(សៀងហៃ)៖ កំពូលតារាហុងកុង Andy Lau មហាជនកម្ពុជាស្គាល់ថាជា លី តាវហួរ ធ្វើឱ្យទស្សនិកជនបុកពោះមិនស្ទើរក្រោយតារាប្រុសរូបនេះសម្តែងជ្រុលវិះនឹងធ្លាក់ពីលើឆាកកម្ពស់៤ម៉ែត្រ អំឡុងពេលប្រគុំតន្ត្រីរបស់គាត់នៅទីក្រុងសៀងហៃ។ កាលពីថ្ងៃទី៦…
(សៀងហៃ)៖ កំពូលតារាហុងកុង Andy Lau មហាជនកម្ពុជាស្គាល់ថាជា លី តាវហួរ ធ្វើឱ្យទស្សនិកជនបុកពោះមិនស្ទើរក្រោយតារាប្រុសរូបនេះសម្តែងជ្រុលវិះនឹងធ្លាក់ពីលើឆាកកម្ពស់៤ម៉ែត្រ អំឡុងពេលប្រគុំតន្ត្រីរបស់គាត់នៅទីក្រុងសៀងហៃ។
កាលពីថ្ងៃទី៦ ខែកក្កដា Andy Lau ពេលកំពុងសម្តែងបទ Practice តារាវ័យ៦៣ឆ្នាំស្ទើរតែរអិលធ្លាក់ពីកម្ពស់៤ម៉ែត្រ។ ក្នុងឃ្លីបដែលបានផ្សព្វផ្សាយតាមបណ្តាញសង្គម Andy Lau បានលុតជង្គង់និងអូសខ្លួន ស្ទើរតែបាត់បង់លំនឹង ហើយស្ទើរតែធ្លាក់ពីលើឆាកកម្ពស់ខ្ពស់ សំណាងហើយដែលតារាចម្រៀងប្រុសអាចចាប់ដៃទប់លំនឹងបានមុនពេលមានគ្រោះថ្នាក់កើតឡើង។
ហេតុការណ៍នេះបានធ្វើឱ្យទស្សនិកជនជាច្រើននាក់ដែលចូលរួមក្នុងកម្មវិធីផ្សាយផ្ទាល់ភ័យស្លន់ស្លោ ហើយនៅលើបណ្តាញសង្គមមហាជនជាច្រើនបានសម្តែងការព្រួយបារម្ភចំពោះការសម្តែងប្រកបដោយគ្រោះថ្នាក់របស់តារាចម្រៀងប្រុសរូបនេះ។
ឆ្លើយតបនឹងការព្រួយបារម្ភរបស់ទស្សនិកជន ថ្មីៗនេះ Andy Lau បានសុំទោសចំពោះទង្វើប្រថុយប្រថានរបស់គាត់ យ៉ាងដូច្នេះថា «ខ្ញុំសុំទោសដោយស្មោះ។ ខ្ញុំមិននឹកស្មានថារឿងនេះកើតឡើងទេ។
លោកបានទទួលស្គាល់ថាវាគឺជារឿងមិននឹកស្មានដល់ព្រោះឆាករលោងពេក។ ឧបទ្ទវហេតុដែលមិននឹកស្មានដល់ក៏ធ្វើឱ្យគាត់មានអារម្មណ៍ភ័យខ្លាចដែរ៕ ប្រភព៖ dimsumdaily
ចែករំលែកព័តមាននេះ