ជារឿងមួយដ៏គួរអោយភ្ញាក់ផ្អើល នៅថ្ងៃទី១៧ ខែតុលា ឆ្នាំ២០២២នេះ ខណៈតារាសម្ដែង និងកំប្លែងជួរមុខក្នុងប្រទេសកម្ពុជា លោក ចែម ចាន់រ៉ា ហៅនាយពែកមី ដែលបានប្រកាសពីស្ថានភាពជំងឺរបស់ខ្លួននៅលើបណ្ដាញសង្គមហ្វេសប៊ុកផ្លូវការ រហូតធ្វើអោយមហាជនអ្នកប្រើប្រាស់បណ្ដាញសង្គម ក៏ដូចជា
រាជធានីភ្នំពេញ ៖ ជារឿងមួយដ៏គួរអោយភ្ញាក់ផ្អើល នៅថ្ងៃទី១៧ ខែតុលា ឆ្នាំ២០២២នេះ ខណៈតារាសម្ដែង និងកំប្លែងជួរមុខក្នុងប្រទេសកម្ពុជា លោក ចែម ចាន់រ៉ា ហៅនាយពែកមី ដែលបានប្រកាសពីស្ថានភាពជំងឺរបស់ខ្លួននៅលើបណ្ដាញសង្គមហ្វេសប៊ុកផ្លូវការ រហូតធ្វើអោយមហាជនអ្នកប្រើប្រាស់បណ្ដាញសង្គម ក៏ដូចជាអ្នកគាំទ្រលោកបង្ហាញក្ដីបារម្ភ និងជូនពរអោយលោកឆាប់ជាពីជំងឺផងដែរ។
ប្រាកដណាស់ តាមរយៈរូបភាពប៉ុន្មានសន្លឹកនៅលើគ្រែពេទ្យដៃដាក់សេរ៉ូមទាំងក្នុងខ្លួនគ្មានកម្លាំង នាយពែកមី បានប្រកាសប្រាប់ថា លោកកំពុងកើតជំងឺគ្រុនឈា.ម ដែលឆ្លងតាមរយៈមូសខ្លាខាំ។ នាយពែកមី បានប្រកាសប្រាប់ថា រូបលោកឈឺ៤ថ្ងៃមកហើយ ហើយប្រហែល៧ថ្ងៃទៀតទើបបានធូរឡើងវិញ។នាយពែកមី បានបញ្ជាក់ពីអាការៈររបស់ខ្លួនដែលកើតជំងឺគ្រុនឈា.ម គឺរងាញាក់ខ្លាំង អស់កម្លាំង ឈឺស្រកៀពេញខ្លួន ឈឺក្បាល ក្តៅមុខក្តៅមាត់ និងពិបាក្នុងខ្លួនជាដើម។
តាមរយៈរូបភាពដែលបង្ហោះនោះ គេសង្កេតឃើញប្រធានដឹកនាំក្រុមកំប្លែង លោក សុវណ្ណ ឬទ្ធី ហៅលោកតាវ៉ិចទ័រ ក៏បានមកសួរសុខទុក្ខលោក ចែម ចាន់រ៉ា ហៅនាយពែកមីផងដែរ ដោយក្នុងសារបង្ហោះនាយពែកមី បានលើកឡើងថា «អរគុណលោកតា បានមកសួរសុខទុក្ខ»។ ក្នុងនោះផងដែរ នាយពែកមី ក៏បានបង្ហាញការស្រលាញ់ទៅកាន់អ្នកគាំទ្រ ដោយសូមអោយពួកគាត់មានការប្រុងប្រយ័ត្នខ្ពស់ចំពោះជំងឺមួយប្រភេទនេះ»។
នេះបើយោងតាមសំណេរទាំងស្រុងរបស់តារាកំប្លែងរូបនេះ បានសរសេរថា «សូមបងប្អូន ប្រយ័ត្នជាមួយនឹងជំងឺគ្រុនឈា.មទាំងអស់គ្នា វាឆ្លងតាមរយៈមូសខ្លាខាំ ខ្ញុំឈឺ៤ថ្ងៃហើយ ប្រហែល៧ថ្ងៃទើបបានធូរ អាការៈរងាញាក់ខ្លាំង អស់កម្លាំង ឈឺស្រកៀពេញខ្លួន ឈឺក្បាល ក្តៅមុខក្តៅមាត់ អរគុណលោកតាបានមកសួសុខទុក្ខ» ។
យ៉ាងណាមិញ តាមរយៈការខមិននៅក្រោមផុសនោះ យើងសង្កេតឃើញមានបងប្អូនជាច្រើនបានបង្ហាញក្ដីបារម្ភ និងជូនពរអោយលោកឆាប់ជាពីជំងឺ ឆាប់បានមកថតវីដេអូកំប្លែង និងសម្ដែងជូនពួកគាត់ទស្សនាវិញ ។
ដោយឡែក តាមរយៈការខមិនជូនពរ និងការបារម្ភទាំងនោះ ក៏មានអ្នកប្រើប្រាស់បណ្ដាញសង្គមមួយចំនួនតូច បានធ្វើការឌឺដងចំអកឡកឡាយប្រៀបធៀបលើកឡើងចំៗទៅកាន់នាយ ពែកមីថា «ជាអ្នកប្រូម៉ូតអោយផលិតផលថ្នាំបាញ់មូស តែនៅកើតជំងឺគ្រុនឈា.ម» អ្នកប្រើប្រាស់បណ្ដាញសង្គមផ្សេងទៀតលើកឡើងបែបឌឺដងថា «លក់ផលិតផលថែរក្សាសុខភាពហើយ នៅឈឺទៀត» ជាដើម ។
ជាការឆ្លើយតបភ្លាមៗនោះ តារាកំប្លែងរូបនេះក៏បានចេញមុខបញ្ជាក់ និងប្រាប់ថា «មូលហេតុដែលលោកត្រូវមូសខ្លាខាំនេះ កើតដោយសារតែលោកត្រូវចេញទៅថតវីដេអូតាមវាលកាល តាមព្រៃស៊ុបទ្រុប កន្លែងងងឹតដែលមានមូសខ្លានៅ»។ លោបន្តថា «លោកតែងតែចេញថតគ្រប់ទីកន្លែងមិនថាទីណានោះឡើយ លោកត្រូវមូសខាំពេលទៅថតនៅព្រៃ ហើយក៏មិនបានយកថ្នាំមូសទៅតាមខ្លួននោះដែរ ព្រោះរវល់ការងារច្រើន មិនបានទៅគិតដល់ចំណុចដែលបង្កជាជំងឺនេះឡើយ។ មួយទៀតការលក់ផលិតផលថែរក្សាសុខភាពរបស់លោក គ្មានអ្វីមកពាក់ព័ន្ធដល់ជំងឺនេះដែរ ព្រោះជំងឺនេះទោះមានសុខភាពល្អយ៉ាងណា ក៏នៅតែកើតដែរ ជាពិសេសក្មេងៗ ព្រោះវាជាជំងឺឆ្លង និងបង្កឡើងដោយមូសខ្លាខាំ ចំណែកឯផលិតផលសុខភាព គឺជារឿងផ្សេងដែលមិនពាក់ព័ន្ធចំពោះជំងឺមួយប្រភេទនេះ» ។
ជាចុងក្រោយតារាកំប្លែង និងសម្ដែងដ៏មានប្រជាប្រិយភាពក្នុងប្រទេសកម្ពុជា លោក ចែម ចាន់រ៉ា ហៅនាយ ពែកមី ក៏បានធ្វើការថ្លែងអំណអរគុណដល់មហាជនអ្នកគាំទ្ររូបលោកទាំងអស់ ដែលបានយល់ពីលោក និងជូនពរលោកឆាប់ជាពីជំងឺ៕
ចែករំលែកព័តមាននេះ