អតីតតារាចម្រៀងក្នុងក្រុម Coconut លោកកង ពិសិដ្ឋ ចូលរោងការ
រាជធានីភ្នំពេញ ៖ អតីតតារាចម្រៀង និងជាអ្នកកាន់ហ្គីតាវ័យក្មេងក្នុងក្រុម Coconut លោកកង ពិសិដ្ឋ បានចូលរោងការហើយនៅថ្ងៃទី២៣ ខែមីនា ឆ្នាំ២០១៧ ជាមួយកញ្ញា ពៅ កេស្សារ៉ា ។
រាជធានីភ្នំពេញ ៖ អតីតតារាចម្រៀង និងជាអ្នកកាន់ហ្គីតាវ័យក្មេងក្នុងក្រុម Coconut លោកកង ពិសិដ្ឋ បានចូលរោងការហើយនៅថ្ងៃទី២៣ ខែមីនា ឆ្នាំ២០១៧ ជាមួយកញ្ញា ពៅ កេស្សារ៉ា ។
រូបថតជាច្រើនត្រូវគេបង្ហោះតាមហ្វេសប៊ុក បង្ហាញឱ្យឃើញថា ពិធីមង្គការរបស់លោក កង ពិសិដ្ឋ ធ្វើឡើងមានលក្ខណៈធំគួសមជាមួយនឹងពិធីបំពាក់ចិញ្ចៀនផងដែរ ។
មិត្តភក្តិស្និទ្ធស្នាលរបស់លោកកង ពិសិដ្ឋ ម្នាក់ឱ្យដឹងថា ពិធីមង្គលការនេះធ្វើឡើងនៅគេហដ្ឋានខាងស្រី មានអ្នកសិល្បៈមួយចំនួនចូលរួម ។ ចំពោះពិធីជប់លៀងភ្ញៀវនៅមជ្ឈមណ្ឌលពិព័រណ៍កោះពេជ្រប្រហែល៨០តុ ។
ទម្រាំឈានដល់រៀបមង្គលការនេះទាំងខាងប្រុស និងខាងស្រីបានឈ្វេងយល់ចិត្តគ្នាអស់ពេលជិតដប់ឆ្នាំ ។
មង្គលការរបស់លោកកង ពិសិដ្ឋ បានការអបអរសាទរពីប្រិយមិត្តអ្នកគាំទ្ររូបលោក បើទោះបីជាលោកមិនបានចេញបទចម្រៀង ថ្មីៗទៀតក៏ដោយ ។
អតីតតារាចម្រៀងលោកកង ពិសិដ្ឋ លេចធ្លោតាមរយៈបទចម្រៀង «ស្នេហ៍គឺវាយ៉ាងនេះ» «បេះដូងកំព្រា» «តំណែងស្នេហ៍» និងបទ «ស្នេហ៍ដំបូងក្នុងផលិតកម្មSpark Music ។
បើទោះបីជាពេលបច្ចុប្បន្នលោកមិនបានចេញបទចម្រៀង ថ្មីៗទៀតក៏ដោយ ប៉ុន្តែលោកកង ពិសិដ្ឋ បានបន្តអាជីពសិល្បៈនេះតាមរយៈការផលិតបទចម្រៀងឲ្យផលិតនានា ជាពិសេសផលិតកម្មហង្សមាស ៕
ចែករំលែកព័តមាននេះ