ម៉ាឡេស៊ី ៖ តាមប្រភពព័ត៌មាន Viral4real បានឲ្យដឹងថា យុវតីអាយុ២០ឆ្នាំម្នាក់ប្តេជ្ញាចិត្តចូលរួមប្រកួតក្នុងកម្មវិធី Miss Universe Malaysia ទោះបីជាមានការរើសអើងចំពោះមុខរបស់នាង ដែលពោរពេញទៅដោយប្រជ្រុយអុចខ្មៅដុំៗក៏ដោយ។
Evita Patcey Edgar Delmundo មានជំងឺពីកំណើតម្យ៉ាងហៅថា «Giant Congenital Melanocytic Nevus» ដែលវាធ្វើឲ្យរាងកាយរបស់នាងទាំងមូលមានសុទ្ធតែប្រជ្រុយពាសពេញគ្រប់ទីកន្លែង។ ដោយសារតែជំងឺនេះហើយ ទើបធ្វើឲ្យនាងត្រូវបានគេមើលងាយ និងសើចចំអកតាំងពីចូលរៀនថ្នាក់បឋមសិក្សា។
កាលនៅរៀនថ្នាក់បឋម មិត្តភក្តិរបស់នាងគ្មាននរណាម្នាក់ចង់រាប់អាននាងឡើយ។ លុះដល់នាងឡើងថ្នាក់អនុវិទ្យាល័យ ទើបមានមិត្តភក្តិមួយចំនួនមិនប្រកាន់នឹងសម្រស់ខាងក្រៅរបស់នាង។
នាងមានជំនឿទុកចិត្តលើខ្លួនឯងហើយនៅពេលនេះ។ នាងចង់ឲ្យពិភពលោកផ្លាស់ប្តូរពីការឲ្យតម្លៃទៅលើសម្រស់ខាងក្រៅ។ នាងនឹងចូលរួមប្រកួតក្នុងការកម្មវិធីប្រកួតបវរកញ្ញា Miss Universe Malaysia នៅពេលខាងមុខ៕
ចែករំលែកព័តមាននេះ