រាជធានីភ្នំពេញ ៖ តារាសម្តែងនាង ហ្វា ហ្វា បានធ្វើការវា.យបកទៅកាន់អ្នករិះគន់មួយចំនួនដែលបានប្រើប្រាស់ពាក្យសម្តីមិនសមរម្យមកលើរូបនាង តាមរយៈផេកហ្វេសប៊ុកមួយដែលបានបង្ហាញគោលដៅចង់ឲ្យតារារូបនេះ ចូលរួមកម្មវិធី Miss Grand Cambodia 2023។
ផេកហ្វេសប៊ុកដែលមានឈ្មោះ «Universe Pageant» បានបង្ហោះរូបភាពរបស់ស្រីស្រស់ ហ្វា ហ្វា ដោយអមជាមួយនឹងសំណេរនៅគណនីរបស់ខ្លួនថា «អ្នកទាំងអស់គ្នាយល់ឃើញយ៉ាងណាដែរ ប្រសិនបើបង Fa Fa ចូលរួមប្រកួត Miss Grand Cambodia Official 2023 …?។ គួរបញ្ជាក់ផងដែរថា បង FaFa ក៏ជាអតីតបវរកញ្ញាដែលធ្លាប់ចូលរួមប្រកួត Miss Cosmoworld 2018 ហើយយទទួលបាន Top 8 ដែលរៀបចំឡើងនៅប្រទេស Malaysia ផងដែរ»។
យ៉ាងណា ក្នុងពេលការបង្ហោះនេះ គ្រាន់តែជាគោលដៅសាកល្បង និងការស្ទង់មតិ ដោយមិនទាន់មានការឯកភាពពីសាម៉ីខ្លួននៅឡើយនោះ ប៉ុន្តែគេឃើញមានមហាជនមួយចំនួនបានចូលទៅខំមិនពីក្រោម ដោយអ្នកខ្លះបានបញ្ចេញមិនគាំទ្រគំនិតនេះឡើយ ដោយសារពួកគេមើលឃើញពីចំណុចអវិជ្ជមានមួយចំនួនរបស់ស្រីស្រស់ ហ្វា ហ្វា ដែលមិនសាកសម។
អ្នកខំមិនខ្លះលើកឡើងថា សម្រស់គាត់បានហើយ តែគាត់មិនសមតំណាងអោយស្ត្រីខ្មែរទេព្រោះស្ត្រីខ្មែរមានកិរិយាមារយាទល្អ ទោះបីជាសិចស៊ីក៏បែបសក្តិសម មិនមែនថតសិចស៊ីជ្រុលហួសហេតុចឹងទេ ខណៈពេលអ្នកខ្លះក៏បានផ្តោតពីការប្រើប្រាស់ភាសារបស់នាងផងដែរ។
អ្នកខ្លះទៀតបានសង្កត់ធ្ងន់ថា ១០០% គឺគាត់មិនអាចជាប់ទេ ខ្ញុំក៏ Fan គាត់ដែរ តែតាមរយៈការតាមដានគាត់កន្លងមក បើជាប់ក៏ត្រឹមថប់ ១០ នៅខ្មែរប៉ុណ្ណឹងឯង ទទួលស្គាល់ជាប់នរណាដែលមិន trains ថែមទៀត? តែយ៉ាងណា៎ ក៏ត្រូវការពេលយូរ ដើម្បី tr@in ដែរបើចង់អោយគាត់ចូល អោយគាត់ត្រៀម 2 ឫ 3ឆ្នាំសិនមក។
ឆ្លើយតបពីការខំមិនពីមហាជនខាងលើនេះ តារាសម្តែងស្រីស្រស់ ហ្វា ហ្វា ក៏បានធ្វើការឆ្លើយតបទៅវិញភ្លាមៗថា អរគុណ ខ្ញុំធ្លាប់ទៅប្រកួតដែរហើយ តែក្នុងកម្មវិធី Miss CosmoWorld បានចូល Top8 តែពេលនឹងវិស័យបរវកញ្ញាមិនទាន់មានអ្នកគាំទ្រដូចពេលនេះ ប៉ុណ្នឹងខ្ញុំមានបទពិសោធន៍ និងបានបំពេញក្តីស្រលាញ់របស់ខ្ញុំគ្រប់គ្រាន់ហើយ អរគុណរាល់ខំមិនទាំងល្អនិងអាក្រក់ តែខ្ញុំដឹងច្បាស់ថា ខ្ញុំបែបណាក្នុងវិស័យសិល្បៈនេះ (សិចស៊ី) ខ្ញុំអោយតម្លៃមនុស្សណាស់ មិនដែលមើលត្រឹមតែការស្លៀកពាក់ទេ ហើយក៏វា.យតម្លៃគេ អរគុណហើយក៏សុំទោសបើនិយាយទៅខុស ឬត្រូវ។
ការឆ្លើយតបខាងលើរបស់ស្រីស្រស់ ហ្វា ហ្វា នាពេលនេះ ក៏ត្រូវបានមហាជនខ្លះសម្តែងការគាំទ្រផងដែរ ខណៈពេលពួកគេយល់ឃើញថា ពេលខ្លះមនុស្សមិនអាចវា.យតម្លៃលើការស្លៀកពាក់របស់គេបានទេ ព្រោះនេះជាសិទ្ធិរបស់បុគ្គលម្នាក់ៗ ក្នុងការប្រើប្រាស់នូវ Style ស្លៀកពាក់របស់ពួកគាត់រៀងៗខ្លួន។
ជាការកត់សម្គាល់ បន្ទាប់ពីបានចូលរួមថតរឿងស្នេហាបែប១៨+ ដែលមានឈុតស្នេហាក្តៅរោលរាលនោះមក ស្រីស្រស់ ហ្វា ហ្វា បានទទួលការរិះគន់ដូចទឹកបាក់ទំនប់ បើទោះបីជាមានការបកស្រាយឲ្យនានា ឲ្យមានការយល់ជុំវិញការថតរឿងនេះក៏ដោយ។ យ៉ាងណា បើទោះបីជាទទួលរងរលក នៃការរិះគន់យ៉ាងចាស់ដៃក៏ដោយ ប៉ុន្តែសម្រាប់តារាសម្តែង ហ្វា ហ្វា ហាក់មិនបានបាក់ទឹកចិត្តអ្វីឡើយ ខណៈពេលដែលនាងក៏នៅតែបន្តការបង្ហោះរូបភាពបែបសិចស៊ីរបស់នាងជាបន្តបន្ទាប់នៅលើបណ្តាញសង្គម៕
ចែករំលែកព័តមាននេះ