ជារឿងមួយដ៏គួរអោយភ្ញាក់ផ្អើលជាទីបំផុត និងស្ទើរតែមិនចង់ជឿសោះឡើយ អាចនិយាយបានថា វាពិតជារឿងមួយដែលអ្នកគាំទ្រជាច្រើននិយមគាំទ្រនៅតារា K-pop មិនតិចនាក់នោះឡើយ មិនដែលនឹកស្រមៃនោះទេ ព្រោះជារឿយៗគេតែងតែនាំគ្នាសង្កេតឃើញ និងតាមដានជាប្រចាំមិនដែលបានប្រទះឃើញមានតារា
បរទេស ៖ ជារឿងមួយដ៏គួរអោយភ្ញាក់ផ្អើលជាទីបំផុត និងស្ទើរតែមិនចង់ជឿសោះឡើយ អាចនិយាយបានថា វាពិតជារឿងមួយដែលអ្នកគាំទ្រជាច្រើននិយមគាំទ្រនៅតារា K-pop មិនតិចនាក់នោះឡើយ មិនដែលនឹកស្រមៃនោះទេ ព្រោះជារឿយៗគេតែងតែនាំគ្នាសង្កេតឃើញ និងតាមដានជាប្រចាំមិនដែលបានប្រទះឃើញមានតារា K-pop ឬមួយក្រុមណាម្នាក់ កម្រនឹងមានលេចចេញនៅសកម្មភាពជិតស្និទ្ធកៀកកើយគ្នា ឬមួយក៏ធ្វើការទាក់ទងជាមួយនឹងកីឡាករបាល់ទាត់នោះឡើយ។
តែអ្វីដែលបានធ្វើអោយមហាជន ក៏ដូចជាអ្នករាល់គ្នាបើកភ្នែកធំៗស្រឡាំងកាំងជាងនេះទៅទៀតនោះ ស្រាប់តែនៅយប់ថ្ងៃទី២៥ ខែមករា ឆ្នាំ២០២៣ថ្មីៗនេះ មានពុកម៉ែបងប្អូន ក៏ដូចជាមហាជនជាច្រើនរាប់លាននាក់ ហាក់មានការភ្ញាក់ផ្អើលជាខ្លាំង ក្រោយបានឃើញកំពូលតារាចម្រៀងស្រី k-pop ដ៏ល្បីល្បាញពាសពេញផ្ទៃប្រទេស ជាពិសេសនៅប្រទេសកូរ៉េតែម្ដងនោះគឺ Lisa សមាជិកក្រុម Blackpink បានចេញមុខមកបង្ហោះរូបនៅក្នុងគណនី Instagram Storyរបស់ខ្លួនជាមួយនឹងកំពូលកីឡាករបាល់ទាត់ដ៏មានឥទ្ធិពលមួយរូបលំដាប់ពិភពលោកវ័យ៣០ឆ្នាំម្នាក់ ក្នុង IG story lalalalisa_m ដែលមានអ្នក Follow ជាង87.1 លាននាក់ នោះគឺ Neymar.Jr រួមជាមួយនឹងការ tag IG របស់លោក ដែលមានអ្នកតាមដានជាង 202 លាននាក់។
ជាក់ស្ដែង រឹតតែធ្វើអោយគ្រប់គ្នារំភើបទៅទៀតនោះ បន្ទាប់ពីតារាស្រីកញ្ញា Lisa បានបង្ហោះ រូបរបស់ខ្លួននៅក្នុង Story របស់ខ្លួនរួចមក ជាមួយនឹងកីឡាករបាល់ទាត់ឆ្នើមលោក Neymar.Jr ភ្លាម មិនទុកចាំយូរគេក៏បាននាំគ្នាក្រឡេកឃើញ កីឡាករដែលមានមុខមាត់ស្រស់សង្ហារ មានមន្តស្នេហ៍ធ្វើអោយក្រមុំៗជាច្រើននាំគ្នាបាក់ចិត្តស្រលាញ់ និងធ្លាក់ក្នុងអន្លង់ស្នេហ៍ពីមួយទៅមួយខាងលើរូបនេះ ក៏បានយករូបភាពដែលតារា k-pop របស់កូរ៉េខាងត្បូង Lisaបង្ហោះបង្ហាញនៅក្នុងគណនីនាង លោកក៏បានបង្ហោះ Story បន្ដពី Lisa ផងដែរ យើងអាចនិយាយបានថា នេះគឺជាព្រឹត្តិការណ៍មួយដែលមិនធ្លាប់ជួបពីមុខមកនោះទេ ដូចនេះវាបង្ហាញពីមិត្តភាពថ្មីមួយរបស់អ្នកទាំងពីរដែលអ្នកគាំទ្រជាច្រើនមិនដែលដឹង និងមិនដែលបានឃើញ ខណៈមហាជនជាច្រើនពិតជារំភើបខ្លាំង ព្រោះតារាល្បីលំដាប់ពិភពលោកដល់ទៅពីររូបបានជួបគ្នា។
ក្រោយពីបង្ហាញរូបភាពជិតស្និទ្ធក្នុង Story អ្នកគាំទ្រជាច្រើនក៏បានរកឃើញថា Neymar ក៏ជាអ្នកគាំទ្រមួយរូបរបស់ក្រុមចម្រៀងនារី BLACKPINK ផងដែរ ដោយលោកធ្លាប់បានបង្ហោះសារគាំទ្រនៅពេលដែលបទចម្រៀង Pink Venom ចេញជាផ្លូវការ។ ហើយមិនតែប៉ុណ្ណោះ អ្នកគាំទ្រក៏ពេញចិត្ត និងសប្បាយរីករាយជាពន់ពេក នៅពេលដែលបានឃើញតារាល្បី២រូបខាងលើនេះ មកពីវិស័យផ្សេងគ្នា ដូចជា Neymar ជាក្រុមបាល់ទាត់ជម្រើសជាតិប្រេស៊ីល ហើយចំណែកឯ Lisa គឺជាសមាជិកក្រុម BLACKPINK របស់កូរ៉េ ឬហៅថា Lalisa Manoban របស់តារា K-pop ថៃ ដោយពួកគេបានបង្ហាញខ្លួននៅលើ Instagram របស់គ្នាទៅវិញទៅមកមើលទៅពិតជាមានក្ដីសុខខ្លាំងណាស់។
លើសពីនេះទៅទៀតនោះ លោកក៏បានលេងហ្គេម PUBG x The Virtual ដែលសហការជាមួយ BLACKPINK ថែមទៀតផង ពិតជាស្ទើរតែមិនចង់ជឿនោះឡើយ ស្របពេលជាមួយគ្នានេះដែរ អ្នកគាំទ្រជាច្រើនសង្ឃឹមថា នឹងអាចឃើញពីមិត្តភាពរបស់អ្នកទាំងពីរទៀតនៅពេលអនាគត។
សូមជំរាបផងដែរថា បច្ចុប្បន្ននេះផងដែរ បើតាមដឹង Lisa កំពុងតែនៅប្រទេសបារាំងនៅឡើយនោះទេ សម្រាប់ការប្រគំតន្ត្រីសប្បុរសធម៌មួយដែលមានឈ្មោះថា «Le Gala des Pieces Jaunes» ខណៈពេលដែលកីឡាករលំដាប់ពិភពលោក Neymar បាននៅឯ Paris Saint-Germain រួចហើយ ក៏បានផ្តល់ឱកាសឱ្យពួកគេបានជួបគ្នាតែម្ដងទៅ ដែលគេរំពឹង និងស្មានប្រហែលៗថា «ពួកគេទាំងពីរនាក់ប្រហែលជាបានជួបគ្នានៅភោជនីយដ្ឋានដ៏ប្រណីតមួយកន្លែង ដែលមានឈ្មោះថា «Martignon ដែលស្ថិតនៅក្នុងទីក្រុងប៉ារីស បន្ទាប់មកគេក៏បានប្រទះឃើញតារាចម្រៀងស្រីថៃរូបនេះ បានថតរូបជាមួយនឹង Roger Federer អតីតកីឡាករវាយកូនបាល់លំដាប់លេខ១ ពិភពលោក មកពីប្រទេសស្វីសផងដែរ។ រួចមកកាលពីកន្លងទៅកីឡាករ Neymar ក៏ធ្លាប់បានចែករំលែកតំណទៅ MV Pink Venom របស់BLACLPINK នៅលើ Twitter ដោយបាននិយាយនៅលើ Caotion និងបែបនេះថា «ខ្ញុំស្រលាញ់បទនេះ «PINKVENOM» ហើយក្មួយប្រុសរបស់ Neymar ក៏ចូលចិត្ត Lisa ដែរ»៕
ចែករំលែកព័តមាននេះ