អ្នករៀបចំកម្មវិធីកម្សាន្ត លោក គួច ខេវិន ចេញមុខបោះពាក្យសម្តីយ៉ាងចាក់ដោតពាក់ព័ន្ធទៅនឹងករណីតារាសម្តែងស្រី រ៉ូស ដែលបានបង្ហោះរូបដេ.កនៅលើគ្រែជាមួយបុរសម្នាក់ រួចចោ.ទប្រកាន់ថា ជាការដាក់ថ្នាំសណ្តំ រួចចា.ប់រំលោ.ភសេពសន្ថវៈ និងបាន
រាជធានីភ្នំពេញ ៖ អ្នករៀបចំកម្មវិធីកម្សាន្ត លោក គួច ខេវិន ចេញមុខបោះពាក្យសម្តីយ៉ាងចាក់ដោតពាក់ព័ន្ធទៅនឹងករណីតារាសម្តែងស្រី រ៉ូស ដែលបានបង្ហោះរូបដេ.កនៅលើគ្រែជាមួយបុរសម្នាក់ រួចចោ.ទប្រកាន់ថា ជាការដាក់ថ្នាំសណ្តំ រួចចា.ប់រំលោ.ភសេពសន្ថវៈ និងបានអំពាវនាវអោយច្បាប់ជួយរកយុត្តិធម៌។
ការចេញមុខនិយាយពីលោក គួច ខេវិន នាពេលនេះ បានធ្វើឡើង បន្ទាប់ពីរយៈពេលប៉ុន្មានថ្ងៃមកនេះ មហាជនសម្តែងការភ្ញាក់ផ្អើលយ៉ាងខ្លាំងនៅពេលឃើញនាង រ៉ូស បង្ហោះរូបភាពដេ.កនៅលើគ្រែជាមួយបុរសម្នាក់ និងបញ្ជាក់ច្បាស់ៗពីទំនាក់ទំនងដ៏ស៊ីជម្រៅជាមួយគ្នាផងដែរ ព្រមទាំងចោ.ទប្រកាន់បុរសរូបនោះថា ដាក់ថ្នាំសណ្តំ និងបានស្វែងរកផ្លូវច្បាប់ ដើម្បីជួយ។
ពាក់ព័ន្ធករណីខាងលើនេះ បានធ្វើឱ្យផ្ទុះការវែកញែកដូចអាយ៉ៃឆ្លើយឆ្លង ខណៈពេលករណីនេះ វាក៏បានក្លាយទៅជារឿងស្រីប្រកាន់ប្រុសប្រកែក ដោយតារាស្រី រ៉ូស ចោ.ទប្រកាន់បុរសរូបនេះថា បានដាក់ថ្នាំសណ្តំ ហើយរំលោ.ភសេពសន្ថវៈ ក្នុងពេលដែលខាងប្រុសក៏ចេញមុខបដិសេធចំពោះការចោ.ទប្រកាន់នេះ។ រឿងរ៉ាវមួយនេះ ក៏ក្លាយទៅជារឿងរ៉ាវដ៏ចាក់ស្រែះ រហូតធ្វើឱ្យអ្នកទាំងពីរចេញជាវីដេអូហែកហួរគ្នា ហើយប្រើពាក្យអសុរបង្ហោះតាមបណ្តាញសង្គមរៀងៗខ្លួនទៀតផង។
យ៉ាងណា នៅថ្ងទី២៦ ខែកក្កដា ឆ្នាំ២០២៣នេះ លោក គួច ខេវិន ក៏បានចេញមុខចូលរួមលើកជាគំនិតយោបល់ពាក់ព័ន្ធទៅរឿងរ៉ាវខាងលើនេះផងដែរ។ តាមរយៈការសរសេរបង្ហោះនៅលើបណ្តាញសង្គម លោក គួច ខេវិន បានលើកឡើងថា «នៅក្នុងភាសាខ្មែរ ពាក្យថា តារា (តារាករ ឬតារានិករ) គឺគេសំដៅទៅលើផ្កាយ ដែលរះចិញ្ចែងចិញ្ចាចនៅលើមេឃា»។
លោកបញ្ជាក់ថា «នៅក្នុងវិស័យសិល្បៈវប្បធម៌ខ្មែរយើង គេក៏បានផ្តល់ពាក្យថា «តារា» នេះសំដៅទៅលើសិល្បករ សិល្បការិនីណាដែលមានទេពកោសល្យ មានស្នាដៃឆ្នើម មានភាពល្បីល្បាញគ្មានអ្នកប្រៀបប្រដូចបាន ទាំងលើការសម្តែង និងច្រៀងជាដើម។ គេពុំដែលហៅពពួកមនុស្សឆើតឆាយ ចាយឫក ចាយរាង ហើយយកទូរស័ព្ទមកថតខ្លួនឯងសម្ញែងទាក់ប្រុស ទាញស្រី ដើម្បីបានការចាប់អារម្មណ៍ពីគេឯង ដើម្បីតែផលប្រយោជន៍បុគ្គលនោះថា ជាតារាឡើយ។ ប៉ុន្តែបច្ចុប្បន្ន ប្រភេទមនុស្សបែបនេះ ហាក់មានច្រើននៅក្នុងសង្គម YouTube Facebook TikTok Online ជាដើម»។
លោកបញ្ជាក់បន្តថា «ហើយក៏មានប្រភេទមនុស្សច្រើនគួរសមដែរ ដូចពួកប្រុសព្រា.ន ស្រីញៀ.ននឹងភាពបង្អួតកេរ្តិ៍ម៉ែ តែងតែច្រឡំតាំងខ្លួនជាតារា និងយល់ច្រឡំចំពោះតារា ដែលនាំឲ្យអាប់ឱនកិត្តិយស ខូចខាតតម្លៃនៃវប្បធម៌សិល្បៈខ្មែរយ៉ាងធ្ងន់ធ្ងរ ជាពិសេសធ្វើឲ្យប៉ះពាល់ចំពោះអ្នកសិល្បៈពិតប្រាកដនោះតែម្តង។ ខ្ញុំចង់ឲ្យប្រុសព្រា.នញៀ.នស្រីញី និងពួកនារីចិត្តងា.យតែងកាយទាក់ប្រុស ឈប់ប្រើពាក្យតារាហៅខ្លួនឯង និងយល់ច្រឡំចំពោះតារា ហើយប្រព្រឹត្តអំពើស្មោកគ្រោកនាំឲ្យខូចពាក្យ «តារា» និងអាប់ឱនទៅដល់តម្លៃនៃសិល្បៈវប្បធម៌ខ្មែរតទៅទៀត»។
បើតាមលោក គួច ខេវិន ថា «យើងជាកូនខ្មែរគ្រប់រូប មិនថាកំពុងរស់នៅលើមាតុភូមិកំណើតឬនៅក្រៅប្រទេស គប្បីខំសិក្សារៀនសូត្រអក្សរសាស្ត្រជាតិឲ្យបានជ្រៅជ្រះ និយាយភាសាខ្មែរឲ្យបានច្បាស់ និងត្រឹមត្រូវ ទើបជាតិសាសន៍ដទៃមិនប្រមា.ថមាក់ងា.យ!»៕
ចែករំលែកព័តមាននេះ