គ្រាន់តែមិនព្រមធ្វើកិច្ចសាលា ឪពុកដាច់ចិត្តធ្វើរឿងមួយផ្តាច់ជីវិតកូន
ប៉ាគីស្ថាន ៖ ឪពុកដៃឆៅជនជាតិប៉ាគីស្ថានម្នាក់ ត្រូវបានចាប់ខ្លួន ដោយរងការចោទប្រកាន់ពីបទ
ប៉ាគីស្ថាន ៖ ឪពុកដៃឆៅជនជាតិប៉ាគីស្ថានម្នាក់ ត្រូវបានចាប់ខ្លួន ដោយរងការចោទប្រកាន់ពីបទដុ.តសម្លា.ប់កូនប្រុសបង្កើត ដោយសារតែកូនប្រុសរូបនោះ មិនព្រមធ្វើកិច្ចការសាលា។
ឧបទ្ទវហេតុនេះ កើតឡើងនៅទីក្រុង Karachi ហើយបើយោងតាមរបាយការណ៍ប៉ូលិសបានឱ្យដឹងថា ក្មេងរងគ្រោះឈ្មោះ Shaheer Khan មានអាយុ១២ឆ្នាំ បានស្លា.ប់បាត់បង់ជីវិតដោយសារស្ថានភាពរបួសធ្ងន់ធ្ងរពេក ពោលគឺ២ថ្ងៃបន្ទាប់ពីឪពុករបស់គេដែលមានឈ្មោះថា Nazir បានដុ.តដោយប្រេងកាត។
របាយការណ៍ប៉ូលិសបានបន្តថា ទង្វើដ៏ឃោរឃៅនៃការចាក់ប្រេងកាតនេះ ទំនងគ្រាន់តែមានបំណងបំភ័.យក្មេងប្រុសរងគ្រោះដែលមិនព្រមធ្វើកិច្ចការសាលា ដោយទទូចចង់ចេញទៅបង្ហោះខ្លែងតែប៉ុណ្ណោះ ហើយដោយសារតែកំហឹងបុរសជាឪពុកបានដុ.តឈើមួយ ដើម្បីជាការគំរា.មកំហែង ប៉ុន្តែអណ្តាតភ្លើងបានឆាបឆេះលើ Shaheer យ៉ាងសន្ធោសន្ធៅតែម្តង។
ភ្លាមៗនោះ ម្តាយក្មេងប្រុសរងគ្រោះមានឈ្មោះ Shazia បានប្រញាប់ចូលទៅជួយប្តី ដើម្បីពន្លត់ភ្លើងដោយគប់ភួយលើកូនប្រុស។ ប៉ុន្តែគួរឱ្យសោកស្ដាយ ការខិតខំប្រឹងប្រែងរបស់ពួកគេបានបរាជ័យ ហើយក្មេងប្រុសរងគ្រោះបានស្លា.ប់នៅក្នុងមន្ទីរពេទ្យ កាលពីថ្ងៃទី១៦ ខែកញ្ញា ដោយរងការរលាកធ្ងន់ធ្ងរពេញខ្លួនប្រាណ។
ឥឡូវនេះ លោកស្រី Shazia បានប្រកាសថានឹងរៀបចំសំណុំឯកសារប្តឹងប្តីរបស់គាត់ ដែលត្រូវបានចាប់ខ្លួនកាលពីថ្ងៃទី១៩ ខែកញ្ញា។
មន្ត្រីប៉ូលិសក្នុងតំបន់បានប្រាប់ប្រព័ន្ធផ្សព្វផ្សាយប៉ាគីស្ថានថា Nazir បានសារភាពថា គាត់បានទាមទារឱ្យកូនប្រុសឆ្លើយសំណួរអំពីកិច្ចការសាលា តែកូនប្រុសបានផ្តល់ចម្លើយមិនពេញចិត្ត ទើបគាត់ចាក់សាំងលើក្បាលរបស់គេ ហើយដុ.តឈើមួយដើម្បីបំភ័.យគេតែប៉ុណ្ណោះ។ បើទោះជាមានការសារភាពយ៉ាងនេះក្តី ប៉ុន្តែលោក Nazir នឹងត្រូវបញ្ជូនទៅកាន់តុលាការកំណត់នៅថ្ងៃទី២៤ ខែកញ្ញា៕ (ដកស្រង់ចេញពី The Sun)
ចែករំលែកព័តមាននេះ