រកឃើញហើយ! ជនជាតិចិនម្នាក់វិជ្ជមានកូវីដ រត់គេចខ្លួននៅកូរ៉េខាងត្បូង
កូរ៉េខាងត្បូង ៖ ប៉ូលីសកូរ៉េខាងត្បូងនៅថ្ងៃព្រហស្បតិ៍ ទី ៥មករានេះ បានរកឃើញបុរសជនជាតិចិន
កូរ៉េខាងត្បូង ៖ ប៉ូលីសកូរ៉េខាងត្បូងនៅថ្ងៃព្រហស្បតិ៍ ទី ៥ មករានេះ បានរកឃើញបុរសជនជាតិចិនម្នាក់ដែលបានបាត់ខ្លួន បន្ទាប់ពីធ្វើតេស្តវិជ្ជមានកូវីដ ១៩ ពេលមកដល់ព្រលានយន្តហោះ។ គាត់នឹងត្រូវគេបញ្ជូនឱ្យទៅធ្វើចត្តាឡីស័ក មុនពេលចោទប្រកាន់ក្រោមច្បាប់គ្រប់គ្រងជំងឺ។ គួររំលឹកថា ជនជាតិចិនម្នាក់បា.ត់ខ្លួន ក្រោយធ្វើតេស្តមានកូវីដ ពេលធ្វើដំណើរដល់កូរ៉េខាងត្បូង
ការបាត់ខ្លួនរបស់ជនជាតិចិនរូបនេះកើតឡើង បន្ទាប់ពីគាត់ត្រូវបានគេធ្វើតេស្តកូវីដ ១៩ ពេលធ្វើដំណើរមកពីចិនដល់ព្រលានយន្តហោះ Incheon កាលពីថ្ងៃអង្គារ និងត្រូវបានគេត្រៀមបញ្ជូនទៅកាន់មណ្ឌលធ្វើចត្តាឡីស័ក។
មន្ត្រីប៉ូលីសម្នាក់និយាយថា «បុរសរូបនោះត្រូវបានរកឃើញនៅសណ្ឋាគារមួយស្ថិតក្នុងទីក្រុងសេអ៊ូលនៅរសៀលថ្ងៃនេះ»។ គាត់នឹងត្រូវគេបញ្ជូនឱ្យធ្វើចត្តាឡីស័ករយៈពេល ៧ថ្ងៃ។
«យើងគ្រោងស៊ើបអង្កេតលើបុគ្គលនេះ នៅពេលរយៈពេលធ្វើចត្តាឡីស័កចប់»។
សូមបញ្ជាក់ថា បុរសជនជាតិដែលរត់គេចខ្លួននោះត្រូវបានគេដាក់ក្នុងបញ្ជីឈ្មោះតាមរក ដោយសាររត់គេច ខណៈពេលកំពុងរងចាំការអនុញ្ញាតិឱ្យធ្វើចត្តាឡីស័ក។
គាត់អាចនឹងជាប់គុករយៈពេល ១ឆ្នាំ ឬពិន័យជាប្រាក់ជិត ៨.០០០ដុល្លារ ប្រសិនត្រូវបានកាត់ទោសពីបទរំលោ.ភបំពានច្បាប់គ្រប់គ្រង និងការពារជំងឺឆ្លង៕ (យោងតាមប្រភព៖ Reuters)
ចែករំលែកព័តមាននេះ