តារាសម្តែង រ៉ូស បានទទួលស្គាល់កំហុស និងសម្រេចលុបចោលវិញ ក្រោយការបង្ហោះគណនីបណ្តាញសង្គមក្លែងក្លាយមួយ ដែលបានប្រើប្រាស់រូបរបស់ស្នងការខេត្តកំពត ជាមួយនឹងសារឆាតមកនិយាយពាក្យមិនសមរម្យលើរូបនាង។ ការចេញមុខសុំទោសពីតារាសម្តែង រ៉ូស នាពេលនេះ បានធ្វើឡើង បន្ទាប់ពី
រាជធានីភ្នំពេញ ៖ តារាសម្តែង រ៉ូស បានទទួលស្គាល់កំហុស និងសម្រេចលុបចោលវិញ ក្រោយការបង្ហោះគណនីបណ្តាញសង្គមក្លែងក្លាយមួយ ដែលបានប្រើប្រាស់រូបរបស់ស្នងការខេត្តកំពត ជាមួយនឹងសារឆាតមកនិយាយពាក្យមិនសមរម្យលើរូបនាង។ ការចេញមុខសុំទោសពីតារាសម្តែង រ៉ូស នាពេលនេះ បានធ្វើឡើង បន្ទាប់ពីផេកហ្វេសប៊ុកផ្លូវការរបស់ស្នងការខេត្តកំពត បានចេញមុខមកធ្វើការបដិសេធមិនទទួលស្គាល់គណនីអ៊ីនស្ត្រាក្រាមមួយដែលបានឆាតទៅតារារូបនេះ ហើយត្រូវបាននាងបង្ហោះសាធារណៈ។
យ៉ាងណា ក្រោយបានដឹងពីរឿងពិត នៅទីបំផុតតារាសម្តែង រ៉ូស ក៏បានសម្រេចលុបការផុសនោះចោលវិញ និងបានទទួលស្គាល់កំហុសដែលបានកើតឡើងនាពេលនេះ។
តារាសម្តែងដែលចូលចិត្តសម្ញែងភាពសិចស៊ីតាមបណ្តាញសង្គមរូបនេះ បានបង្ហោះសារលើគណនីហ្វេសប៊ុករបស់ខ្លួនថា «នាងខ្ញុំសូមលុបរូបដែលខ្ញុំបានបង្ហោះពីម្សិលម៉ិញ ដោយសារតែនាងខ្ញុំមិនដឹងថា រូបហ្នឹងជារូបរបស់ស្នងការខេត្តកំពត ហើយមានជនខិលខូចយករូបគាត់ដាក់ក្នុង Profile Telegram ហើយឆាតមកនិយាយពាក្យមិនសមរម្យលើនាងខ្ញុំ ទើបនាងខ្ញុំយកឆាតហ្នឹងទៅផុស។ នាងខ្ញុំសូមអភ័យទោសចំពោះលោកស្នងការខេត្តកំពតផង ដែលបានយករូបលោកទៅបង្ហោះ ដោយសារតែខ្ញុំមិនដែលស្គាល់លោក។ នាងខ្ញុំសង្ឃឹមលោកស្នងការអភ័យទោសដល់នាងខ្ញុំ។ នាងខ្ញុំសូមគោរពជូនពរលោកស្នងការ ព្រមទាំងក្រុមគ្រួសារឲ្យទទួលបានសុខភាពល្អបរិបូណ៌ កម្លាំងខ្លាំងក្លា ប្រាជ្ញាវាងវៃ និងទទួលបានជោគជ័យគ្រប់ភារៈកិច្ច។
ជាការកត់សម្គាល់កាលពីថ្ងៃទី២០ ខែធ្នូ ឆ្នាំ២០២២ តារាសម្តែង រ៉ូស បានទម្លាយជាសាធារណៈនូវគណនីអ៊ីនស្ត្រាក្រាមមួយ ដែលបានប្រើប្រាស់រូបភាពស្នងការខេត្តកំពត និងភរិយា ដោយបានឆាតទៅនាងជាមួយនឹងការប្រើប្រាស់មិនសមរម្យ (ស៊ីនំអោយលុយ) មកលើរូបនាង។
តាមរយៈពាក្យសម្តីនេះ បានធ្វើអោយតារាស្រីរូបនេះហាក់ក្តៅស្លឹកត្រចៀក និងមិនបានស្គាល់ច្បាស់ពីបុរសខាងលើនេះផង នាងក៏បានភ្ជាប់ជាមួយនឹងសារបង្ហោះតាមហ្វេសប៊ុកថា «ខ្ញុំមិនមែនស្រីរកស៊ី ស្រីសំផឹ.ងឬស្រីខូចទេ សំខាន់អ្នកអែងឆាតមកបែបមើលងា.យជាន់ឈ្លីកិត្តិយសខ្ញុំ ហើយក៏ខ្ញុំមិនខ្វល់ថាអ្នកអែងជាអ្នកណាដែរ ព្រោះខ្ញុំមិនដែលស្គាល់អ្នកអែង សំខាន់ខ្ញុំគឺជាមនុស្សស្រី ខ្ញុំក៏មានតម្លៃ និងកិត្តិយសរបស់ខ្ញុំ ដែលហេតុអីក៏មើលងា.យខ្ញុំដល់ថ្នាក់នេះ? ខ្ញុំឈឺចាប់ណាស់ ជីវិតមួយនេះគេចាំតែមើលងា.យជាន់ពន្លិច ខ្ញុំហត់ណាស់»។
នាងថា «ខ្ញុំមិនមែនស្រីសំផឹ.ង ឬស្រីខូចរឺស្រីលក់ខ្លួនទេ ហើយខ្ញុំមិនដែលស្គាល់អ្នកអែងទេ សុខសុខឆាតមកញ៉ែខ្ញុំតាម telegram ហើយនិយាយប្រើពាក្យមិនសមរម្យដាក់ខ្ញុំ មនុស្សម្នាក់ម្នាក់កើតមកមានតម្លៃ និងកិត្តិយសរៀងរៀងខ្លួន អ្នកអែងមានកូនស្រីទេ បើគេឆាតចឹងទៅកូនស្រីអ្នកអែង តើអ្នកអែងមានអារម្មណ៍បែបណា?? ហេតុអីក៏មើលងា.យគេបែបនេះ??។
យ៉ាងណាក្រោយឃើញរឿងខាងលើនេះ ផេកហ្វេសប៊ុករបស់លោកស្នងការខេត្តកំពត ក៏បានចេញមកប្រតិកម្ម និងបដិសេធចោលនូវអ្វីដែលបានចោទប្រកាន់នេះ។ ផេកហ្វេសប៊ុកស្នងការខេត្តកំពត បានសសេរថា «សូមជំរាបទៅ កញ្ញា An na Rose ខ្ញុំមិនដែលស្គាល់កញ្ញាពីមុនមកទេ ហើយក៏មិនបានឆាតទៅកញ្ញាតាម telegram ដែរ ហើយលេខខាងលើនោះ មិនមែនជាលេខទូរស័ព្ទរបស់ខ្ញុំដែរ។ មានជនអនាមិកបានយករូបខ្ញុំទៅបង្កើតជា Telegram ដើម្បីឆាតទៅកញ្ញា ឬទៅអ្នកដទៃផ្សេងទៀតក្នុងគោលបំណងអាក្រក់ណាមួយ។ ខ្ញុំសូមបដិសេធទាំងស្រុងចំពោះបញ្ហាអ្វីមួយដែលបានកើតឡើងចំពោះលេខទូរស័ព្ទខាងលើ ដែលយករូបខ្ញុំទៅបង្កើតជា Telegram និងសូមអោយកញ្ញា An na Rose លប់សារដែលកញ្ញាបានសរសេរនៅក្នុង Facebook របស់កញ្ញាចេញ ជៀសវាងការយល់ច្រលំណាមួយមកលើរូបខ្ញុំ និងធ្វើអោយប៉ះពាល់មកលើកិត្តិយសរបស់ខ្ញុំ»៕
ចែករំលែកព័តមាននេះ