រាជធានីភ្នំពេញ ៖ មហាជន ជាពិសេសបណ្តាអ្នកលេងបណ្តាញសង្គមបានសម្តែងការភ្ញាក់ផ្អើលយ៉ាងខ្លាំងក្នុងពេលដែលគេបានឃើញតារាចម្រៀងលោក អ៊ីណូ បានទម្លាយរឿងរ៉ាវពិតនៅក្រោយឆាកសម្តែងដែលលោកកំពុងជួបបញ្ហាជីវិតទាល់ច្រកខ្លាំងជាមួយនឹងបំណុលប្រមាណជាង១០ម៉ឺនដុល្លារ ។
តារាចម្រៀងរូបនេះបានដាច់ចិត្តលេងលាក់បាំងប្រាប់ដល់មហាជននូវបញ្ហាជីវិតពិតរបស់លោកនាពេលបច្ចុប្បន្ន ដែលកំពុងជួបបញ្ហាចាក់ស្រះរើខ្លួនមិនរួចជាមួយនឹងបំណុល ដែលផ្ទុយស្រលះពីការមើលឃើញរបស់ទស្សនិកជនឃើញលោកហ៊ឺហា និងតែងតែផ្តល់ភាពរីករាយនៅពេលសម្តែងលើឆាកម្តងៗ ។
ក្នុងពេលដែលភាពលំបាកបានឈានរហូតដល់ភាពទាល់ច្រក តារាចម្រៀងលោក អ៊ីណូ បានបរិយាយរឿងរ៉ាវពិតរបស់ខ្លួន តាមរយៈសំណេរបង្ហោះលើបណ្តាញសង្គមថា ជំរាបសួរពុកម៉ែបងប្អូនខ្ញុំឈប់លាក់ហើយ ខ្ញុំទៅមុខលែងរួចហើយ សល់តែភាពល្បីល្បាញ ដែលពុកម៉ែបងប្អូនគាំទ្រផ្តល់អោយជិត១៨ឆ្នាំមកនេះទេ ខ្ញុំអស់ពីខ្លួនហើយ ខ្ញុំឈប់លាក់ហើយ ខ្ញុំលែងខ្លាចខ្មាស់គេហើយ ពេលមានបានខ្ញុំមិនដែលអួតអាងអីទេ ខ្ញុំតែងតែជួយគេ តែហេតុអ្វីឥឡូវខ្ញុំមានកម្មពារបែបនេះ ។
លោកបញ្ជាក់ថា សុំគោរពសុំម្ចាស់បំណល់ ដែលខ្ញុំបានជំពាក់សរុបចូលគ្នា១០ម៉ឺនដុល្លាជាង សូមគិតតែដើមខ្ញុំបានហើយ ខ្ញុំមិនបានគេចវេសទៅណាទេ ខ្ញុំនៅតែមានទំនួលខុសត្រូវ និងគុណធម៍ ហើយសុំពេលបន្តិច រីឯថ្ងៃទី17-ខែ03 នេះ 3ម៉ឺនដុល្លារ ការ2400$ ខ្ញុំរកអត់ទាន់ទេ តើខ្ញុំត្រូវធ្វើដូចម្តេច ? ។ លោកថា លោកពុកទាហានពិការចូលនិវត្ត កំពុងឈឺជម្ងឺប្រចាំកាយ អ្នកម្តាយគ្រូបង្រៀនចូលនិវត្តចាស់ៗអស់ហើយ ផ្ទះពួកគាត់ក៏ត្រូវជាប់ធានាគារបង់គេយឺតរហូតអោយខ្ញុំត្រូវធ្វើបែបណា វាជាកំហុសរបស់ខ្ញុំ ។
លោក អ៊ីណូ បន្ថែមថា រយៈពេលប៉ុន្មានឆ្នាំបន្ទាប់ពីក្ស័យធន់ការងាររកស៊ីខ្លាំង ចាប់តាំងពីកូវីដរហូតមកដល់សេដ្ឋកិច្ចធ្លាក់មកនេះ ដោយមិនមែនយកទៅលែងល្បែ.ងអីទេ ខ្ញុំហ៊ានស្បថ ។ លោកថា ខ្ញុំបានលាក់បាំងរហូតធ្វើអោយលោកពុកអ្នកម្តាយធ្លាក់ខ្លួនឈឺ ដោយសារតែកូនជាប់បំណល់គេច្រើនលាក់បាំងគេប្រឹងសើចប្រឹងច្រៀងលើឆាក ប្រឹងឆ្កួតប្រឹងជា ប្រឹងលក់ដូរអោយគេ ដើម្បីសងបំណល់រាល់ថ្ងៃ ធ្លាក់ខ្លួនមកនៅផ្ទះជួល រកខនសឺតបានមួយសូរៗពីភាពល្បីល្បាញខ្លួន ដែលពុកម៉ែបងប្អូនបានផ្តល់អោយបានមកទប់តែបំណល់បង់គេប្រចាំថ្ងៃ ពេលខ្លះគេងអត់បាយទៀតក៏មាន អស់នាក់រាប់រកក្បែរខ្លួនធ្វើអោយហ៊ានជ្រុលខ្លួន ហ៊ានទៅខ្ចីកម្ចីលុយរាប់លុយឈរ ឬលុយខែ ដែលមានការថ្លៃៗមកទប់បំណល់ការរកស៊ីដែលបានក្ស័យធន់ និងទប់បំណល់គេ សងគេមិនទាន់ខ្លាចគេផុសរូប ខ្លាចខ្មាស់គេ ខ្លាចគេខឹង ខ្លាចគេប្តឹង ហ៊ានប្រថុយខ្លួនទៅកម្ចី Online ចិនថែមទៀតដឹងហើយលឺហើយថា មិនល្អ តែគេឆាតទាក់ទាញអារម្មណ៍ខ្ញុំតាម Telegram ធ្វើអោយខ្ញុំខ្វះអ្នកប្រឹក្សាយោបល់ ហ៊ានទៅខ្ចីកម្ចី online ចិន ដែលមានការច្រើនជាងពាក់កណ្តាល ទៅទប់បំណល់ពីម្ចាស់បំណុលមួយ ទៅម្ចាស់បំណុលមួយ រហូតកើតជាកូនតគ្នា ។ តែខ្ញុំមិនបានខឹងម្ចាស់បំណុលទាំងអស់នោះទេ អរគុណដែលគេអោយខ្ញុំខ្ចី ដោយសារគេមានទំនុកចិត្តពីភាពល្បីល្បាញខ្លួនឯង តែដោយសារគេមិនដឹងថា ខ្ញុំកំពុងពិបាកខ្លាំង ដើម្បីយកសងគេតគ្នា ។
យ៉ាងណា បើតាមលោក អ៊ីណូ ខ្ញុំផុសរៀបរាប់ទាំងទៀបភ្លឺនេះ ដោយសារខ្ញុំទប់លែងជាប់ហើយ ពេលខ្លះសងគេរៀងរាល់ប្រចាំថ្ងៃអស់ ១ថ្ងៃជិតមួយពាន់ទៅមួយពាន់ជាង តែរយៈពេលចុងក្រោយនេះ ខ្ញុំអស់ពីខ្លួនអស់អ្វីៗទាំងអស់ អស់សមត្ថភាពហើយ ពេលខ្លះសងគេប្រចាំខែអស់ អស់លុយរលីងសូម្បីតែ១ដុល្លារក៏គ្មានដែរ ពេលខ្លះបង់ផ្ទះជួលគេយឺត គេយកសោរមកចាក់មិនអោយចូលពីក្រៅក៏មាន ។ ចឹងខ្ញុំ សូមសំពះអោយម្ចាស់បំណុលដែលបានឃើញខ្ញុំផុសជួយអាណិតខ្ញុំ អោយខ្ញុំសងតែដើមបានហើយ ហើយសុំពេលបន្តិចឈប់ជេដៀលខ្ញុំគំរា.មខ្ញុំទៀតទៅ ខ្ញុំពិតជាភ័យខ្លាំងណាស់ ខ្ញុំមិនបានគេចវេសទេ ខ្ញុំប្រឹងលក់កុំព្យូទ័រ ប្រឹងលក់ទូរស័ព្ទអោយគេប្រឹងទៅច្រៀងទម្លាក់ទាំងតម្លៃខ្លួនទៀត ដើម្បីសងបងបងហើយ សូមម្ចាស់ Events ម្ចាស់ខនសឺត ម្ចាស់ផលិតផលផ្សេងៗ និងពុកម៉ែបងប្អូនឃើញហើយកុំខឹងខ្ញុំ កុំស្អប់ខ្ញុំ សូមនៅតែគាំទ្រនៅតែស្រលាញ់ ផ្តល់ការងារអោយខ្ញុំធ្វើបន្តផង ខ្ញុំទប់លែងជាប់ហើយ ថ្ងៃនេះបានខ្ញុំហ៊ានផុសដោយលែងខ្មាស់អៀន ។ ខ្ញុំអស់អ្វីៗពីខ្លួនហើយ សល់តែភាពល្បីល្បាញដែលពុកម៉ែបងប្អូនបានផ្តល់អោយនោះទេ ខ្ញុំចង់រស់ឡើងវិញ ជួយខ្ញុំផង សូម្បីស្បែកជើងខោអាវ គេឃើញខ្ញុំពាក់ដដែលៗ ដោយសារខ្ញុំគ្មានលុយក្នុងការទិញយកមកឆ្នៃពាក់ដដែល សុំកុំជាន់ពន្លិចខ្ញុំអី គ្មានអ្នកណាចង់ជំពាក់គេទេ ។ សុំទោសលោកពុកអ្នកម្តាយ ដែលកូនប្រុសម្នាក់នេះធ្វើមិនបានល្អ សុំទោសហ្វេនៗ និងពុកម៉ែបងប្អូន ដែលខ្ញុំលាក់បាំង និងកំសាកយ៉ាងនេះ ខ្ញុំអស់ពីខ្លួនហើយ ។
យ៉ាងណាក្រោយឃើញការបង្ហោះសារខាងលើពីតារាចម្រៀងលោក អ៊ីណូ ខាងលើនេះមហាជន ជាពិសេសមិត្តភក្តិក្នុងសិល្បៈបាននាំគ្នាលើកទឹកចិត្ត និងអោយតារាចម្រៀងរូបនេះរឹងមាំ និងតស៊ូបន្តទៀតកុំមានការអស់សង្ឃឹម ត្បិតនៅនៅមានទស្សនិកជនគាំទ្រនៅឡើយ ៕
ចែករំលែកព័តមាននេះ