តារាសម្តែង និងបង្ហាញម៉ូត ស្រីស្អាត ម៉ាច ដាវី បានវិលមករកការប្រកួតប្រជែងលើផ្នែកសម្រស់ជាថ្មីម្ដងទៀតហើយ តាមរយៈការកម្មវិធី «Miss Grand Cambodia 2024» សម្រាប់ការប្រកួតនៅក្នុងខេត្តរតនៈគិរី ។ ជាមួយនឹងការវិលមកវិញនាពេលនេះ អតីត
រាជធានីភ្នំពេញ ៖ តារាសម្តែង និងបង្ហាញម៉ូត ស្រីស្អាត ម៉ាច ដាវី បានវិលមករកការប្រកួតប្រជែងលើផ្នែកសម្រស់ជាថ្មីម្ដងទៀតហើយ តាមរយៈការកម្មវិធី «Miss Grand Cambodia 2024» សម្រាប់ការប្រកួតនៅក្នុងខេត្តរតនៈគិរី ។ ជាមួយនឹងការវិលមកវិញនាពេលនេះ អតីត «Miss Universe Cambodia 2020» បានដាក់ការតាំងចិត្តខ្ពស់នៅក្នុងការគ្រងមកុដកម្មវិធីមួយនេះ ដើម្បីសម្រេចក្តីស្រមៃដ៏ធំរបស់នាង ខណៈពេលដែលនាងនឹងប្រឹងប្រែងឱ្យអស់ពីសមត្ថភាព។
ស្រីស្អាត ម៉ាច ដាវី បានលើកឡើងថា «កាលដែលនាងចូលរួមប្រកួតកម្មវិធី Miss Grand 2024 នាពេលនេះ គឺដោយសារនាងសម្លឹងឃើញពីសមត្ថភាពរបស់ខ្លួនដែលមាន សម្រាប់កម្មវិធីដែលគេតម្រូវការ។ ខណៈពេលនេះ ជាកម្មវិធីចុងក្រោយដែលនាងចូលរួមប្រកួត»។
នាងបន្តថា «សម្រាប់ការប្រកួតប្រជែងក្នុងកម្មវិធីខាងលើនេះដែរ គឺនាងបានត្រៀមខ្លួនរួចជាស្រេច និងសិក្សាស្វែងយល់ពីកម្មវិធីបន្ថែម បើទោះបីជាពេលនេះ នាងកំពុងស្ថិតក្នុងដំណាក់កាលនៃការប្រកួតប្រចាំខេត្តរតនៈគិរីក៏ដោយ»។ នាងបញ្ជាក់ថា «នាងមកទីនេះ ដើម្បីដណ្តើមមកុដ ដូច្នេះនាងត្រូវតែបញ្ចេញឱ្យអស់ពីសមត្ថភាព ដើម្បីសម្រេចក្តីស្រមៃដ៏ធំនេះ»។
ជាការកត់សម្គាល់ អាចនិយាយបានថា នេះគឺជាការត្រឡប់មកសារជាថ្មី ពីតារាសម្តែង ម៉ាច ដាវី ដែលជាបេក្ខភាព «Miss Grand Ratanakiri 2024» ។ ថ្វីដ្បិតតែការត្រឡប់មកលើកនេះ មិនទាន់សូវមានអ្នកស្គាល់ច្រើនក៏ពិតមែន ប៉ុន្ដែបើនិយាយពីរូបសម្រស់ និងការរៀបចំខ្លួនក្នុងការប្រកួត គឺល្អតែម្ដង ។
ដោយឡែកបើក្រឡេកមកមើលពីកម្ពស់ និងកម្រិតចំណេះដឹងរបស់នាងវិញ គឺញាក់សាច់តែម្ដង ដោយសារនាងមានកម្ពស់រហូតដល់ទៅ 176cm និងជានិស្សិតឆ្នាំទី២ របស់សកលវិទ្យាល័យ «build bridge university»។ ហើយសព្វថ្ងៃនេះ នាងក៏ជាតារាសម្ដែងនៅក្នុងខ្សែភាពយន្ដរបស់ផលិតកម្មហង្សមាស និងជាតារា Model ព្រមទាំងមាន business ផ្ទាល់ខ្លួនថែមទៀតផង ។ ជាងនេះទៅទៀត ស្រីស្អាត ម៉ាច ដាវី អាចនិយាយបានរហូតដល់ទៅ៤ភាសា គឺភាសាខ្មែរ អង់គ្លេស ថៃ និងភាសាចិន ។
គួរបញ្ជាក់ផងដែរថាសម្រាប់ការចូលរួមប្រកួតកម្មវិធី «Miss Grand Cambodia 2024» របស់ស្រីស្អាត ម៉ាច ដាវី នាពេលនេះ អាចចាត់ទុកថា នាងគឺស្ថិតក្នុងចំណោមបេក្ខនារីមួយចំនួនទៀតដែលមានសមត្ថភាព និងរូបសម្រស់ស្រស់ស្អាតបានចូលរួមប្រកួតប្រជែងនៅក្នុងកម្មវិធីខាងលើនេះដូចគ្នា ក្នុងរួមមាន ៖ ព្រះ កាយច័ន្ទ, ប៊ី សុធារី និង ឌី បញ្ញាវិមាលា ជាដើម ។ល៕
ចែករំលែកព័តមាននេះ