អ្នកនិយមប្រើប្រាស់បណ្ដាញសង្គម ក៏ដូចជាអ្នកគាំទ្រទាំងក្នុងប្រទេសថៃ និងបណ្ដាប្រទេសជិតខាង រួមទាំងប្រទេសកម្ពុជា បានសម្ដែងការភ្ញាក់ផ្អើល និងតក់ស្លុតចិត្តជាខ្លាំង ដោយនៅយប់ថ្ងៃទី៥ ខែតុលា ឆ្នាំ២០២២ កាលពីម្សិលមិញនេះ ទទួលដំណឹងថា
ប្រទេសថៃ ៖ អ្នកនិយមប្រើប្រាស់បណ្ដាញសង្គម ក៏ដូចជាអ្នកគាំទ្រទាំងក្នុងប្រទេសថៃ និងបណ្ដាប្រទេសជិតខាង រួមទាំងប្រទេសកម្ពុជា បានសម្ដែងការភ្ញាក់ផ្អើល និងតក់ស្លុតចិត្តជាខ្លាំង ដោយនៅយប់ថ្ងៃទី៥ ខែតុលា ឆ្នាំ២០២២ កាលពីម្សិលមិញនេះ ទទួលដំណឹងថា តារាសម្ដែងប្រុសដ៏ល្បីល្បាញក្នុងប្រទេសថៃ លោក Jaran Ngamdee បានទទួលមរណភាពគ្មានថ្ងៃវិលត្រឡប់ ក្នុងវ័យទើបតែ៤៩ឆ្នាំតែប៉ុណ្ណោះ។
តាមប្រភពសារព័ត៌មានជាច្រើនរបស់ប្រទេសថៃ បានធ្វើការចុះផ្សាយថា «លោក Jaran បានទទួលមរណភាពនៅផ្ទះ ស្ថិតនៅឯខេត្ត Kanchanaburi របស់ខ្លួន ដោយសារខ្យល់គ»។ យ៉ាងណាម៉ិញ ដំណឹងដ៏រន្ធត់មួយនេះ បានធ្វើឲ្យបណ្ដាអ្នកគាំទ្រក្នុងប្រទេសថៃ សម្ដែងការសោកស្ដាយជាពន់ពេក ដែលត្រូវបានបាត់បង់ធនធានសិល្បៈមួយរូបទៀតនៅក្នុងឆ្នាំ២០២២នេះ ហើយក៏ជាតារាសម្ដែងដ៏មានប្រជាប្រិយរូបនេះផងដែរ។
ប្រជាជនថៃដែលតែងតែគាំទ្រតារាសម្ដែងប្រុស Jaran បានធ្វើការជូនពរឲ្យលោកបានទៅកាន់ទីឋានស្ងប់សុខ និងចូលរួមរំលែកទុក្ខចំពោះក្រុមគ្រួសារនៃស.ពផងដែរ។
គួរបញ្ជាក់ផងដែរថា លោក Jaran Ngamdee បានទទួលមរណភាពក្នុងវ័យទើបតែ៤៩ឆ្នាំ ដោយសារខ្យល់គ នៅផ្ទះរបស់លោកផ្ទាល់ ស្ថិតក្នុងខេត្ត Kanchanaburi ។ លោក Jaran គឺជាតារាសម្តែង និងតារាម៉ូដែលជើងចាស់មួយរូប ដែលទទួលបានការគាំទ្រយ៉ាងខ្លាំងពីសំណាក់មហាជនទាំងក្នុងប្រទេសថៃ រួមទាំងបណ្ដាប្រទេសនានា។ ជាពិសេសអ្នកដែលនិយមតាមដានរឿងភាគថៃ ក្នុងអំឡុងឆ្នាំ២០០០ ជាងមក ប្រាកដជាស្គាល់លោកច្បាស់ណាស់ តាមរយៈខ្សែរភាពយន្តរឿង «ពន្លកស្នេហ៍ក្នុងភ្លើងសង្គ្រា.ម (Bang Rajan)» ដែលជាខ្សែភាពយន្ដល្បីមួយ សម្ដែងដោយលោក Jaran Ngamdee ផ្ទាល់ ដែលក្នុងសាច់រឿងលោកដើរតួសម្ដែងមានឈ្មោះថា នាយ ចន្ទនួតខៀវ ។
ក្រៅពីអាជីពជាអ្នកសិល្បៈ ក្នុងនាមជាតារាសម្ដែងដ៏មានកេរ្តិ៍ឈ្មោះបោះសំឡេងខ្លាំងហើយនោះ លោកក៏ជាគ្រូបង្វឹកហាត់ប្រាណមួយរូប និងជាម្ចាស់អាជីវកម្ម Bang Rajan Homestay ដែលស្ថិតនៅខេត្ត Kanchanaburi ដែលជាទីតាំងគេបានរកឃើញលោកបានស្លា.ប់នៅថ្ងៃទី ០៥ ខែ តុលា ឆ្នាំ ២០២២៕
ចែករំលែកព័តមាននេះ