ក្ដុកក្ដួល! តារាសម្តែង បញ្ញា សិទ្ធ បាត់មុខពីសិល្បៈ ដើម្បីរកលុយព្យាបាលជំងឺអ្នកម្តាយ
- ភ្នំពេញ
ប្រាកដណាស់ ក្រោយការបាត់មុខពីវិថីសិល្បៈមួយខ្យល់ប្រមាណជា២ឆ្នាំ ស្រាប់តែតារារូបនេះ បង្ហោះនៅលើគណនីហ្វេសប៊ុកមួយថា
រាជធានីភ្នំពេញ ៖ បើនិយាយទៅដល់តារាសម្តែងប្រុសសង្ហា លោក បញ្ញាសិទ្ធ ប្រាកដជាប្រិយអ្នកតាមដានមួយចំនួនធំអាចនឹងស្គាល់ហើយ ដោយតារារូបទទួលភាពល្បីល្បាញតាមរយៈការសម្តែងរបស់លោកកាលពីមួយរយៈមុន និងមួយរយៈក្រោយមកនេះ ស្រាប់តែបាត់មុខលោកពីសិល្បៈឈឹង រហូតធ្វើឱ្យមហាជន អ្នកគាំទ្រមានការងឿងឆ្ងល់ជាពន់ពេក។
ប្រាកដណាស់ ក្រោយការបាត់មុខពីវិថីសិល្បៈមួយខ្យល់ប្រមាណជា២ឆ្នាំ ស្រាប់តែតារារូបនេះ បង្ហោះនៅលើគណនីហ្វេសប៊ុកមួយថា «កូនមកធ្វើការនៅឆ្ងាយ ដើម្បីសន្សំលុយទុកវះកាត់អ្នកម្តាយ ទ្រាំបន្តិចសិនទៅអ្នកម្តាយ លុយជិតគ្រប់ហើយ ខ្ញុំលែងខ្មាសអ្នកណាទៀតហើយ ដោយសារខ្ញុំអស់លទ្ធភាពមើលថែគាត់ ខ្ញុំបានមើលគាត់អស់ជាច្រើនឆ្នាំមកហើយ។ ខ្ញុំអគុណបងៗ និងមិត្តៗសិល្បៈ ដែលជួយដល់អ្នកម្តាយខ្ញុំ នៅចុងខែនេះខ្ញុំនឹងយកគាត់មកប្រទេសថៃហើយ។ អគុណនៅទឹកចិត្តរបស់ បងបង និងមិត្តៗទាំងអស់គ្នា។ តាមទឹកចិត្តបងបងសិល្បករ និងមិត្តដែលធ្លាប់រាប់អានខ្ញុំ ABA 001109747 ka panhasith ខ្ញុំអស់លទ្ធភាពខ្លួនឯងហើយ ហើយខ្ញុំក៏លែងខ្មាសអៀនដែរ ព្រោះជីវិតគាត់ថ្លៃជាងខ្មាសអៀន។ ថ្ងៃ២៥ ខ្ញុំនឹងយកគាត់ចេញទៅប្រទេសថៃហើយបងប្អូន»។
តាមរយៈបទសម្ភាសន៍ជាមួយសារព័ត៌មានកោះសន្តិភាព ដោយលោក បញ្ញា សិទ្ធ បានជម្រាបជូនថា ម្តាយរបស់លោកឈឺ១០ឆ្នាំជាងមកហើយ ដោយមានជំងឺជាច្រើនមុខដូចជា ជំងឺលើសឈា.ម ទឹកនោមផ្អែម លើសជាតិស្ករ និងក្រួសក្នុងតម្រង់នោមជាដើម។
តារាសម្តែង លោក បញ្ញា សិទ្ធ បន្តថា លោកត្រូវការលុយ ៣០០០ដុល្លារ ដោយត្រូវចំណាយលើការវះកាត់ទៅលើម្តាយរបស់លោក ដោយលោកមិនទុកអោយម្តាយលោកឈឺដូច្នេះនោះឡើយ។ ពោលគឺ ទោះបីជាលោកលំបាកលំបិនយ៉ាងណាក៏ព្រម ដូចជារាល់ថ្ងៃនេះទៀតសោត លោកបាត់មុខពីសិល្បៈ ដោយសារលោកត្រូវមករកលុយនៅប្រទេសថៃ ដោយត្រូវរ៉ាប់រងបង់ធនាគារ បង់ផ្ទះ និងថ្លៃចាយវា.យផ្សេងៗ ជាពិសេសគឺថ្លៃព្យាបាលម្តាយរបស់លោកតែម្តង។
លោក បញ្ញ សិទ្ធ ធ្លាប់ជាតារាមួយរូបដែលមានភាពលេចធ្លោ បានបន្តទៀតថា លោកត្រូវកាត់កេរ្តិ៍ កាត់ខ្មាសសុំជំនួយពីគេ ដូចដែលលោកបានបង្ហោះ ដោយមកនាពេលនេះ លោកទទួលបានជំនួយពីបងប្អូនអ្នកសិល្បៈ និងបងប្អូនមហាជន ៥០០ដុល្លារ ដោយលោកត្រូវការប្រមាណជា ៣០០០ដុល្លារ ក្នុងការវះកាត់ ដូច្នេះលោកសង្ឃឹមថា នឹងមានបងប្អូនជួយម្តាយលោកជាបន្តទៀត។
ទន្ទឹងមនឹងការបាត់មុខ លោកបានបន្តថា នាពេលបច្ចុប្បន្ន លោកនៅប្រទេសថៃ ធ្វើការអោយគេនៅក្នុងហាងមួយកន្លែង និងលក់ខោអាវ ហើយការដែលលោកបាត់មុខពីរង្វង់សិល្បៈនេះ ដោយសារម្តាយឈឺ ដូច្នេះត្រូវបង្ខំចិត្តធ្វើការអោយច្រើន ដើម្បីយកលុយព្យាបាលម្តាយ ពោលគឺលោកលះបង់អ្វីៗគ្រប់យ៉ាងដើម្បីម្តាយឈឺ ព្រោះម្តាយជាព្រះរស់ ដោយមិនអាចថ្លៃបាននោះទេ ព្រោះតែអ្នកម្តាយរូបនេះហើយ ដែលតែងតែចិញ្ចឹមបីបាច់មើលថែលោកអោយធំពេញវ័យ ដូច្នេះដើម្បីតបស្នងសងគុណអ្នកម្តាយដែលកំពុងឈឺនៅលើកន្ទេល លោកសុខចិត្តលះបង់គ្រប់យ៉ាង ពោលគឺអាយុជីវិតរបស់ម្តាយលោកជារឿងសំខាន់។
ជាចុងក្រោយ លោកពិតជាអគុណខ្លាំងណាស់ចំពោះការគាំទ្រ និងការជួយដល់ម្តាយលោក ដោយមានតែម្រាមដៃដប់អគុណដល់បងប្អូនសិល្បៈដែលបានជួយ៕ ដោយ ៖ លីហួ គីមឆាយ
ចែករំលែកព័តមាននេះ