មហាជន ជាពិសេសបណ្តាអ្នកលេងហ្វេសប៊ុកបានសម្តែងការភ្ញាក់ផ្អើលក្នុងពេលដែលតារាចម្រៀងមេម៉ាយកូនមួយ គឺអ្នកនាង ទូច ស្រីល័ក្ខ បានបង្ហើបតម្រុយជិតចូលរោងការជាមួយនឹងដៃគូរចម្រៀង ដែលជាបុរសសង្ហាវ័យក្មេង គឺលោក
រាជធានីភ្នំពេញ ៖ មហាជន ជាពិសេសបណ្តាអ្នកលេងហ្វេសប៊ុកបានសម្តែងការភ្ញាក់ផ្អើលក្នុងពេលដែលតារាចម្រៀងមេម៉ាយកូនមួយ គឺអ្នកនាង ទូច ស្រីល័ក្ខ បានបង្ហើបតម្រុយជិតចូលរោងការជាមួយនឹងដៃគូរចម្រៀង ដែលជាបុរសសង្ហាវ័យក្មេង គឺលោក វង ជីវ័ន្ទ ក្រោយពេលអ្នកទាំង២បានផ្តើមទំនាក់ទំនង និងចាប់ដៃគូរច្រៀងជាមួយគ្នាក្នុងរយៈពេលចុងក្រោយនេះ ។
ការបង្ហាញតម្រុយខាងលើពីតារាចម្រៀងអ្នកនាង ទូច ស្រីល័ក្ខ នាពេលនេះ បានធ្វើឡើងបន្ទាប់ពីបេក្ខភាពដ៏លេចធ្លោមួយរូបក្នុងកម្មវិធី «The Voice Cambodia» រដូវកាលទី៣ គឺលោក វង ជីវ័ន្ទ បានសារភាពដោយមិនលាក់លៀមពីការលួចស្រឡាញ់អ្នកនាង ទូច ស្រីល័ក្ខ ជាចំហនៅលើវេទិកាតន្ត្រីផ្សាយផ្ទាល់នៅស្ថានីយទូរទស្សន៍មួយកាលពីពេលថ្មីៗនេះ ។
ក្រោយពីមានការសារភាពស្នេហ៍ពីបុរសខាងលើនេះ អ្នកនាង ទូច ស្រីល័ក្ខ គេតែងតែឃើញនាងបង្ហាញរូបភាពស្និទ្ធស្នាលជាមួយលោក វង ជីវ័ន្ទ ជាបន្តបន្ទាប់នៅលើបណ្តាញសង្គម ដោយអមជាមួយនឹងសំណេរការលើកសរសើរពីចំណុចល្អៗពីលោក វង ជីវ័ន្ទ មិនដាច់ពីមាត់ ។ ជាពិសេសទៅទៀតនោះ ថ្មីៗនេះ អ្នកនាង ទូច ស្រីល័ក្ខ ក៏បានបញ្ចេញសំណេរកាន់តែស៊ីជម្រៅអំពីទំនាក់ទំនងរវាងនាង និងលោក វង ជីវ័ន្ទ ដោយនៅក្នុងនោះនាងក៏បានបង្ហាញតម្រុយជិតចូលរោងការផងដែរ ។
អ្នកនាង ទូច ស្រីល័ក្ខ បានបង្ហោះសារថា «ការលំបាកបង្រៀនឲ្យយើងចេះតស៊ូពីមនុស្សម្នាក់មិនដែលធ្លាប់ស្គាល់គ្នាពីមុនមកសោះ ស្រាប់តែគ្រប់យ៉ាងមកត្រឡប់ បែរជាផ្លាស់ប្តូរគ្រប់យ៉ាង មានតែស្នាមញញឹម កម្លាំងចិត្ត គោរព ផ្តល់តម្លៃអោយគ្នា អត់ឱនឲ្យគ្នា មិនចង់ឈ្នះគ្នា សំខាន់អត្តចរិតយើងទាំង២ត្រូវគ្នា គោលដៅដូចគ្នា ស្រលាញ់ចម្រៀងដូចគ្នា សំខាន់លេងសើចស្មើដៃគ្នា ត្រៀមអោយហើយអ្នកជំពាក់ចំណងដៃ»។
យ៉ាងណាម៉ិញ តាមរយៈសំណេរចុងក្រោយរបស់អ្នកនាង ទូច ស្រីល័ក្ខ ខាងលើនេះ គេនៅមិនទាន់អាចចាត់ទុកថា តើអ្នកនាងពិតជាមានគម្រោងចូលរោងការឬយ៉ាងណានោះទេ? ខណៈពេលប៉ុន្មានម៉ោងក្រោយ នាងក៏បានលុបឃ្លាចុងក្រោយនោះចោលវិញ ។
ជាការកត់សម្គាល់ កាលពីពេលថ្មីៗនេះ នៅក្នុងការប្រគំតន្ត្រីរបស់ទូរទស្សន៍ CNC ដែលមានវត្តមានអ្នកនាង ទូច ស្រីល័ក្ខ និងលោក វន ជីវ័ន្ត ជាតារាកិត្តិយស ដោយបានបកស្រាយបទចម្រៀងរួមគ្នាជាច្រើនបទ។ ក្រោយពេលច្រៀងចប់ ពិធីករ និងពិធីការិនីបានធ្វើការសាកសួរអំពីទំនាក់ទំនងដ៏គួរឱ្យសង្ស័យរវាងអ្នកទាំងពីរ។ ដោយក្នុងពេលនោះ តារាចម្រៀងលោក វន ជីវ័ន្ត បានលើកឡើងថា «ទំនាក់ទំនងពិត ឥឡូវកំពុងសុំស្រលាញ់ តែបេះដូងរាងលំបាកបន្តិច រាងចង្អៀត កំពុងមើលចិត្ត»។
ដោយឡែកសម្រាប់អ្នកនាង ទូច ស្រីល័ក្ខ វិញ បានធ្វើការឆ្លើយតបវិញថា «ពេលខ្លះយើងធ្លាប់ពិបាកម្ដងហើយ អ៊ីចឹងទៅ យើងក៏ទុកពេលវេលាក្នុងការមើលដែរ ប៉ុន្តែគាត់មានអាក្រក់ឯណា? ឥឡូវនាងខ្ញុំកំពុងតែមើលចិត្ត ចិត្តហ្នឹងសំខាន់ណាស់» ។
បន្ទាប់មកទៀតនោះ អ្នកនាង ទូច ស្រីល័ក្ខ ក៏បានបញ្ចេញសារបង្ហោះលើបណ្តាញសង្គម ដោយសង្កត់ធ្ងន់ថា «ពេលគាត់ឲ្យតម្លៃនៃការស្រឡាញ់របស់គាត់មកកាន់យើង នឹងភាពក្លាហានរបស់គាត់បានបង្ហាញអោយមនុស្សគ្រប់គ្នាមើលឃើញ ដោយមិនបានខ្វល់ពីពាក្យសំដីអ្នកដទៃ។ អ្វីដែលគាត់បានធ្វើ មិននិយាយច្រើន តែអនុវត្តច្រើនជាងនិយាយដោយ ច្បាស់លាស់ជាគាត់ ។
ទោះជាយ៉ាងណាក៏ដោយ សម្រាប់មហាជន ជាពិសេសបណ្តាអ្នកគាំទ្របានសម្តែងអបអរ និងសាទរ ប្រសិនបើទំនាក់ទំនងរវាងអ្នកនាង ទូច ស្រីល័ក្ខ និងលោក វង ជីវ័ន្ទ ពិតជាទំនងទំនងស្នេហា ហើយអាចឈានដល់មង្គលការថែមទៀតនោះ ក្នុងពេលដែលនាងអាចស្វែងរកអ្នកយល់ចិត្ត និងស្អំបេះដូងបាន បន្ទាប់ពីរស់មានឈ្មោះជាស្ត្រីមេម៉ាយកូនមួយអស់រយៈពេលប៉ុន្មានឆ្នាំមកនេះ ក្រោយបែកបាក់អតីតស្វាមីជាជនបរទេស៕
ចែករំលែកព័តមាននេះ