ស្ថាបនិក Miss Grand គឺលោក Nawat បានចេញមុខមកនិយាយចំៗនៅក្នុងការឡាយទាំងក្ដៅឆេវ ក្រោយពេលមានគេរិះគន់មកលើកូនស្រីរបស់លោក គឺបវរកញ្ញា Engfa ។ នេះបើយោងទៅតាមរយៈការចុះផ្សាយរបស់សារព័ត៌មានថៃ «Amarin News»
ប្រទេសថៃ ៖ ស្ថាបនិក Miss Grand គឺលោក Nawat បានចេញមុខមកនិយាយចំៗនៅក្នុងការឡាយទាំងក្ដៅឆេវ ក្រោយពេលមានគេរិះគន់មកលើកូនស្រីរបស់លោក គឺបវរកញ្ញា Engfa ។ នេះបើយោងទៅតាមរយៈការចុះផ្សាយរបស់សារព័ត៌មានថៃ «Amarin News» បានរាយការណ៍ប្រាប់ឱ្យដឹង។
ដោយកាលពីប៉ុន្មានសប្ដាហ៍កន្លងទៅនេះ ប្រិយមិត្តពុកម៉ែបងប្អូនប្រាកដជាបានតាមដានទស្សនាហើយ ក្នុងកម្មវិធីមួយនៅប្រទេសថៃ ដែលមានការចូលរួមពីបេក្ខភាពបវរកញ្ញាជាច្រើនរូប រួមទាំងបវរកញ្ញា២រូបផងដែរ មានវត្តមានចូលរួមនៅក្នុងព្រឹត្តការណ៍មួយនេះ។
ប៉ុន្តែអ្វីដែលធ្វើឱ្យគ្រប់គ្នាមានការនឹកស្មានមិនដល់ និងបញ្ចេញមតិយ៉ាងព្រោងព្រាតពាសពេញបណ្ដាញសង្គមមិនឈប់នោះ គឺក្រោយពេលឃើញបវរកញ្ញា «Nano» និងបវរកញ្ញា «Engfa» ហាក់មានភាពរកាំរកូសដាក់គ្នាយ៉ាងម៉េចមិនដឹងទេ ស្របពេលកំពុងដើរបញ្ចេញរាងរបស់ខ្លួននៅលើឆាករួចមក។ ហើយគ្រានោះ ទស្សនិកជនក៏ប្រទះឃើញស្រីស្អាត «Nano» យកដៃរបស់ខ្លួនកាន់ស្បៃគ្រលាស់ទៅក្រោយទាំងសងខាង ហើយស្បៃដែលនាងបោះនោះ ក៏ហោះទៅដល់ត្រង់កន្លែងដែលបវរកញ្ញា «Engfa» កំពុងតែដើរសំដៅ និងត្រូវទៅឈរនៅកន្លែងនឹងតែម្ដង។
ស្របពេលដែលខ្លួនកំពុងដើរបញ្ចេញរាងជិតដល់ទីដែលកញ្ញា «Engfa» ឈរទៅហើយនោះស្រាប់តែស្បៃរបស់បវរកញ្ញា «Nano» ក៏ធ្លាក់នៅកន្លែងបវរកញ្ញា «Engfa» ត្រូវឈរនោះ។ បន្ទាប់ពីធ្វើអ្វីមិនទាន់ ភ្លាមៗនោះ បវរកញ្ញា «Engfa» ក៏បានស្រវ៉ាយកជើងរបស់ខ្លួនក្រវៀសស្បៃទៅដាក់បវរកញ្ញា «Nano» វិញ ដោយមិនបានប្រើដៃយកទៅលើកនោះឡើយ។ ជាហេតុធ្វើឱ្យមហាជននាំគ្នាបញ្ចេញមតិរិះគន់មិនពេញចិត្តចំពោះទង្វើដែលបវរកញ្ញា «Engfa» ធ្វើដាក់បវរកញ្ញា Miss Grand Cambodia 2022 នោះទេ។
យ៉ាងណាមិញ យើងក៏ឃើញថា ក្រោយរូបភាព ក៏ដូចជាសកម្មភាពដែលត្រូវគេថតជាប់នេះដែរ បង្កឱ្យមានការភ្ញាក់ផ្អើលមិនស្ទើរនោះឡើយ ជាពិសេសផ្ទុះមតិលើកឡើងឥតឈប់ឈរពីមួយទៅមួយតែម្ដង ទៅលើបញ្ហាមួយនេះ។
មិននៅស្ងៀមតទៅទៀត បន្ទាប់ពីមានគេនិយាយមិនល្អមកលើកូនស្រីរបស់ខ្លួនភ្លាម ស្រាប់តែ ស្ថាបនិកថៅកែធំរបស់ «Miss Grand» គឺលោក Nawat Isra Kraisil ក៏បានចេញមុខមកនិយាយនៅក្នុងការ Live របស់ខ្លួន ហើយក៏មានការជជែកគ្នាអំពីបញ្ហាមួយនេះ ដែលអ្នកលេងInternet កំពុងតែរិះគន់យ៉ាងខ្លាំង។
បើយោងទៅតាមរយៈពាក្យសម្ដីដែលលោកប្រាប់នៅក្នុងការឡាយ បានឱ្យគ្រប់គ្នាដឹងថា «វាជារឿងធម្មតាទេ ដែល P’Fah យកជើងទៅកៀសសំពត់របស់ Nano នោះ ពីព្រោះថា វិធីដែលលឿនបំផុត គាត់ត្រូវតែទាត់វាអញ្ចឹងហើយ។ ហេតុអ្វីបានខ្ញុំត្រូវនិយាយដូច្នេះ? ពីព្រោះថា សំពត់របស់គាត់បានហោះទៅរារាំងទីតាំងឈររបស់ Engfa។ បន្ទាប់ពីខ្ញុំឃើញបែបនេះ ខ្ញុំក៏មិនអាចទៅប្រាប់ ឬមួយក៏បញ្ជាឱ្យគាត់យកដៃទៅចាប់សំពត់របស់គាត់នោះទេ។ វាមិនអីទេ វាគឺជាកំហុសរបស់ខ្ញុំ បើសិនជាខ្ញុំវិញ ក៏ប្រើជើងរបស់ខ្ញុំ ដើម្បីទាត់វាដូចគ្នា ព្រោះវាជាវិធីដ៏ល្អ និងលឿនតែមួយគត់»។
លោកបន្តថា «តើល្អទេ? បើគាត់ទាត់ជើង គាត់ឆ្លាត គាត់ប្រើខួរក្បាល ព្រោះបើអ្នកអោនចុះទៅចាប់វា ធ្វើឱ្យពេលវេលាកាន់តែខើចខ្លី ព្រោះថា វាជាពេលមួយដែលគ្រប់គ្នាត្រូវផ្ចិតផ្ចង់ ដោយមិនអាចចេះតែភ្លេចខ្លួនបានទេ។ ចំពោះខ្ញុំវិញ តែងតែទាត់វាជាប្រចាំ នៅពេលដែលទៅថតរូបជាមួយនឹងស្រីស្អាត ខណៈពួកគាត់ស្លៀកវែង ហើយខ្ញុំទាត់ជើងថ្នមៗ បើមិនដូច្នេះទេ បើខ្ញុំដើរលើសម្លៀកបំពាក់របស់គាត់ក៏មិនល្អដែរ។ ព្រោះបើពេលខ្ញុំដើរលើសម្លៀកបំពាក់របស់ពួកគាត់ វានឹងរអិល មួយវិញទៀត វាអាចប្រឡាក់ និងកខ្វក់នៅពេលដែលដើរពីលើវា»។
លោកបន្តទៀតថា «ដូច្នេះហើយ អ្នកត្រូវតែប្រើជើងរបស់អ្នកដើម្បីរុញវា នោះជាការត្រឹមត្រូវ វាប្រសើរជាងការបោះជំហានដើរជាន់នៅលើគែមក្រណាត់។ ហេតុដូចនេះហើយ កុំទាញគ្នាទៅវិញទៅមកឱ្យមានបញ្ហាអី។ តើមានអ្វីខុសទៅជាមួយនឹងការប្រើជើង ដើម្បីផ្លាស់ទីសំពត់របស់អ្នក? ខ្ញុំគិតថាគាត់ឆ្លាត មុននឹងធ្វើអ្វីមួយ តែងតែប្រើខួរក្បាលរបស់គាត់មកពិចារណាជានិច្ច»។
ទន្ទឹមនឹងនោះផងដែរ បន្ទាប់ពីឧបទ្ទវហេតុដែល Ingfah Waraha, Miss Grand Thailand 2022 និង Miss Grand Cambodia 2022 រួមជាមួយនឹងបេក្ខភាពសម្រស់ជាច្រើនរូបទៀត ដែលកំពុងដើរលើឆាក ដើម្បីចូលរួមស្វែងរក Miss Grand Saraburi 2024។ នៅពេលទៅដល់មុខឆាក Miss Grand Cambodia ដែលស្ថិតក្នុងឈុតពណ៌ខៀវ ហើយក្នុងពេលនោះ គឺជាពេលមួយដែលកញ្ញា អ៊ីងហ្វា បានដើរមកលើឆាក ហើយគាត់ក៏ប្រើជើងប៉ះរ៉ូបរបស់ Miss Grand Cambodia។ ក្នុងហេតុការណ៍មួយនេះ ក៏ធ្វើឱ្យអ្នកគាំទ្រជាច្រើននាំគ្នាសម្រុកបញ្ចេញមតិទៅលើរាជិនីសម្រស់ Engfa រហូតរងនៅការរិះគន់យ៉ាងខ្លាំង ក្រោយពេល អ៊ីងហ្វា ប្រើជើងទៅប៉ះសម្លៀកបំពាក់របស់បវរកញ្ញារួច អ្នកគួរតែប្រើដៃរបស់អ្នក ដើម្បីយកឈុតចេញពីផ្លូវ៕ ដោយ ៖ សុភា ដានេត
ចែករំលែកព័តមាននេះ