អូស្ត្រាលីដាក់ចេញផែនការថ្មីដើម្បីទប់ស្កាត់វិបត្តិផុតពូជរបស់សត្វ
អូស្ត្រាលី ៖ អូស្ត្រាលីគ្រោងនឹងបញ្ឍប់កុំឱ្យមានការបាត់បង់ពូជសត្វបន្ថែមទៀត និងបញ្ចប់ឋានៈជា
អូស្ត្រាលី ៖ អូស្ត្រាលីគ្រោងនឹងបញ្ឍប់កុំឱ្យមានការបាត់បង់ពូជសត្វបន្ថែមទៀត និងបញ្ចប់ឋានៈជា
អូស្ត្រាលី ៖ អូស្ត្រាលីគ្រោងនឹងបញ្ឍប់កុំឱ្យមានការបាត់បង់ពូជសត្វបន្ថែមទៀត និងបញ្ចប់ឋានៈជារាជធានីវិនាសកម្មថនិកសត្វរបស់ពិភពលោក។
សត្វ និងរុក្ខជាតិជាង ១០០ប្រភេទដែលរងការគំរា.មកំហែងរួមមានសត្វកូឡា (Koala) ដ៏ល្បីល្បាញ នឹងត្រូវដាក់ជាអទិភាពនៅក្នុងយុទ្ធសាស្ត្រថ្មី។
គម្រោងនោះរួមមានការប្តេជ្ញាដើម្បីការពារផ្ទៃដីមួយភាគបីនៃប្រទេសអូស្ត្រាលី។
កាលពីដើមឆ្នាំនេះ របាយការណ៍បានរកឃើញថា បរិស្ថានរបស់អូស្ត្រាលីកំពុងមានការធ្លាក់ចុះគួរឱ្យភ្ញាក់ផ្អើល។
សត្វ និងរុក្ខជាតិដើមជាច្រើនប្រឈមនឹងការគំរា.មកំហែង រួមមានការបាត់បង់ទីជម្រក ការឈ្លានពានរបស់សត្វល្អិតចង្រៃ និងស្មៅ ការប្រែប្រួលអាកាសធាតុ និងគ្រោះមហន្តរាយធម្មជាតិជាញឹកញាប់។
រដ្ឋមន្ត្រីបរិស្ថាន លោកស្រី Tanya Plibersek បាននិយាយថា «វិធីសាស្ត្របច្ចុប្បន្នរបស់យើងមិនដំណើរការនោះទេ។ យើងប្តេជ្ញាផ្តល់ឱកាសកាន់តែល្អសម្រាប់សត្វព្រៃ»។
លោកស្រីនិយាយថា គោលដៅរបស់យើងគឺដើម្បីដាក់ផ្ទៃដី ៣០ភាគរយរបស់អូស្ត្រាលីជាតំបន់ការពារក្រោមច្បាប់បរិស្ថានជាតិ ដែលវានឹងជួយដល់សត្វ និងជម្រកងាយរងគ្រោះរបស់វា។
យុទ្ធសាស្ត្ររយៈពេល ១០ឆ្នាំក៏មានគោលបំណងធ្វើឱ្យប្រសើរឡើងនូវភាពធន់នឹងការប្រែប្រួលអាកាសធាតុ បង្កើតចំនួនពូជសត្វមួយចំនួននៅក្នុងតំបន់គ្មានសត្វមំសាសី និងតាមដានចំនួនដែលមានស្រាប់ឱ្យកាន់តែប្រសើរ។
តំបន់ចំនួន ២០ ដែលមានដង់ស៊ីតេខ្ពស់នៃប្រភេទសត្វដែលរងការគំរា.មកំហែងនឹងត្រូវកំណត់គោលដៅជាពិសេស។ តំបន់ទាំងនោះរួមមាន កោះ Kangaroo នៅអូស្ត្រាលីខាងត្បូង និងភ្នំខៀវ (Blue Mountains) ក្នុងរដ្ឋ New South Wales ដែលត្រូវបានបំផ្លិចបំផ្លាញដោយភ្លើងឆេះព្រៃក្នុងឆ្នាំ ២០១៩-២០២០ ។
ពូជសត្វចំនួន ១១០ប្រភេទនឹងត្រូវចាត់ទុកជាអទិភាពរួមមានតោសមុទ្រអូស្ត្រាលី និងសត្វកម្របំផុតមួយចំនួនក្នុងពិភពលោកដូចជាកណ្តុរ Gilbert’s Potoroo ជាដើមដែលនៅសល់ចំនួនប្រហែល ១០០ក្បាលប៉ុណ្ណោះ៕ (យោងតាមប្រភព៖ BBC)
ចែករំលែកព័តមាននេះ