រកឃើញសុនខដំបូងឆ្លងជំងឺអុតស្វា ពីម្ចាស់ជាបុរសស្រឡាញ់ភេទដូចគ្នា
ទីក្រុងប៉ារីស ៖ សុនខមួយក្បាលមានម្ចាស់ជនជាតិបារាំង ដែលជាគូស្នេហ៍បុរសស្រឡាញ់ភេទដូចគ្នា
ទីក្រុងប៉ារីស ៖ សុនខមួយក្បាលមានម្ចាស់ជនជាតិបារាំង ដែលជាគូស្នេហ៍បុរសស្រឡាញ់ភេទដូចគ្នា ត្រូវបានរាយការណ៍ថា ក្លាយជាសត្វចិញ្ចឹមដំបូងគេ ដែលបានឆ្លងជំងឺអុតស្វា (Monkeypox) បន្ទាប់ពីដេកលើគ្រែរួមជាមួយម្ចាស់របស់វា។
គូស្នេហ៍ជាបុរសស្រឡាញ់ភេទដូចគ្នាមួយគូមកពីទីក្រុងប៉ារីស ដែលម្នាក់មានអាយុ៤៤ឆ្នាំ និងម្នាក់ទៀតមានអាយុ២៧ឆ្នាំ បានឆ្លងជំងឺអុតស្វា បន្ទាប់ពីពួកគេមានទំនាក់ទំនងផ្លូវភេ.ទជាមួយបុរសផ្សេងទៀត។ គូស្នេហ៍នេះ បាននិយាយថា ពួកគេបានកត់សម្គាល់ឃើញថា សនខចិញ្ចឹមពូជ Greyhound អ៊ីតាលីរបស់ពួកគេបានកើតខ្ទុះនៅលើពោះរបស់វា។ ហើយក្រោយមក ការធ្វើតេស្ត PCR បានបញ្ជាក់ថា វាបានឆ្លងជំងឺអុតស្វាពិតប្រាកដមែន។
តាមប្រភពពីទស្សនាវដ្ដីវេជ្ជសាស្ត្រ Lancet បានលើកឡើងថា សុនខមួយក្បាលនោះ បានដេករួមគ្រែជាមួយម្ចាស់។ ហើយប្រហែលជាវាបានលិតម្ចាស់ទាំង២នាក់របស់វា មុនពេលលិឍខ្លួនឯង។ បុរសទាំង២នាក់នោះ ត្រូវបានរកឃើញថាមានដំបៅ និងកន្ទួលជាច្រើនលើដងខ្លួន ចាប់តាំងពីពួកគេត្រូវបានបញ្ជាក់ថា ឆ្លងជំងឺអ៊ុតស្វា កាលពីខែមិថុនា ឆ្នាំ២០២២ កន្លងទៅ ហើយសុនខមួយក្បាលនោះ ចាប់ផ្តើមបង្ហាញរោគសញ្ញានៃការឆ្លងនៅ១២ថ្ងៃក្រោយមក។
ពាក់ព័ន្ធបញ្ហានេះ មន្ត្រីជំនាញបានជំរុញឱ្យភាគីដែលមានហានិភ័យ ឬឆ្លងមេរោគទាំងអស់ ត្រូវតែនៅដាច់ដោយឡែកពីសត្វចិញ្ចឹមរបស់ពួកគេ ដើម្បីកាត់បន្ថយឱកាសនៃការឆ្លង។ ស្របពេលដែលអង្គការសុខភាពពិភពលោក (WHO) បានហៅការផ្ទុះឡើងនៃជំងឺអុតស្វានាពេលថ្មីៗនេះ ជាភាពអាសន្នសុខភាពជាសកល៕ (ប្រភពពី New York Post និង LADbible)
ចែករំលែកព័តមាននេះ