចុប្បន្នស្ថិតក្នុងស្ថានភាពធ្មត់ក៏ដោយ ។
គួរបញ្ជាក់ដែរថា រូបភាព២សន្លឹក ដែលចែកក្នុងគណនី Tik Tok ឈ្មោះ Lysinger2 ធ្វើអោយមហាជនសរសើរពីទឹកចិត្តការតស៊ូ អត់ធ្មត់ប្អូន ក្រោយប្អូនភ្ជាប់ជាមួយរូបភាពថា « តស៊ូដើម្បីក្តីស្រម៉ៃ ព្រឹកសិស្ស យប់អ្នកចម្រៀង» ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ប្អូនប្រុសដែលរៀនផង ធ្វើការជាអ្នកចម្រៀងផងរូបនេះ មានឈ្មោះ តាំង គីមលី ។ សព្វថ្ងៃ ប្អូន គីមលី កំពុងរៀនថ្នាក់ទី១២ នៃវិទ្យាល័យហ៊ុនសែនអូររាំងឪ ដែលស្ថិតក្នុងស្រុកអូររាំងឪ ខេត្តត្បូងឃ្មុំ ។
ប្អូនតាំង គីមលី បន្តថា ពេលថ្ងៃប្អូនរៀនពេលយប់ ដូច្នេះជួបការលំបាកច្រើនពិបាកគណនា ពោលច្រៀងពេលយប់ អត់ងងុយ ពេលខ្លះចេញពីច្រៀងបែកកង់ម៉ូតូ អូរបណ្តើរកាត់ព្រៃទាំងយប់ក៏មានលើសពីនេះ ការដែលជួបគ្រោះថ្នាក់ក៏ច្រើន ពោល គឺលំបាកចំពោះប្អូន ។
បើងាកមកការច្រៀងនេះទៀតសោត ច្រៀងយប់ ជួនកាលទៅរៀនយឺត ឬមិនទាន់ជាដើម តែប្អូនថា មិនឈប់រៀនទេ ព្រោះប្អូនចង់រៀនអោយចប់ ព្រោះក្តីស្រម៉ៃប្អូន គឺជាប៉ូលិស ដោយចង់ជួយ កិច្ចការសង្គម បម្រើប្រជាពលរដ្ឋក្នុងភូមិស្រុកប្អូន ។ កើតចេញពីកូនអ្នកលក់អីវ៉ាន់តិចតួច ប្អូន គីមលី បន្តថា ក្នុងជីវិតប្អូនមានជីវភាពសមល្មម តែដោយសារប្អូនជាកូនបង ដូច្នេះប្អូនត្រូវខិតខំច្រៀង ច្រៀងមួយយប់បានកំរៃ ៣០ទៅ៣៥ដុល្លារ ហើយប្រាក់ដែលរកបានយកទៅផ្គត់ផ្គង់ការសិក្សា និងជួយដល់គ្រួសារមួយចំណែក ។
គួរបញ្ជាក់ដែរថា នេះជាជីវិតពិតរបស់ក្មេងប្រុសម្នាក់ដែលមានការតស៊ូ ច្រៀងយប់ ខិតខំរៀនថ្ងៃ ដើម្បីបាយបីពេល និងសម្រេចក្តីស្រមៃជាប៉ូលិស បន្តការសិក្សាអោយចប់ចុងចប់ដើម ៕ ដោយ៖លីហួ គីមឆាយ
ចែករំលែកព័តមាននេះ