ADផ្ទាំងផ្សព្វផ្សាយពាណិជ្ជកម្ម

Picture

ប្តី​ដាក់​ពាក្យ​លែងលះ​ប្រពន្ធ ដោយសារ​តែ​កម្មវិធី Google Maps

5 ខែ មុន

ប៉េ​រូ ៖ ប្តី​ប្រពន្ធ​ជនជាតិ​ប៉េ​រូ​១​គូ​បាន​ប្រេះឆា​ចំណងស្នេហា ក្រោយ​បុរស​ជា​ប្តី​សម្រេចចិត្ត​លែងលះ​

ប៉េ​រូ ៖ ប្តី​ប្រពន្ធ​ជនជាតិ​ប៉េ​រូ​១​គូ​បាន​ប្រេះឆា​ចំណងស្នេហា ក្រោយ​បុរស​ជា​ប្តី​សម្រេចចិត្ត​លែងលះ​ប្រពន្ធ​ខ្លួន បន្ទាប់​ពី​បានឃើញ​រូបភាព​របស់​នាង កំពុង​សាសង​គ្នា​យ៉ាង​ល្អូកល្អិន​ជាមួយ​បុរស​ម្នាក់​ទៀត នៅ​លើ​កម្មវិធី​បង្ហាញផ្លូវ Google Maps ។

យោង​តាម​ប្រភព​ពី​សារព័ត៌មាន The Sun កាលពី​ថ្ងៃ​ទី​៧ ខែកញ្ញា ឆ្នាំ​២០២៣ កន្លង​ទៅ បាន​រាយការណ៍​ថា បុរស​ជា​ប្តី​បាន​ប្រទះ​ឃើញ​រូបភាព Street View ដ៏​ហួសចិត្ត​របស់​ប្រពន្ធ​គាត់ ដែល​កំពុង​កៀកកើយ​ជាមួយ​បុរស​ប្លែក​មុខ​ម្នាក់​។ តាម​រយៈ​រូបភាព​ដែល​សម្របសម្រួល​បង្ហាញ​ថា ស្ត្រី​ជា​ប្រពន្ធ​កំពុង​អង្គុយ​លើ​បង់​សាធារណៈ ខណៈ​ដែល​បុរស​ជា​គូស្នេហ៍​គេង​កើយ​ភ្លៅនាង​។ អ្នក​ទាំង​ពីរ​សាសង​គ្នា​យ៉ាង​ល្អូកល្អិន​ជាទី​បំផុត ហើយ​ស្ត្រី​ជា​ប្រពន្ធ​បាន​យកដៃ​បបោសអង្អែល​សក់​បុរស​នោះ​ថែម​ទៀត​។

តាម​ពិត​ទៅ​រូប​នោះ ត្រូវ​បាន​ថត​តាំងពី​ឆ្នាំ ២០១៣ មក​ម្ល៉េះ ដោយ​រថយន្ត​កាមេរ៉ា​ក្រុមហ៊ុន Google នៅ​លើ​ផ្លូវ​តូច​មួយ​ក្នុង​ទីក្រុង​លី​ម៉ា (Lima) នៃ​ប្រទេស​ប៉េ​រូ ប៉ុន្តែ​ទើបតែ​បែកការ​កាលពី​ពេល​ថ្មី​ៗ​នេះ​។ ពេល​ឃើញ​ដំបូង​ឡើយ បុរស​ជា​ប្តី​មិន​គិត​ថា​ជា​ប្រពន្ធ​របស់​គាត់​នោះ​ទេ ប៉ុន្តែ​ដោយសារ​គាត់​ចំណាំ​លើ​សម្លៀក​បំពាក់​នាង ទើប​គាត់​ដឹង​ថា នោះ​គឺជា​ប្រពន្ធ​របស់​គាត់​។ បន្ទាប់​ពី​ស្ត្រី​ជា​ប្រពន្ធ​បាន​សារភាព​ថា ខ្លួន​ពិតជា​មាន​ស្នេហា​លួចលាក់​រួច​មក បុរស​ជា​ប្តី​បាន​ដាក់​ពាក្យ​លែងលះ​ប្រពន្ធ​។

ដោយសារ​ការ​ខូចចិត្ត បូក​រួម​នឹង​កំហឹង បុរស​ជា​ប្តី​បាន​បង្ហោះ​រូប​នោះ​លើ​បណ្តាញ​សង្គម ដោយ​មានការ​ចែករំលែក​បន្ត និង​ការ​បញ្ចេញមតិ​យ៉ាងច្រើន​ពី​អ្នក​និយម​លេង​បណ្តាញ​សង្គម​។

គួរ​បញ្ជាក់​ថា នេះ​មិនមែន​ជា​លើក​ទី​មួយ​ទេ ដែល​សកម្មភាព​ចម្លែក​ៗ មិន​ប្រក្រតី និង​គួរ​ឱ្យ​សង្ស័យ​របស់​នរណា​ម្នាក់ ដែល​ត្រូវ​ថត​បាន​ដោយ​រថយន្ត​កាមេរ៉ា​របស់​ក្រុមហ៊ុន Google ។ ដូច្នេះ​ហើយ​ទើប​បានជា​អ្នកជំនាញ និង​អ្នក​និយម​លេង​បណ្តាញ​ទំនាក់ទំនង​សង្គម​ព្រមាន​អំពី ការ​បង្ហាញ​សកម្មភាព​មិន​ប្រក្រតី​ណាមួយ​នៅ​ទី​សាធារណៈ ឬ​កន្លែង​មិន​បិទ​បាំង​ជិត​៕

អត្ថបទសរសេរ ដោយ

កែសម្រួលដោយ