ADផ្ទាំងផ្សព្វផ្សាយពាណិជ្ជកម្ម

Picture

លោក សា​ពូន មី​ដា​ដា ប្រកាស​ថា សម្ដេច​តេ​ជោ បាន​ផ្ដល់​ថវិកា​ជូន​លោក​រាប់​ម៉ឺន​ដុល្លារ

5 ថ្ងៃ មុន
  • ភ្នំពេញ

មហាជន​អ្នក​និយម​ប្រើប្រាស់​បណ្ដាញ​សង្គម បាន​និង​កំពុង​សម្ដែង​ការ​ភ្ញាក់ផ្អើល និង​ចាប់អារម្មណ៍​ទៅ​លើ​សំ​ណេ​រ​មួយ​របស់​អតីត​តារាចម្រៀង​ប្រុស ដែល​ធ្លាប់​មានកេរ្តិ៍ឈ្មោះ​ល្បី​រន្ទឺ លោក​សា​ពូន មី​ដា​ដា ក្រោយ​លោក​បាន​ប្រកាស​យ៉ាង​ច្បាស់​ៗ​ថា

រាជធានី​ភ្នំពេញ ៖ មហាជន​អ្នក​និយម​ប្រើប្រាស់​បណ្ដាញ​សង្គម បាន​និង​កំពុង​សម្ដែង​ការ​ភ្ញាក់ផ្អើល និង​ចាប់អារម្មណ៍​ទៅ​លើ​សំ​ណេ​រ​មួយ​របស់​អតីត​តារាចម្រៀង​ប្រុស ដែល​ធ្លាប់​មានកេរ្តិ៍ឈ្មោះ​ល្បី​រន្ទឺ លោក​សា​ពូន មី​ដា​ដា ក្រោយ​លោក​បាន​ប្រកាស​យ៉ាង​ច្បាស់​ៗ​ថា សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត តែងតែ​សួរសុខទុក្ខ​លោក និង​គ្រួសារ ព្រមទាំង​បាន​ផ្ដល់​ថវិការ​ជូន​លោក​ជា​ច្រើន​លើក​ច្រើន​សា សរុប​ជា​រួម​ចូល​រាប់​ម៉ឺន​ដុល្លារ​ឯណោះ​។ នេះ​បើ​យោង​តាម​គណនី​ហ្វេ​ស​ប៊ុ​ក​ផ្លូវការ​ឈ្មោះ​ជា​ភាសា​អង់គ្លេស Sapoun Mi Dada ដែល​ជា​អា​ខោ​ន​ផ្លូវការ​របស់​លោក។

Picture

លោក សា​ពូន មី​ដា​ដា បាន​បង្ហោះ​វី​ដេ​អូ និង​រូបភាព​កូនស្រី​ក្នុង​ថ្ងៃ​ខួបកំណើត រួច​ភ្ជាប់​ជាមួយ​សំ​ណេ​រយ៉ា​ង​វែង​អន្លាយ​ថា ៖ កូនស្រី​មាសឪពុក សា​ពូន ដា​រ៉ា​ពិមាន គម្រប់​១២​ឆ្នាំ​គត់ កូន​ជា​កូន​ដែល​ប្រកប​ដោយ​កុសលធម៌​ក្រៃ​លែង​ណាស់ កាល​កូន​កើតមក​មន្ទីរពេទ្យ​មិន​យក​ប្រាក់​ទេ​។

លោក​សា​ពូន មី​ដា​ដា បាន​ឲ្យ​ដឹង​ទៀត​ថា ៖ ដល់​កូន​ចម្រើន​វ័យ​បាន​ជាង​៣​ឆ្នាំ ពុក​ជួប​រឿង​យល់សប្តិ​កំពុង​បើកភ្នែក​ទាំង​ថ្ងៃ គឺ​សម្តេច​តេ​ជោ​ពុក និង​សម្តេច​ម្តាយ ដ៏​ខ្ពង់ខ្ពស់​បំផុត call មក​ជា ( លេខ Private number ) សួរសុខទុក្ខ ហើយ​ក៏​ឲ្យ​គេ​យក​ប្រាក់​មក​ឲ្យ​៣​ម៉ឺន​ដុល្លារ គ្រា​កន្លង​មក មួយ​អាទិត្យ​លោក​ទាំង​ទ្វេ​ក៏ call មក​លេង​រហូត​ៗ ហើយ​ក៏​ឲ្យ​គេ​យក​ប្រាក់​មក​ឲ្យ​ទៀត​ជា​ហូរហែ​។

Picture

អតីត​តារាចម្រៀង​ប្រុស​រូប​នេះ បាន​ឲ្យ​ដឹង​ទៀត​ថា ៖ រហូត​កូន​ចម្រើន​វ័យ​បាន​៤​ឆ្នាំ សម្តេច​តេ​ជោ​ពុក​ និង​សម្តេច​ម្តាយ លោក​បាន​ប្រោះ​ប្រទាន​មហា​កិត្តិយស​ដល់​ពុក​ម៉ែ និង​កូន​ឲ្យ​ទៅ​ជួប​លោក​ទាំង​ទ្វេ​នៅ​ភូមិ​គ្រឹះ​វិមាន​ឯករាជ្យ កូន​ចេះ​ណាស់​គ្រាន់តែ​ឃើញ​ពុក​ម៉ែ​ក្រាបថ្វាយបង្គុំ សម្តេច​តេ​ជោ​ពុក និង​សម្តេច​ម្តាយ​ភ្លាម កូន​ក៏​បត់ជើង​ថ្វាយបង្គុំ​លោក​ទាំង​ទ្វេ​ភ្លាម​ដែរ ។

ជាមួយ​គ្នា លោក​សា​ពូន មី​ដា​ដា បាន​រៀបរាប់​បញ្ជាក់​បន្ត​ថា ៖ ពុក​ម៉ែ​មាន​កំពូល​កិត្តិយស និង​មហា​សំណាង​ក្រៃ​លែង​ណាស់ ដោយ​ទទួល​បានការ​សំណេះសំណាល និង​ខ្សែ​.​ក​ដាំ​ពេជ្រ​ជិត​ប៉ុន​កូនដៃ ព្រមទាំង​ប្រាក់​ដុល្លារ​មួយ​វ៉ា​លី​ស​ធំ ដែល​ជា​ការ​ប្រទាន​របស់​សម្តេច​ទាំង​ទ្វេ បី​អាទិត្យ​ក្រោយមក​ពុក​ម៉ែ​ឡើង​ច្រៀង​កម្មវិធី Bayon TV ច្រៀង​បទ​អក្ខរា​លោហិត លោក​ទាំង​ទ្វេ​ក៏​ប្រទាន​២០​ម៉ឺន​ដុល្លារ​ទៀត វេលា​កន្លង​មក ចូល​ឆ្នាំ​មហាសង្ក្រាន្ត​នៅ​សៀមរាប លោក​ទាំង​ទ្វេ​បាន​ប្រោះ​ប្រទាន​នូវ​វេលា​មហា​កិត្តិ​យស​ម្តងទៀត ដោយ​ហៅ​ពុក​ម៉ែ​ទៅ​ហូប​បាយ​នៅ​សណ្ឋាគារ Angkor city លោក​ទាំង​ទ្វេ​បាន​ប្រទាន​ប្រាក់​ដុល្លា​មួយ​កាបូប​ធំ​ទៀត​ដល់​ពុក​ម៉ែ​។

Picture

អតីត​តារាចម្រៀង​ប្រុស​រូប​នេះ បាន​រៀបរាប់​បន្ត​ថា ៖ ប្រាក់​ដ៏​ច្រើន​ក្រាស់ក្រែល​ទាំងនោះ ពុក​បាន​យក​ទៅ​ធ្វើ​ជំនួញ​ដែល​មិនមែន​ជា​ជំនាញ និង​សេចក្តី​ធ្វេសប្រហែស​របស់​ពុក​ផង​នោះ ក៏​ខាតបង់​ជា​បន្តបន្ទាប់​រហូត​អស់ពី​ខ្លួន ពុក​ពោល​រៀបរាប់​នេះ គឺ​ឲ្យ​កូន​ចូរ​គោរព​ស្មោះត្រង់​ចង​ចាំ​ជា​និច្ច​តបស្នង​នូវ​មហា​គុណ​ដែល​សម្តេច​តេ​ជោ​តា និង​សម្តេច​យាយ ផ្តល់​ឲ្យ​គ្រួសារ​យើង ហើយ​ក្នុង​ដំណើរ​ជីវិត ចូរ​កូន​​កុំ​ធ្វើ​ជំនួញ​អ្វី​ដែល​យើង​មិន​ចេះ និង​កុំ​ប្រហែស​ឲ្យ​សោះ ព្រះពុទ្ធ​អង្គ​មុន​បរិ​និ​ពា​ន្វ​បាន​ត្រាស់​ថា ម្នាល​ភិក្ខុ​ទាំងឡាយ​ចូរ​ញ៉ាំង​ជីវិត​នេះ​ឲ្យ​ប្រព្រឹត្ត​ទៅ​ដោយ​កុំ​ប្រហែស​ឡើយ ។

Picture

យ៉ាងណាមិញ ចំពោះ​សំ​ណេ​រ​ដែល​តារាចម្រៀង​ប្រុស លោក សា​ពូន មី​ដា​ដា បាន​បង្ហោះ​ខាងលើ​នេះ យើង​នៅ​មិន​ទាន់​ដឹង​ថា តើ​ជា​ការ​ពិត​ឬ​យ៉ាងណា​នោះ​ទេ? ហើយ​ក្រុមការងារ​សារព័ត៌មាន​កោះសន្តិ​ភាព​ក៏​បាន​ព្យា​យាយ​ទាក់ទង​ទៅ​កាន់​លោក សា​ពូន មី​ដា​ដា ដើម្បី​ឲ្យ​បាន​ព័ត៌មាន​លម្អិត​ផង​ដែរ ក៏​ប៉ុន្តែ​គ្មាន​ការ​ឆ្លើយ​តប​ត្រឡប់​មក​វិញ​ឡើយ ដូច្នេះ​មាន​តែ​រង់ចាំ​មើល​បន្ត​ទៀត​តែ​ប៉ុណ្ណោះ​៕

Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023