កូនស្រីអ្នកនាង ដេនី ក្វាន់ គឺកញ្ញា ល្អ ហួស បានគ្រងមកុដ Miss Preteen Cambodia ឆ្នាំ២០២៣ហើយ ក្នុងការប្រកួតវគ្គផ្តាច់ព្រ័ត្រដែលបានធ្វើឡើងកាលពីថ្ងៃទី៥ ខែកក្កដា ឆ្នាំ២០២៣ម្សិលម៉ិញនេះ បន្ទាប់ពីឆ្លងកាត់ការប្រកួតយ៉ាងស្វឹតស្វាញជាច្រើន
រាជធានីភ្នំពេញ ៖ កូនស្រីអ្នកនាង ដេនី ក្វាន់ គឺកញ្ញា ល្អ ហួស បានគ្រងមកុដ Miss Preteen Cambodia ឆ្នាំ២០២៣ហើយ ក្នុងការប្រកួតវគ្គផ្តាច់ព្រ័ត្រដែលបានធ្វើឡើងកាលពីថ្ងៃទី៥ ខែកក្កដា ឆ្នាំ២០២៣ម្សិលម៉ិញនេះ បន្ទាប់ពីឆ្លងកាត់ការប្រកួតយ៉ាងស្វឹតស្វាញជាច្រើនដំណាក់កាលមក។
ស្រីស្អាត ល្អ ហួស បានចូលរួមការប្រកួតនៅក្នុងកម្មវិធីប្រកួតសម្រស់ខាងលើនេះជាលើកដំបូង ក្នុងគោលដៅត្រៀមខ្លួនចូលរួមកម្មវិធីបវរកញ្ញាធំៗជាបន្តបន្ទាប់។ យ៉ាងណា ពេលនេះ គោលដៅដំបូងរបស់នាងបានសម្រេចចេញជារូបរាងហើយ ក្រោយគ្រងមកុដកម្មវិធីប្រឡងបវរកញ្ញា Miss Preteen Cambodia នាពេលនេះ។
កញ្ញា ល្អ ហួស ត្រូវបានមហាជាច្រើនកោតសរសើរនូវរូបសម្រស់ និងទេពកោសល្យសិល្បៈរបស់នាងតាំងពីកុមារភាព ខណៈពេលមុខមាត់របស់នាងត្រូវបានគេប្រៀបធៀបស្អាតដូចទៅនឹងនាង យ៉ាយ៉ា តួឯកថៃ។ ដោយមើលឃើញពីទេពកោសល្យ រូបសម្រស់ ការសិក្សាបានល្អ រួមទាំងមានការគាំទ្រផងនោះ ក្រុមគ្រួសាររបស់នាងបានបង្ហាញគោលដៅ និងធ្វើការបណ្តុះបណ្តាលឱ្យនាងចូលរួមក្នុងកម្មវិធីប្រកួតប្រជែងផ្នែកសម្រស់នាពេលអនាគត។
កញ្ញា ល្អ ហួស ដែលជាតារាវ័យក្មេងកំពុងពេញនិយមលើបណ្តាញសង្គម និងជាកូនបង្កើតរបស់អ្នកនាង ដេនី ក្វាន់ បានព្យាយាមបង្វឹកសមត្ថភាពខ្លួនសម្រាប់ឱកាសប្រកួតកញ្ញាឯកយុវតីខាងលើនេះ។ ល្អ ហួស បានព្យាយាមហ្វឹកហាត់ដុះខាត់ខ្លួនឯងជាប្រចាំ ដើម្បីអោយគេមើលឃើញថា ខ្លួនក៏ខិតខំ ជាងការលើកឡើងមានខ្សែបក្សពួកនិយម។ ក្រោយគ្រងមកុដខាងលើនេះ ល្អ ហួស ក៏ធ្លាប់បញ្ជាក់តាមបណ្តាញសង្គមថា «នាងនឹងចូលរួមកម្មវិធី Miss Grand Cambodia មួយទៀត នៅពេលនាងចូលវ័យ១៨ឆ្នាំ»៕
ចែករំលែកព័តមាននេះ