រាជធានី​ភ្នំពេញ​៖​ថ្មី​ៗ​នេះ​មាន​អ្នកលេង​បណ្តាញ​ទំនាក់ទំនង​សង្គម​ហ្វេ​ស​ប៊ុ​ក​មិន​តិច​នាក់​នោះ​ទេ មានការ​ភ្ញាក់ផ្អើល​នឹក​ស្មាន​មិន​ដល់ ជា​ពិសេស​ផ្ទុះ​ការ​វែកញែក​ឥត​ឈប់​ឈរ ក្រោយ​ប្រទះ​ឃើញ​តារា​ហ្វេ​ស​ប៊ុ​ក​ក៏​ដូច ជាតា​រា​Tik Tok កញ្ញា​អាណា​រ៉ូ​ស​ដែល​មាន​រូប​សម្រស់​ស្រស់​ស្អាត​មុខមាត់​ស៊ិ​ច​ស៊ី​គួរ​អោយ​ទាក់ទាញ​រូប​នេះ​នៅ​សុខ​ៗ​ក៏​បាន​ចេញ​មុខ​មក​បង្ហោះ​រូប​មួយ​សន្លឹក​នៅ​ក្នុង​គណនី​ហ្វេ​ស​ប៊ុ​ក​ផេ​ក​ផ្ទាល់ខ្លួន​របស់​នាង ដោយ​បាន​ភ្ជាប់​ជាមួយ​សារ​ប៉ុន្មាន​ឃ្លារ​ប្រកាសប្រាប់​ទៅ​កាន់​មហាជន​ក៏​ដូច​ជា​អ្នកគាំទ្រ​នាង​ដោយ​សរសេរ​រៀបរាប់​បែប​នេះ​ថា​«​តិកតុក follower ១.៣ M and like ២៧.១ M ខ្ញុំ​ចង់​លក់​ក្នុង​តម្លៃ ២០ ម៉ឺន​ដុល្លារ​។ ចង់​លក់​ជា​បន្ទាន់ ព្រោះ​ត្រូវការ​លុយ​យក​មក​ទិញ​ឡាន Alphat ជិះ បើ​បងប្អូន​មាន​ចំណាប់អារម្មណ៍​អាច​ឆាត​មក​នាង​ខ្ញុំ​បាន​»​។

បន្ទាប់​ពី​បានឃើញ​នាង​បង្ហោះ​សារ​និយាយ​អ​ញ្ជឹ​ង​រួច​មក ភ្លាម​ៗ​នោះ​ក៏​ឃើញ​ថា មាន​ពុក​ម៉ែ​បងប្អូន​មួយ​ចំនួន​បាន​ស៊ែរ​ចែករំលែក​ត​ៗ​គ្នា​យ៉ាងច្រើន​ផុសផុល​ពី​មួយ​ទៅ​មួយ ក្រោយ​ពី​បានឃើញ​កញ្ញា អាណា រ៉ូ​ស បែរជា​មក​បង្ហោះ​សារ​ប្រកាស​ក្ដែ​ង​ៗ​ចង់​លក់​គណនី Tik Tok របស់​ខ្លួន​ទាំង​ប្រញាប់ប្រញាល់​នៅ​ក្នុង​តម្លៃ ២០ ម៉ឺន​ដុល្លារ ពិតជា​មិនធម្មតា​មែន ក្នុង​នោះ​ផង​ដែរ​មិន​ទុក​ចាំ​យូរ ស្រប​ពេល​ដែល​ប្រកាស​លក់​គណនី​Tik Tok​របស់​កញ្ញា អាណា រ៉ូ​ស​នេះ​ដែរ ត្រូវ​បាន​មហាជន​អ្នកលេង​បណ្តាញ​សង្គម​ហ្វេ​ស​ប៊ុ​ក​ជា​ច្រើន​បាន​នាំ​គ្នា​សម្រុកចូល​ទៅ​ចែករំលែក និង​ចូល​ខ​មិន​បញ្ចេញមតិ​រិះគន់​យ៉ាងច្រើន​ព្រោងព្រាត​ហាក់ដូចជា មិន​អស់ចិត្ត​នៅ​សារ​ដែល​នាង​បាន​បង្ហោះ​នោះ ដោយ​ម្នាក់​ៗ​គិត​ថា​នេះ​ជា​រឿង​ហួសចិត្ត​យ៉ាង​ខ្លាំង​។

ឃើញ​ដូចនេះ​រួច​មក មាន​មហាជន​មួយ​ចំ​នួ​ពួក​គេ​ក៏​បាន​នាំ​គ្នា​ចូល​ទៅ​ខ​មិន​និយាយ​ចំ​ៗ​ថា​«​លក់​បាន​ប្រាប់​ផង​ចែ ខ្ញុំ​ចង់​លក់​ទាំង​ខ្លួន​ខ្ញុំ​ទៀត​ម៉​ង​អោយ​ទាំងអស់​» អ្នកខ្លះ​ទៀត​ថា «5​មុ​ឺ​ន​រៀល​ក៏​អត់​ទិញ​ដែរ​ចែ ព្រោះ​ថែម​តែ​១​មុ​ឺ​ន​ទិញ​បាន​Tager crystal បាន​1​កេស​» ហើយ​អ្នកខ្លះ​ទៀត​និយាយ​ថា​«​កុំ​ទិញ​អី​បងប្អូន​អើយ ខ្ញុំ​ទុក​គ្រាន់​បន្លាច​ក្មួយ​អោយ​ញាំ​បាយ​» ។

ប្រិ​យ​មិត្ត​មួយ​ចំនួន​ទៀត ក៏​បាន​លើក​ឡើង​ថា​«20​មុឺ​ន​$ ធ្វើ​ផ្ទះ​ឲ្យ​ម៉ែ​ខ្ញុំ​រស់នៅ​យ៉ាង​ស្រួល សុំ​ទោស​បើ​យាយ​ចំ​ពេក​» ។ ចំណែក​អ្នកខ្លះ​ថា​«20​ម៉ឺន​ដុល្លារ​លុយ​ខ្មោច​បាន​ទេ ព្រោះ​ខ្ញុំ​ជិត​សែន​ចិន​ហើយ ចាយ​មិន​អស់​ទេ​មក​ជួយ​ចាយ​គ្នា​មក​» ។ លើស​ពី​នេះ​ទៀត​មាន​អ្នកខ្លះ​ថា​«​សុខចិត្ត​ល្បីល្បាញ​ដោយ​ការ​ខិតខំ​ដោយ​ខ្លួនឯង​ទើប​មាន​តម្លៃ ទិញ​អស់​លុយ​ហើយ​គេ​ដៀល​ទៀត​ល្បី​ដោយសារ​ទិញ​អា​ខោ​ន​គេ​» ខ្ញុំ​អត់​ហ៊ាន​ទិញ​ទេ​ចែ​អើយ ខ្លាច​មក​ដល់​ដៃ​ខ្ញុំ​វា​ធ្លាក់ followers បាត់​អស់​ដោយសារ​តែ​មូលហេតុ​អត់​ចេះ​ថត​ដូច​ចែ​»​។

ហើយ​ក៏​មាន​មួយ​ចំនួន​ទៀត​ខ​មិន​កាន់ជើង​កញ្ញា​អាណា​រ៉ូ​ស​គ្រប់​ៗ​គ្នា​ថា​«​កុំទៅ​ខ្វល់​អី​ចែ គេ​ចង់​និយាយ​អ្វី​ក៏​ស្រេច​តែ​គេ​និយាយ​ទៅ យើង​មិន​អាច​ហាម​មិន​អោយ​គេ​និយាយ​អាក្រក់​ពី​យើង​បាន​នោះ​ទេ​» ។ «​មនុស្ស​ខ្លះ​ចាំតែ​សើចចំអក​ជាន់ពន្លិច​យើង​តែ​ប៉ុណ្ណោះ​ឯង មិន​ដែល​ចេះ​និយាយ​ល្អ​ជួយ​លើកទឹកចិត្ត​ខ្មែរ​ដូច​គ្នា​នោះ​ទេ​មួយ​ថ្ងៃ​ៗ​បើ​មិន​បាន​និយាយដើម​គេ​មើលងាយ​គេ​ទើស​គេ​គេង​មិន​លក់​ទេ​មនុស្ស​អ​ញ្ជឹ​ង​នោះ កម្ម​ពារ​មិន​ចាំជាតិ​ក្រោយ​នោះ​ទេ ឃើញ​តែ​ជាតិ និង​ឯង​»​។

ហើយ​អ្នកខ្លះ​ថា​«​កុំទៅ​ឈឺក្បាល​ជាមួយ​មនុស្ស​មួយ​ចំនួន​តូច និង​អី​ចែ​អើយ មិនមែន​រាល់ថ្ងៃ​ចែ​ទៅ​សុំ​អង្ក​គេ​យក​មក​ស៊ី​ទេ ចែចង់​លក់​អី​ក៏​លក់​ទៅ​ជា​សិទ្ធ​របស់​ចែ គេ​ចង់​ថា អី​ក៏​ថា​ទៅ តែ​គេ​ថា ហើយ​និយាយ​ឆ្អែត​គេ​លែង​ទើស​យើង​ហើយ​» និង​«​យើង​ម្នាក់​មិន​អាច​ទៅ​ផ្គាប់ចិត្ត​មនុស្ស​១០០​នាក់​បាន​ទាំង​អស់នោះ​ទេ​ចែ​ត្រូវ​ចាំ​»​។ «​រឹង​មាំ​ឡើង​ចែ ថ្ងៃ​ណាមួយ​គេ និង​មើលឃើញ​ពី​ទ​ង្វើ​ដ៏​ល្អ​របស់​ចែ​ជាក់​ជា​មិន​ខាន​នោះ​ឡើយ​»៕ ដោយ ៖ សុភា ដាណេត