តារាចម្រៀងលោក សុគន្ធ ថេរ៉ាយុ បានធ្វើការឆ្លើយតបទៅកាន់បុរសម្នាក់យ៉ាងចាក់ដោត បន្ទាប់ពីបុរសរូបនេះធ្វើការរិះគន់ចំៗទៅកាន់រូបលោក ពាក់ព័ន្ធទៅនឹងសំឡេង។ ខណៈបុរសរូបនេះបានចូលទៅខំមិនពីក្រោយបទចម្រៀងថ្មីរបស់តារាចម្រៀងលោក សុគន្ធ ថេរ៉ាយុ ដោយនិយាយចំៗថា
រាជធានីភ្នំពេញ ៖ តារាចម្រៀងលោក សុគន្ធ ថេរ៉ាយុ បានធ្វើការឆ្លើយតបទៅកាន់បុរសម្នាក់យ៉ាងចាក់ដោត បន្ទាប់ពីបុរសរូបនេះធ្វើការរិះគន់ចំៗទៅកាន់រូបលោក ពាក់ព័ន្ធទៅនឹងសំឡេង។ ខណៈបុរសរូបនេះបានចូលទៅខំមិនពីក្រោយបទចម្រៀងថ្មីរបស់តារាចម្រៀងលោក សុគន្ធ ថេរ៉ាយុ ដោយនិយាយចំៗថា «សំឡេងកែមិនឡើង ទុកឱកាសអោយក្មេងជំនាន់ក្រោយទៅប្អូន»។
តាមរយៈការខំមិនខាងលើនេះ បានធ្វើអោយតារាចម្រៀងលោក សុគន្ធ ថេរ៉ាយុ ហាក់សម្តែងការមិនសប្បាយចិត្ត ដោយនៅក្នុងនោះ លោកក៏បានធ្វើការឆ្លើយតប ហើយលើកហេតុផលនៅពីក្រោយ នៃការវិលត្រឡប់មកកាន់ក្បាលមេក្រូច្រៀងឡើងវិញនាពេលនេះផងដែរ។
តារាចម្រៀងលោក សុគន្ធ ថេរ៉ាយុ បានលើកឡើងតាមរយៈសំណេរដែលបានបង្ហោះលើបណ្តាញសង្គមថា «អរគុណណាស់បង ដែលបានចូល comments ក្នុងបទចម្រៀងរបស់ខ្ញុំ ខ្ញុំអត់ចង់ច្រៀងដើម្បីចង់ឈ្នះចាញ់ប្អូនៗជំនាន់ក្រោយនោះទេ ហើយក៏អត់គិតថា ខ្លួនឯងត្រូវតែល្បីល្បាញជាងអ្នកណាៗដែរ»។
លោកបញ្ជាក់ថា «កាលដែលខ្ញុំចូលមកច្រៀងវិញពេលនេះ ខ្ញុំគ្រាន់តែបំពេញបំណងអ្នកដែលគាំទ្រខ្ញុំមួយចំនួនតូច ដែលគាត់បាត់មុខខ្ញុំយូរ ព្រោះពួកគាត់មិនដែលឃើញខ្ញុំចេញចម្រៀងដូចមុនយូរហើយ ទោះអ្នកគាំទ្រខ្ញុំមានតែមួយរយនាក់ក៏ដោយ ក៏ខ្ញុំសប្បាយចិត្ដដែរ ព្រោះវាជាការស្រលាញ់ចេញពីចិត្តពីបេះដូងពិតរបស់ពួកគាត់។ ខ្ញុំចង់បញ្ជាក់ប្រាប់បងបន្តិចថា ខ្ញុំមកច្រៀងវិញនេះ ព្រោះទីមួយ ខ្ញុំចង់បំពេញបំណងអ្នកគាំទ្រខ្ញុំមួយចំនួនតូចតែប៉ុណ្ណោះ មួយទៀតខ្ញុំគ្រាន់តែចង់បំពេញបំណងការស្រលាញ់សិល្បៈរបស់ខ្ញុំតាំងពីក្មេងមក ខ្ញុំមិនចង់បោះបង់វា។ ហើយមួយទៀត ខ្ញុំគ្រាន់តែច្រៀង ឬថត ដើម្បីអោយខ្លួនឯងសប្បាយចិត្ត ឬរវល់តែប៉ុណ្ណោះ ដើម្បីកុំអោយគិតច្រើន មិនបានចង់ឈ្នះ ចង់ប្រជ្រែងជាមួយអ្នកណាម្នាក់ឡើយក្នុងពិភពសិល្បៈនេះ»។
លោកបន្ថែមថា «បងអាចមិនស្គាល់ខ្ញុំច្បាស់ តែបងអាចស៊ើបសួរអ្នកនៅក្នុងរង្វង់សិល្បៈបានថា តើខ្ញុំជាមួយមនុស្សបែបណា? ឈ្នានីស ច្រណែន ខា្លចប្អូនជំនាន់ក្រោយល្បីជាងឬយ៉ាងណា? ជាមនុស្សចង់មានមុខមាត់ខ្ពស់ជាងគេជាងឯងឬយ៉ាងណា? ខ្ញុំមានតែអោយតំលៃប្អូនជំនាន់ក្រោយ ជួបពួកគាត់មានតែរាក់ទាក់ ណែនាំនិយាយលេងពីនេះពីនោះ មិនដែលគិតថា គាត់ល្បីលើសខ្ញុំ»។
លោកបន្ថែមទៀតថា «ខ្ញុំត្រូវតែច្រណែនពួកគាត់ទេ ព្រោះខ្ញុំដឹងច្បាស់ណាស់ ក្នុងវិស័យនេះពិតណាស់ រលកក្រោយត្រូវតែច្រានរលកមុខ តែខ្ញុំសុំអោយបងនិយាយរិះគន់អី សូមបងយកខួររបស់បងមកគិតសិន ចាំនិយាយចេញមក ព្រោះការនិយាយរបស់បងអាចធ្វើឱ្យខ្ញុំ ឬអ្នកសិល្បៈមួយចំនួនមិនសប្បាយចិត្ត ព្រោះសម្តីដែលមិនបានឆ្លងកាត់ខួរក្បាលរបស់បង ចុងក្រោយអរគុណដែលចំណាយពេលតាមដានជីវិតផ្ទាល់ខ្លួនខ្ញុំ និងរិះគន់សំឡេងរបស់ខ្ញុំ»។
មិនត្រឹមតែប៉ុណ្ណោះ លោកក៏បានបញ្ជាក់ទៀតថា «ព្រោះធ្លាប់បាក់ទឹកចិត្ត ព្រោះហត់នឿយនឹងពាក្យមើលងា.យ ព្រោះស្អ.ប់អារម្មណ៍គេដៀ.ល ទើបរាល់ពេលខ្ញុំតែងតែខំ ទោះបីពេលខ្លះហត់នឿយយ៉ាងណា ក៏ដាច់ខាតមិនបង្ហាញភាពទន់ជ្រាយមុខអ្នកណាឡើយ។ រាល់ពេលមានតែខ្លួនឯងប៉ុណ្ណោះដែលខំរុញខ្លួនឯងឲ្យដើរទៅមុខទៀត យកពាក្យគេមើលងា.យ ធ្វើជាកម្លាំងជម្រុញចិត្ត គ្រាន់សង្ឃឹមថា ថ្ងៃមួយអាចរកច្រកចេញសម្រាប់គោលដៅជីវិតខ្លួនឯងប្រសើរជាងនេះ អរគុណអ្នកទាំងអស់គ្នាដែលបានគាំទ្រ និងស្រលាញ់ចូលចិត្តខ្ញុំ»៕
ចែករំលែកព័តមាននេះ