រាជធានីភ្នំពេញ ៖ នាងគង់ ច័ន្ទស្រីមុំ និងស្វាមីបានបោះពួយឡើងយន្តហោះ ក្នុងដំណើរកម្សាន្ដចំនួន៥ប្រទេសនៅប៉ែកអឺរ៉ុប បន្ទាប់ពីនាងបានទទួលអាំងប៉ាវក្នុងឱកាសបុណ្យចូលឆ្នាំចិនពីម្តាយរបស់នាងចំនួន
រាជធានីភ្នំពេញ ៖ នាងគង់ ច័ន្ទស្រីមុំ និងស្វាមីបានបោះពួយឡើងយន្តហោះ ក្នុងដំណើរកម្សាន្ដចំនួន៥ប្រទេសនៅប៉ែកអឺរ៉ុប បន្ទាប់ពីនាងបានទទួលអាំងប៉ាវក្នុងឱកាសបុណ្យចូលឆ្នាំចិនពីម្តាយរបស់នាងចំនួនជិត៥ម៉ឺនដុល្លារ ។
គង់ ច័ន្ទស្រីមុំ តែងតែបង្ហាញជីវិតហ៊ឺហា និងការងារក្រៅរង្វង់សិល្បៈ ជាពិសេសគូស្វាមីភរិយាវ័យក្មេងមួយគូនេះបង្ហាញភាពផ្អែមល្ហែមក្នុងរូបភាព ផ្សេងៗជុំវិញដំណើរកម្សាន្ដនៅតាមតំបន់នានាស្ទើរមិនដាច់រយៈ ។
ជាថ្មីម្តងទៀតនាងគង់ ច័ន្ទស្រីមុំ និងស្វាមី បានបង្ហាញរូបភាពជាបន្តបន្ទាប់ក្នុងដំណើរកម្សាន្ដនៅប្រទេសស្វ៊ីស ទីកន្លែងដែលនាងត្រូវចំណាយពេលកម្សាន្ដមុនគេនៅក្នុងចំណោមបណ្តាប្រទេសផ្សេងទៀត ។
ប្រទេសដែលស្រីមុំធ្វើដំណើរកម្សាន្ដនេះមានដូចជាប្រទេសស្វ៊ីស បារាំង អាល្លឺម៉ង់ អីុតាលី និងប្រទេសអង់គ្លេស ក្នុងរយៈពេលដំណើរកម្សាន្ដចំនួន១៥ថ្ងៃ ខណៈពេលនាងនឹងបញ្ចប់ដំណើរកម្សាន្ដ និងវិលមកកាន់ប្រទេសកម្ពុជាវិញនៅក្នុងអំឡុងពាក់កណ្តាលខែកុម្ភៈនេះ ។
អ្នកនាងគង់ ច័ន្ទស្រីមុំ អះអាងថា ការចំណាយដំណើរកម្សាន្ដនេះ គឺជាប្រាក់ក្នុងអាំងប៉ាវដែលនាងបានទទួលពីម្តាយរបស់នាងនាឱកាសបុណ្យចូលឆ្នាំចិន ។ សកម្មភាពដើរលេងនេះគឺជាផ្នែកមួយដែលនាង និងស្វាមី តែងតែធ្វើឡើងជាបន្តបន្ទាប់ក្នុងដំណើរកម្សាន្ដតាមបណ្តាប្រទេសនានា បន្ទាប់ពីនាងរៀបអាពាហ៍ពិពាហ៍រួចមក ។
បន្ទាប់ពីរៀបអាពាហ៍ពិពាហ៍កាលពីអំឡុងពាក់កណ្តាលខែមីនា ឆ្នាំ២០១៦មក គង់ ច័ន្ទស្រីមុំ មិនទាន់មានផ្ទៃពោះទេ ហើយឃើញបង្ហាញតែភាពរីករាយជាមួយស្វាមី ។
គង់ ច័ន្ទស្រីមុំ បានបោះបង់អាជីពសិល្បៈចោលទាំងស្រុង ហើយងាកទៅយកចិត្ដទុកដាក់លើការធ្វើជំនួញ ដែលផ្តល់កម្រៃក្នុងមួយខែរាប់ពាន់ដុល្លារវិញ ៕
ចែករំលែកព័តមាននេះ