ជារឿងមួយដ៏គួរអោយចាប់អារម្មណ៍ និងមានការភ្ញាក់ផ្អើលយ៉ាងខ្លាំងមិនស្ទើរទៅទៀតនោះ គឺមានអ្នកគាំទ្រជាច្រើនហាក់មានការសង្ស័យមិនឈប់អំពីតារាសម្ដែងស្រីដ៏ល្បីឈ្មោះ កញ្ញា ដួង ម៉ានិច ដែលជាតារាស្រី ក៏ដូចជាអ្នកលក់អនឡាញមួយរូប មានសន្ទុះប្រជាប្រិយភាពជាខ្លាំងនៅក្នុងរង្វង់សិល្បៈ មិនតែប៉ុណ្ណោះ ជារឿយៗកញ្ញាតែងតែ
រាជធានីភ្នំពេញ ៖ ជារឿងមួយដ៏គួរឱ្យចាប់អារម្មណ៍ និងមានការភ្ញាក់ផ្អើលយ៉ាងខ្លាំង ក្រោយមានអ្នកគាំទ្រជាច្រើន ហាក់មានការសង្ស័យមិនឈប់អំពីតារាសម្ដែងស្រីដ៏ល្បីឈ្មោះ កញ្ញា ដួង ម៉ានិច ដែលជាតារាស្រី ក៏ដូចជាអ្នកលក់អនឡាញមួយរូប ថានាងកំពុងបង្កាត់ភ្លើងស្នេហាជាមួយបុរសសង្ហាមួយរូប។
កញ្ញា ដួង ម៉ានិច ដែលជាតារាកំពុងតែមានសន្ទុះប្រជាប្រិយភាពជាខ្លាំងនៅក្នុងរង្វង់សិល្បៈ មិនតែប៉ុណ្ណោះ ជារឿយៗកញ្ញាតែងតែលេចមុខសម្ដែងនៅក្នុងខ្សែភាពយន្តរឿងភាគធំៗ និងល្បីៗជាច្រើនរាប់មិនអស់ ទាំងរឿងភាគ និងរឿងដុំ រហូតទទួលបាននៅការស្រលាញ់ចូលចិត្ត និងគាំទ្រពីសំណាក់មហាជនយ៉ាងច្រើនសន្ធឹកសន្ធាប់តែម្ដង។
អ្នកគាំទ្ររបស់នាងកំពុងចាប់អារម្មណ៍រឿងថ្មីមួយទៀត នោះគឺថាតារាស្រីសិចស៊ី ចង្កេះរាងរាវរូបនេះកំពុងតែមានទំនាក់ទំនងជាមួយនឹងកំលោះសង្ហារម្នាក់ទៀត ក្រោយតារាស្រីរូបនេះ និងតារាចម្រៀងប្រុសវ័យក្មេង ថៃ អតិជាតិបុត្រ ហាក់ស្ងប់ស្ងាត់ និងមិនឃើញលេចមុខបណ្ដើរគ្នាដូចពីពេលមុនៗទៀត។
តើបុរសសង្ហាមួយរូបថ្មី ដែលអ្នកគាំទ្រដាក់ការសង្ស័យថានាងកំពុងបង្កើតភ្លើងសេ្នហាជាមួយនោះជានរណាទៅ? ប្រាកដណាស់ ថ្មីៗនេះ កញ្ញា ដួង ម៉ានិច បានបង្ហោះរូបភាពជាច្រើនសន្លឹក បង្ហាញនូវភាពស្និទ្ធស្នាលជាមួយគ្នាកាន់តែខ្លាំងឡើងៗជាមួយនឹង Vlogger ដ៏ល្បីឈ្មោះស្រស់និងសង្ហាមួយរូបដែលមានឈ្មោះថា «Lyderzz – Zy ហ្ស៊ី»។ កាន់តែច្បាស់ទៀតនោះ គឺអ្នកទាំងពីរថែមទាំងបានបណ្ដើរគ្នាទៅថតរូបសាងភាពរ៉ូមែនទិកនៅក្រៅប្រទេសទៀតផង។ ក្រៅពីការបង្ហាញរូបភាពស្និទស្នាលនោះ កញ្ញា ដួង ម៉ានិច បានភ្ជាប់ជាមួយសារប៉ុន្មានម៉ាត់ រួចឆ្លៀតពោលពាក្យយ៉ាងមានក្ដីសុខផ្អែមល្ហែមអោយអ្នកគាំទ្របានឮបែបនេះថា «ក្ដីស្រមៃ ក្លាយជាការពិត «Lyderzz – Zy ហ្ស៊ី»។
បន្ទាប់ពីបានឮដូចនេះហើយ ក៏បានធ្វើអោយអ្នកគាំទ្រកំពុងតែនាំគ្នាដាក់ការសង្ស័យក៏នាំគ្នាលើកឡើងថា «បើដឹងដៃគ្នាទៅក្រៅប្រទេសបែបនេះ បើស្មានមិនខុសអ្នកទាំងពីរប្រហែលជាសង្សារនឹងគ្នាហើយ មិនមែនជាអ្នកស្គាល់គ្នារាប់អានគ្នាធម្មតាៗទេ»។
ឃើញតារាស្រីរូបនេះបង្ហោះរូបមិនទាន់បានប៉ុន្មានផង ក៏មានអ្នកចូលទៅខមិនថា «បងសូមជួយត្រេកអរដល់អូនសំណព្វចិត្ត my beautiful idol congratulations» «ខ្ញុំមើលអាយដលខ្ញុំយ៉ូៗទៅដូច១៨ឆ្នាំ ហើយឡើងខ្ជូត មានក្ដីសុខជំនួសបងទាំងពីរខ្លាំងណាស់ គ្រាន់តែគិតក៏មានក្ដីសុខដែរ» «សមគ្នាណាស់បង ជូនពររៀបការឆាប់ៗនេះណាបង»។
អ្នកខ្លះទៀតបាននិយាយលើកឡើងថា «នៅតែក្តីស្រម៉ៃខ្ញុំទេ មិនដឹងពេលណាបានការពិតណ៎» «ខ្ញុំចង់មានជីវិតដូចបងដល់ហើយ ជូនពរអោយបងស្រលាញ់គ្នាអោយយូរៗណាបង ពិតជាសាកសមនឹងគ្នាពិតមែន ច្រណែនពួកបងទាំងពីរខ្លាំងណាស់ គ្រាន់តែឃើញក៏រំភើបជំនួសដែរ»។
យ៉ាងណាមិញ បើយើងនាំគ្នាក្រឡេកមកដឹង កាលពីកន្លងទៅ អ្នកទាំងអស់គ្នាប្រាកដជាបានដឹងយ៉ាងច្បាស់ហើយថា តារាស្រីកញ្ញា ដួង ម៉ានិច បានមានភាពផ្អែមល្ហែម និងតែងតែបង្ហាញនៅភាពស្និទ្ធស្នាលជាមួយគ្នាយ៉ាងខ្លាំង ជាមួយនឹងតារាចម្រៀងប្រុសវ័យក្មេងល្បីឈ្មោះមួយរូប ដែលគ្រប់គ្នាស្គាល់នោះ គឺកំលោះសង្ហារ ថៃ អតិជាតិបុត្រ ដែលតារាប្រុសស្រីពីរដួងខាងលើរូបនេះ បានធ្វើអោយអ្នកគាំទ្រមិនតិចនាក់នោះឡើយ មានសង្ស័យពីមួយទៅមួយបែបនេះថា «តើអ្នកទាំងពីរមានទំនាក់ទំនងពិសេសអ្វីជាមួយគ្នាអោយពិតប្រាកដទៅ? បើមួយថ្ងៃៗបណ្ដើរគ្នាទៅណាមកណារហូត មិនទៅញ៉ាំនេះក៏ទៅញ៉ាំនោះ ឬមួយក៏ទៅកន្លែងណានោះទេ តែងតែមានមុខអ្នកទាំងពីរជាប្រចាំ មិនថាពេលឡាយ ដើរលេងកម្សាន្ត ដូច្នេះហើយទើបហ្វេនៗមានការងឿងឆ្ងល់ថា ពួកគេជាគូស្នេហ៍នឹងគ្នា ឬមួយក៏យ៉ាងណា?។
រហូតមានការសង្ស័យមិនឈប់ អ្នកទាំងពីរក៏បានចេញមុខមកបកស្រាយ ដោយបាននិយាយទម្លាយប្រាប់យ៉ាងច្បាស់ៗអោយមហាជនបានដឹងយ៉ាងដូច្នេះថា «តាមពិតអ្វីដែលបងប្អូនបានឃើញពួកគេមានភាពផ្អែមល្ហែមស្និទ្ធស្នាលនឹងគ្នាខ្លាំងនោះ មិនដូចអ្វីដែលគ្រប់គ្នាបានគិតនោះទេ រាល់គ្រប់សកម្មភាពទាំងអស់ដែលតារាប្រុសស្រីទាំងពីរដួងខាងលើរូបនេះ តែងតែបង្ហាញមិនថា រូបភាពលក្ខណៈជាវីដេអូ ឬមួយក៏រូបភាពដែលតែងតែបង្ហោះនៅលើបណ្ដាញសង្គមនោះទេ ទាំងអស់នេះពួកគេសម្ដែងធ្វើដូចជាគូស្នេហ៍ដែលស្រលាញ់គ្នាតែប៉ុណ្ណោះឯង គ្រប់យ៉ាងអ្នកទាំងពីរធ្វើ គ្រាន់តែជាការងាររបស់ពួកគេតែប៉ុណ្ណោះឯង ដូច្នេះហើយកុំនាំគ្នាមានការសង្ស័យ និងយល់ច្រឡំតទៅទៀតអី ហើយមួយរយៈក្រោយមក តារាសម្ដែងស្រីកញ្ញាដួង ម៉ានិច ក៏ហាក់ស្ងាត់ឃ្លាតឆ្ងាយជាមួយនឹងតារាចម្រៀងប្រុសវ័យក្មេង ថៃ អតិជាតិបុត្រ រហូតមកដល់ពេលនេះ»៕
ចែករំលែកព័តមាននេះ