តារាចម្រៀងល្បី Shakira ប្រឈមការកាត់ទោសពាក់ព័ន្ធនឹងករណីមួយ
អេស្ប៉ាញ ៖ តារាចម្រៀងល្បីឈ្មោះលំដាប់ពិភពលោក នាង Shakira នឹងប្រឈមនឹងការកាត់ទោស
អេស្ប៉ាញ ៖ តារាចម្រៀងល្បីឈ្មោះលំដាប់ពិភពលោក នាង Shakira នឹងប្រឈមនឹងការកាត់ទោស
អេស្ប៉ាញ ៖ តារាចម្រៀងល្បីឈ្មោះលំដាប់ពិភពលោក នាង Shakira នឹងប្រឈមនឹងការកាត់ទោសក្នុងប្រទេសអេស្ប៉ាញពីបទក្លែងបន្លំពន្ធប្រឆាំងនឹងរតនាគារសាធារណៈនៃប្រទេសអេស្ប៉ាញ។
ចៅក្រមក្នុងទីក្រុង Barcelona បានបញ្ជាឱ្យសំណុំរឿងនេះឆ្ពោះទៅការកាត់ក្តី ប៉ុន្តែការបរិច្ឆេទមិនទាន់ត្រូវបានកំណត់នៅឡើយទេ ។ រដ្ឋអាជ្ញាអេស្ប៉ាញបានចោទប្រកាន់ នាង Shakira ថាមិនបានបង់ពន្ធលើប្រាក់ចំណូលផ្ទាល់ខ្លួន និងពន្ធទ្រព្យសម្បត្តិចន្លោះឆ្នាំ ២០១២ និង ២០១៤ ដែលបច្ចុប្បន្នមានតម្លៃប្រហែល ១៥,៨លានដុល្លារ ប៉ុន្តែតារាស្រីវ័យ ៤៥ឆ្នាំរូបនេះបដិសេធ។
នៅក្នុងកិច្ចសម្ភាសន៍ជាមួយទស្សនាវដ្តី Elle កាលពីដើមខែកញ្ញានេះ Shakira បានហៅការចោទប្រកាន់ប្រឆាំងរូបនាងថាជារឿងមិនពិត ដោយអះអាងថា «ខ្ញុំបានបង់អ្វីៗគ្រប់យ៉ាងដែលខ្ញុំជំពាក់ សូម្បីមុនពេលពួកគេដាក់ពាក្យបណ្តឹងទៅទៀត។ ដូច្នេះរហូតមកដល់ថ្ងៃនេះ ខ្ញុំគ្មានជំពាក់អ្វីពួកគេនោះទេ»។
អាជ្ញាធរអេស្ប៉ាញ បានចោទប្រកាន់នាងថាបានរស់នៅក្នុងប្រទេសអេស្ប៉ាញរយៈពេល ១៨៣ថ្ងៃជារៀងរាល់ឆ្នាំចន្លោះឆ្នាំ ២០១១ និង ២០១៤ ប៉ុន្តែនាង Shakira បានបដិសេធ។ មេធាវីរបស់នាងបានបញ្ជាក់ថា លំនៅដ្ឋានចម្បងរបស់នាងអំឡុងពេលនោះគឺនៅតំបន់ Bahamas។
អ្នកនាំពាក្យរបស់នាង បាននិយាយថា «Shakira និងក្រុមរបស់នាងពិចារណាករណីនេះជាការរំលោ.ភសិទ្ធិរបស់នាង»៕ (យោងតាមប្រភព៖ CNN)
ចែករំលែកព័តមាននេះ