ច្បាប់ថ្មីនៅបារាំង! ឪពុកម្តាយត្រូវបានហាមឃាត់មិនឱ្យបង្ហោះរូបកូនលើបណ្តាញសង្គម
បារាំង ៖ សមាជិកសភាបារាំងបានអនុម័តច្បាប់ ដែលមានគោលបំណងការពារឯកជនភាពរបស់
បារាំង ៖ សមាជិកសភាបារាំងបានអនុម័តច្បាប់ ដែលមានគោលបំណងការពារឯកជនភាពរបស់
បារាំង ៖ សមាជិកសភាបារាំងបានអនុម័តច្បាប់ ដែលមានគោលបំណងការពារឯកជនភាពរបស់កុមារនៅលើប្រព័ន្ធអ៊ីនធឺណិត ដោយពួកគេបានបោះឆ្នោតជាឯកច្ឆ័ន្ទ ដើម្បីអនុម័តច្បាប់ថ្មី ដែលនឹងរារាំងឪពុកម្តាយមិនឱ្យបង្ហោះរូបកូនពួកគេលើបណ្តាញទំនាក់ទំនងសង្គម។
លោក Bruno Studer សមាជិកសភាគណបក្ស Renaissance របស់ប្រធានាធិបតីបារាំង លោក អេម៉ានុយអែល ម៉ាក្រុង បានដាក់ចេញនូវច្បាប់ថ្មី ដែលបានស្នើឡើងកាលពីដើមខែនេះ នៅឯសភាជាន់ទាប l’Assemblée Nationale ។ លោក Bruno Studer បានប្រាប់វិទ្យុបារាំងអន្តរជាតិថា ច្បាប់នេះ មានគោលបំណងកំណត់អំណាចរបស់ឪពុកម្តាយ និងដើម្បីបង្ហាញដល់យុវជនថា ឪពុកម្តាយរបស់ពួកគេមិនមានសិទ្ធិទាំងស្រុងលើការបង្ហោះរូបភាពពួកគេនោះទេ។
លោក Studer ដែលជាសមាជិកនៃគណៈប្រតិភូសិទ្ធិកុមារ ដែលត្រូវបានបង្កើតឡើងក្នុងខែកញ្ញា ឆ្នាំ២០២២ បាននិយាយថា កុមារអាយុ១៣ឆ្នាំម្នាក់មានរូបភាពជាមធ្យម ១,៣០០ ដែលកំពុងចរាចរនៅលើអ៊ីនធឺណិត។ ទាំងនេះគឺជារូបថតដែលអាចប្រើប្រាស់ខុស សម្រាប់រូបភាពអា.សអាភា.សកុមារ ឬដែលអាចនាំឱ្យមានការគំរា.មកំហែងនៅក្នុងបរិយាកាសសាលារៀនរបស់ពួកគេ។
នៅពេលរូបភាពទាំងនោះ បានវាយលុកលើអ៊ីនធឺណិត ឪពុកម្តាយនឹងបាត់បង់ការគ្រប់គ្រង ឬមិនអាចលុបរូបទាំងនោះបាន ខណៈដែលរបាយការណ៍ក៏បានរកឃើញថា ៥០% នៃរូបថតដែលបានផ្លាស់ប្តូរនៅលើវេទិការូបភាពអា.សអាភា.សកុមារ ត្រូវបានបង្ហោះដំបូងដោយឪពុកម្តាយពួកគេនៅលើបណ្តាញទំនាក់ទំនងសង្គម។
ច្បាប់ថ្មីនេះ ក៏មើលទៅលើការដាក់ទោសឪពុកម្តាយ ដែលចង់បានចំនួនអ្នកតាមដាន និងរកប្រាក់តាមរយៈការបង្ហោះរូបភាពកូនៗរបស់ពួកគេ។ វាជារឿងសំខាន់ដែលត្រូវចងចាំថា នៅពេលដែលអ្នកចែករំលែកមាតិកានៅលើអ៊ីនធឺណិត វាអាចពិបាកណាស់ក្នុងការលុបវានៅពេលក្រោយ៕ (ដកស្រង់ចេញពី LADbible)
ចែករំលែកព័តមាននេះ