ហ្វូងសត្វចង្រិតរាប់លានក្បាល ចេញរាតត្បាតរដ្ឋមួយ នៅអាមេរិក (វីដេអូ)
សហរដ្ឋអាមេរិក ៖ ទូរទស្សន៍អាមេរិក CNN រាយការណ៍ថា ក្នុងសប្ដាហ៍នេះហ្វូងចង្រិតច្រើនលានក្បាល
សហរដ្ឋអាមេរិក ៖ ទូរទស្សន៍អាមេរិក CNN រាយការណ៍ថា ក្នុងសប្ដាហ៍នេះហ្វូងចង្រិតច្រើនលានក្បាល ចាប់ផ្ដើមធ្វើអន្តោប្រវេសន៍នៅភាគខាងលិចសហរដ្ឋអាមេរិក ពិសេសទៅកាន់ទីក្រុងELKO ភាគខាងជើងរដ្ឋណេវ៉ាដា ។
ដូចតាមរូបភាពវីដេអូហ្វូងចង្រិតនោះចុះវាពេញតាមដងវិថីនិងវាតាមអគារ ព្រមទាំងផ្ទះសម្បែងទាំងឡាយក្នុងទីក្រុងនោះ ។ ហ្វូងចង្រិតរាតត្បាតរហូតដល់មន្ទីរពេទ្យក្រុង ។ អ្នកទទួលខុសត្រូវមន្ទីរពេទ្យក្រុងនោះម្នាក់និយាយថា យើងបានបញ្ចេញមនុស្សម្នាជាមួយអំបោស ប្រមូលសត្វល្អិតនេះ ព្រមទាំងស្លឹករុក្ខជាតិដែលពួកវាស៊ីរាយប៉ាយ ។ យើងប្រើរហូតដល់ត្រាក់ទ័រឈូសព្រិលប្រមូលគំនរចង្រិតចេញពីផ្លូវ ។
កាសែតអាមេរិក USA TODAY គូសបញ្ជាក់ថា ហ្វូងចង្រិចបែបនេះធ្លាប់រាតត្បាតចម្ការនានា
នៅរដ្ឋអ៊ូតាហ៍កាលពីទសវត្សឆ្នាំ១៨០០ ។ ដោយសារការកើនកំដៅបរិយាកាសហ្វូងចង្រិតពេល
នេះរាតត្បាត ភាគខាងលិចសហរដ្ឋអាមេរិកធ្ងន់ធ្ងរបំផុត ។ ពួកចង្រិតមានឈ្មោះថា MORMONS
មិនអាចហើរបានទេ ។ ស្លាបពួកវាជំនួសដោយខែលមួយនៅលើខ្នងពួកវា ដែលគ្រោះថ្នាក់សម្រាប់ការធ្វើចរាចរណ៍ ។ ចង្រិតច្រើនពាន់ក្បាលត្រូវកិនបែកពេញផ្លូវថ្នល់នៅរដ្ឋណេវ៉ាដាបណ្ដាល
ឲ្យផ្លូវរអិលនាំឲ្យមានគ្រោះថ្នាក់ចរាចរណ៍ ៕
ចែករំលែកព័តមាននេះ