ADផ្ទាំងផ្សព្វផ្សាយពាណិជ្ជកម្ម

Picture

ស្រី​ស្អាត ដេ​នី ក្វា​ន់ ទម្លាយ​មុខមាត់ និង​ទំនាក់ទំនង​ពិត​នៅ​ពីក្រោយ​បុរស​សង្ហា​ម្នាក់​ដែល​អ្នកគាំទ្រ​សង្ស័យ

11 ខែ មុន
  • ភ្នំពេញ

នៅ​ទីបំផុត អ្នក​នាង ដេ​នី ក្វា​ន់ បាន​ទម្លាយ​នូវ​មុខមាត់ និង​ទំនាក់ទំនង​ពិតជា​បុរស​វ័យក្មេង​មួយ​រូប ដែល​មហាជន​កំពុង​ដាក់​ការ​សង្ស័យ​ថា ជា​គូ​ថ្មី​របស់​នាង បន្ទាប់​ពី​នាង​ទើប​ចែកផ្លូវ​ជាមួយ​គូស្នេហ៍​ចាស់​

រាជធានី​ភ្នំពេញ ៖ នៅ​ទីបំផុត អ្នក​នាង ដេ​នី ក្វា​ន់ បាន​ទម្លាយ​នូវ​មុខមាត់ និង​ទំនាក់ទំនង​ពិតជា​បុរស​វ័យក្មេង​មួយ​រូប ដែល​មហាជន​កំពុង​ដាក់​ការ​សង្ស័យ​ថា ជា​គូ​ថ្មី​របស់​នាង បន្ទាប់​ពី​នាង​ទើប​ចែកផ្លូវ​ជាមួយ​គូស្នេហ៍​ចាស់​។

មហាជន ជា​ពិសេស​បណ្តា​អ្នកលេង​ហ្វេ​ស​ប៊ុ​ក បាន​ផ្តោត​ការ​ចាប់អារម្មណ៍​យ៉ាង​ខ្លាំង បន្ទាប់​គេ​ឃើញ​នាង ដេ​នី ក្វា​ន់ បញ្ចេញ​រូបភាព​ស្និទ្ធស្នាល​ជាមួយ​បុរស​វ័យក្មេង​រូប​សង្ហា​មួយ​រូប​ជា​បន្តបន្ទាប់​នៅ​លើ​បណ្តាញ​សង្គម​។

ហើយ​អ្វី​ជា​ការ​កត់សម្គាល់​នោះ គឺ​នាង​តែងតែ​ព្យាយាម​លាក់បាំង​ពីមុខ​មាត់​ពី​បុរស​រូប​នោះ មិន​អោយ​មហាជន​បានឃើញ​ឡើយ ខណៈ​ពេល​ដែល​គេ​បាន​ដាក់​ការ​សង្ស័យ​ថា បុរស​ម្នាក់​នេះ ប្រាកដជា​គូស្នេហ៍​ថ្មី​របស់​នាង បើ​ទោះបីជា​នាង​ព្យាយាម​លាក់បាំង​ក៏​ដោយ​។

យ៉ាងណា ក្រោយ​វាំងនន​ខ្មៅ នាង ដេ​នី ក្វា​ន់ ក៏​បាន​ចេញ​មុខ​បញ្ជាក់​ការ​ពិត​ពី​អត្តសញ្ញាណ​បុរស​ខាងលើ​ហើយ ដោយនៅ​ក្នុង​នោះ នាង​នឹង​បុរស​រូប​នេះ មិន​មាន​ទំនាក់ទំនង​ស្នេហា​ដូច​កា​រស​ង្ស័​នោះ​ឡើយ ពោល​គឺ​បុរស​រូប​នេះ គ្រាន់តែ​ជា​អ្នក​រួមការ​ងារ​ថត​ជាមួយ​នាង​តែ​ប៉ុណ្ណោះ​។

ជាមួយនឹង​ការ​បង្ហាញ​រូបភាព​មុខមាត់​ពិតជា​មួយ​បុរស​ម្នាក់​នោះ ដេ​នី ក្វា​ន់ ក៏​បាន​ភ្ជាប់​សារ​បង្ហោះ​តាម​បណ្តាញ​សង្គម ដោយ​ប្រាប់​មហាជន​ពី​រឿងរ៉ាវ​ខាងលើ​នេះ​ថា អគុណ​ប្អូនប្រុស Visa (​ឈ្មោះ​បុរស​ដែល​ថត​កៀកកើយ​ជាមួយ​នាង​) ដែល​រួមការ​ងារ​ជាមួយ​បង​។ នាង​បញ្ជាក់​ថា ពីរ​ឆ្នាំ​មុន ធ្លាប់​ថត​ជាមួយ​គ្នា​ម្តង​ហើយ នេះ​ជា​លើក​ទី​២​ហើយ ដែល​បាន​រួមការ​ងារ​ជាមួយ​គ្នា​ម្តងទៀត នេះ​គ្រាន់តែ​ជា​ការ​ថត​ទេ សូម fan fan កុំ​យល់​ច្រឡំ​អី តាម​ពិត Mommy នៅ Single ដដែល​ទេ អ្នក​តាម​ញ៉ែ​កុំ​ទាន់​សេ​ដ អាច​ញ៉ែ​បន្ត​ទៀត​បាន ឱកាស​នៅ​មាន​ដដែល​ទេ​។

តាម​រយៈ​សារ​បញ្ជាក់​ខាងលើ​របស់​នាង ដេ​នី ក្វា​ន់ នា​ពេល​នេះ បាន​ធ្វើ​អោយ​មហាជន​ខ្លះ​សម្តែង​ការ​ហួសចិត្ត ខណៈ​ដែល​ម្នាក់​ៗ​បាន​សម្តែង​ការ​សាទរ​នៅ​ពេល​ឃើញ​នាង​រកបាន​គូស្នេហ៍​ថ្មី​នា​ពេល​នេះ​។

ជា​ការ​កត់សម្គាល់ បើ​ទោះបីជា​មាន​រូប​សម្រស់ និង​ទ្រព្យ​ច្រើន ប៉ុន្តែ​អ្នក​នាង ដេ​នី ក្វា​ន់ តែងតែ​មិន​សមប្រកប​ជាមួយនឹង​ដៃគូ​ជីវិត​ឡើយ ពោល​គឺ​នាង​បាន​ពើបប្រទះ​រឿង​ស្នេហា​បែប​បាក់​ជា​បន្តបន្ទាប់​។ ដេ​នី ក្វា​ន់ ទើបតែ​បែកបាក់​ជាមួយនឹង​គូស្នេហ៍​វ័យ​ចំណាស់​មួយ​រូប កាលពី​ពេល​ថ្មី​ៗ ដោយ​បាន​បន្សល់​ទុក​កូន​ម្នាក់ ដែល​កំពុង​ស្ថិត​ក្រោម​ការ​មើលថែ​របស់​នាង​នា​ពេល​បច្ចុប្បន្ន​នេះ​។

ទោះជា​យ៉ាងណា បើ​ទោះបីជា​ជួប​រឿង​ស្នេហា​មិន​សមប្រកប​ជា​បន្តបន្ទាប់​នា​ពេល​នេះ​ក៏​ដោយ ប៉ុន្តែ ដេ​នី ក្វា​ន់ នៅ​តែ​ប្រកាស​ជំហរ​បើក​បេះដូង​ទទួលយក​ស្នេហ៍​ថ្មី​បន្ត​ទៀត ក្នុង​ពេល​ដែល​នាង​ក៏​ធ្លាប់​ប្រកាស​ពី​ការ​ចង់បាន​កូន​ម្នាក់​ទៀត​ផង​ដែរ​៕

អត្ថបទសរសេរ ដោយ

កែសម្រួលដោយ