សម្តេចតេជោ បញ្ជាក់ថា គ្មានដ្រូនហោះចូលដែនអាកាស ទឹកដីកម្ពុជាទៀតទេ
ខេត្តពោធិសាតិ៍ ៖ បន្ទាប់ពីបញ្ចេញកម្លាំង ដើម្បីត្រៀមបាញ់ទម្លាក់ដ្រូន ដែលហោះចូលដែនអាកាសកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា…
ខេត្តពោធិសាតិ៍ ៖ បន្ទាប់ពីបញ្ចេញកម្លាំង ដើម្បីត្រៀមបាញ់ទម្លាក់ដ្រូន ដែលហោះចូលដែនអាកាសកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា…
ខេត្តពោធិសាតិ៍ ៖ បន្ទាប់ពីបញ្ចេញកម្លាំង ដើម្បីត្រៀមបាញ់ទម្លាក់ដ្រូន ដែលហោះចូលដែនអាកាសកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា មកដល់ពេលនេះ គ្មានដ្រូនហោះចូលដែនអាកាសកម្ពុជា នោះទេ ។
ថ្លែងក្នុងជំនួបសំណេះសំណាលជាមួយកម្មករ និយោជិត សរុបប្រមាណ ៦,៨៦៨នាក់ មកពីរោងចក្រ សហគ្រាសចំនួន ១០ក្នុងខេត្តពោធិ៍សាត់ នាព្រឹកថ្ងៃទី៣០ ខែមិថុនា ឆ្នាំ២០២៣ សម្ដេចតេជោ ហ៊ុន សែន បានប្រកាសជាថ្មីម្ដងទៀតថា កម្លាំងកងទ័ព រាប់ពាន់នាក់ បាននិងកំពុង ពង្រាយនៅតាមព្រំដែនកម្ពុជា-វៀតណាម ដើម្បីត្រៀមបាញ់ទម្លាក់យន្ដហោះគ្មានមនុស្សបើក (ដ្រូន) ដែលហោះរំលោភចូលអធិបតេយ្យកម្ពុជា ដោយគ្មានការអនុញ្ញាត។ ប៉ុន្ដែក្រោយវិធានការក្ដៅ ជាបន្ដបន្ទាប់របស់កម្ពុជា មិនឃើញមានដ្រូនហោះមកទៀតនោះទេ ។
សម្ដេចតេជោ ហ៊ុន សែន បានអះអាងថា ក្នុងករណីឃើញមានយន្ដហោះគ្មានមនុស្សបើក (ដ្រូន) ហោះចូលទឹកដីកម្ពុជាទៀតនោះ កម្លាំងកងទ័ព នឹងបាញ់ទម្លាក់ភ្លាមៗតែម្ដង ដោយមិនខ្វល់ថា ដ្រូននោះរបស់អ្នកណានោះទេ ។
សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា ៖ «យប់មិញ ក៏អត់ឃើញមានដ្រូនហោះមកទៀត ដល់តែដាក់កាំភ្លើងផ្គុំ រួចប្រកាសមែនទែន បង្ហាញកម្លាំងទ័ព កម្លាំងអាវុធ វាអត់ហ៊ានចូលមកដែរ ហើយឥឡូវទ័ពរាប់ពាន់នាក់នៅទីនោះ (ព្រំដែនកម្ពុជា-វៀតណាម) ចាំបាញ់ទម្លាក់ពួកហ្នឹងម្ដង កុំឲ្យវាប្រហើន ហោះចូលដីខ្មែរ មិនថា របស់អ្នកណាទេ តែហោះចូលដីខ្មែរ គឺបាញ់ប្រាប់ទុកឲ្យហើយ» ។
ទោះបីជាយ៉ាងណា សម្ដេចតេជោ ប្រមុខនៃរាជរដ្ឋាភិបាលកម្ពុជា បានអះអាងថា តាំងតែពីចល័តកម្លាំងទ័ព និងពង្រាយអាវុធ ជាមួយបទបញ្ជាយ៉ាងម៉ឺងម៉ាត់នោះ ប៉ុន្មានថ្ងៃមកនេះ មិនឃើញមានដ្រូនទាំងអស់នោះ ហោះចូលទឹកដីរបស់កម្ពុជាទៀតនោះឡើយ។ សម្ដេចបន្ដថា កន្លងទៅ មេទ័ពខ្មែរស្លូតពេក បានមិនហ៊ានបាញ់ទម្លាក់ តែពេលនេះ មិនមានឱកាសហោះចូល ដោយសេរី ទៀតទេ ។
សូមរំលឹកថា សម្តេចតេជោ ហ៊ុន សែន បានបញ្ជាឲ្យកងទ័ពប្រើសំណាញ់មេឃ ដើម្បីបាញ់ទម្លាក់ដ្រូន ដែលហោះចូលទឹកដីកម្ពុជា ដើម្បីស៊ើបការណ៍ បន្ទាប់ពីឃើញមានការហោះហើរជាថ្មីម្តងទៀត ចំនួន៧គ្រឿង កាលពីយប់ថ្ងៃទី២៧ ខែមិថុនា ។
សម្តេចក៏បានបន្ទោសថា មេទ័ពកម្ពុជា ហាក់ដូចជាស្លូតបូតពេក ដែលធ្វើឲ្យពួកភេរវកម្មទាំងនោះបានចិត្ត ហើយហ៊ានហោះចូលរំលោភអធិបតេយ្យភាពកម្ពុជា។ សម្តេចតេជោ ហ៊ុន សែន ក៏បានប្រកាសផ្តល់ថវិកា ២០ម៉ឺនដុល្លារ សម្រាប់អង្គភាពណា ដែលបាញ់ធ្លាក់ដ្រូន១គ្រឿង៕
ចែករំលែកព័តមាននេះ