ក្រោយស្ងាត់បាត់មុខពីសិល្បៈមួយរយៈពេលធំ ដោយសារបញ្ហាការផ្ទុះ និងរីករាលដាលនៃជំងឺកូវីដ-១៩នាពេលកន្លងមកនោះ ស្រាប់តែថ្មីៗនេះ
រាជធានីភ្នំពេញ៖ ក្រោយស្ងាត់បាត់មុខពីសិល្បៈមួយរយៈពេលធំ ដោយសារបញ្ហាការផ្ទុះ និងរីករាលដាលនៃជំងឺកូវីដ-១៩នាពេលកន្លងមកនោះ ស្រាប់តែថ្មីៗនេះ អ្នកនាង ព្រំ រដ្ឋា ត្រូវបាននារីម្នាក់ចោទប្រកាន់ថា អ្នកនាងបានជំពាក់បំណុលគេយ៉ាងច្រើន បណ្តាលឱ្យអ្នកគាំទ្រតារាសម្តែងស្រីរូបនេះមានការភ្ញាក់ផ្អើលជាខ្លាំង។
តារាសម្ដែង និងពិធីការិនី ជើងចាស់ អ្នកនាង ព្រំ រដ្ឋា ដែលល្បីឈ្មោះខ្លាំងក្នុងតួអង្គ «មឺយចឺយ» នៃភាពយន្តខារ៉ាអូខេនោះ ធ្លាប់ទទួលបានការគាំទ្រ និងការចាប់អារម្មណ៍ជាខ្លាំងពីសំណាក់មហាជន តាមរយៈខ្សែភាពយន្ត ការសម្ដែងរឿងជាច្រើនសម្បូរបែបអោយបងប្អូនបានទស្សនា រហូតស្រីស្រស់រូបនេះឈានដល់ការបើកផលិតកម្មមួយផងដែរ។
យ៉ាងណាមិញ គ្រាកន្លងមកពេលមានការផ្ទុះឡើងនៃកូវីដ១៩ និងឆ្លងរាលដាលខ្លាងទូទាំងពិភពលោក រួមទាំងប្រទេសកម្ពុជាផងនោះ ធ្វើឱ្យវិស័យជាច្រើនបានរងគ្រោះ ដូចជាវិស័យទេសចរណ៍ និងភាពយន្តជាដើម ហើយពេលនោះសេដ្ធកិច្ចអ្នកនាង ព្រំ រដ្ឋា ក៏រងគ្រោះផងដែរ ហើយក៏ស្ងាត់បាត់មុខអ្នកនាងពីសិល្បៈឈឹងតែម្ដង។
ក្រោយស្ងាត់បាត់មុខពីសិល្បៈមួយរយៈពេលធំ ស្រាប់តែថ្មីៗនេះ តារាសម្ដែងជើងចាស់អ្នកនាង ព្រំ រដ្ឋា ត្រូវបាននារីម្នាក់ចោទប្រកាន់ រឿងជំពាក់បំណុលមិនព្រមសង ដែលជាហេតុធ្វើអោយអ្នកគាំទ្រផ្ទុះការភ្ញាក់ផ្អើលជាខ្លាំង។ នេះបើតាមម្ចាស់គណនីហ្វេសប៊ុក ឈ្មោះ Jessica Ka ដែលមានឈ្មោះពិតប្រាកដថា តាន់ សុផា បានបង្ហោះជាសាធារណៈ បង្កើតជាដំណឹងភ្ញាក់ផ្អើលមួយក្នុងសង្គមសិល្បៈ។
តារាសម្តែងសិចស៊ី កញ្ញា តាន់ សុផា ហៅថា ជេស៊ីកា បានចោទប្រកាន់ថា អ្នកនាង ព្រំ រដ្ឋា ដែលជាចាងហ្វាងផលិតកម្ម PR ត្រូវចូលខ្លួនមកដោះស្រាយរឿងលុយដែលឱ្យនាងទៅខ្ចីពីគេ។ ទោះបីជាយ៉ាងណាក៏ដោយ ស្រីស្រស់ ជេស៊ីកា មិនបានបញ្ជាក់ច្បាស់ពីចំនួនតួលេខថា តើទឹកលុយនោះមានចំនួនប៉ុន្មានោះទេ? គ្រាន់តែនាង សញ្ញាលុយ $ ចំនួន៤ដង។
បន្ថែមពីលើនេះនាង ជេស៊ីកា បានបង្ហោះរូបអ្នកនាង ព្រំ រដ្ឋាជាមួយនឹងសរសេរបន្ថែមថា «សំរាប់ខ្ញុំមិនមែនរឿងលុយការងារ ឬលុយថតអីទេ តែជាលុយខ្ចី»។
ក្រោយមានការបង្ហោះសារចោទប្រកាន់ទៅតារាស្រីជើងចាស់រូបនេះថា ស្រាប់តែ អ្នកនាង ព្រំ រដ្ឋា នៅថ្ងៃទី ២៧ ខែកក្កដានេះបាន ចេញមុខមកបកស្រាយបំភ្លឺការពិតកុំអោយមហាជនមានចម្ងល់ ដោយលើកឡើងថា «នាងខ្ញុំឈ្មោះ ព្រំ រដ្ឋា សូមជំរាបដល់បងប្អូនញាតិមិត្តក្នុងបណ្ដាញសង្គម Facebook ទាំងអស់ថា នាងខ្ញុំមិនដែលបានគេចវេសពីការពិត ឬបោកប្រាស់បុគ្គលណាទេ ការធ្វើការរកស៊ីតែងតែមានការខ្វះខាត និង ដោយសារបញ្ហាកូវីត១៩ រយៈពេល២ ៣ឆ្នាំនេះធ្វើអោយការងារខ្ញុំខាតបង់យ៉ាងធ្ងន់ធ្ងរ ហើយនាងខ្ញុំមានបញ្ហាសុខភាពធ្ងន់ធ្ងរ ដែលត្រូវចាំបាច់សំរាកព្យាបាល ហេតុដូចនេះសូមបងប្អូនកុំមានការយល់ច្រឡំដោយមិនដឹងការពិត ហើយសែ ឬ Comment អ្វីដែលធ្វើអោយពាក់ព័ន្ធដល់កិត្តិយស សេចក្ដីថ្លៃថ្នូ ដល់នាងខ្ញុំ និង ផលិតកម្ម PR នាងខ្ញុំនិងប្រគល់សិទ្ធិជូនមេធាវីចាត់វិធានការធ្វើតាមផ្លូវច្បាប់ នាងខ្ញុំសង្ឃឹមថា បងប្អូនមិត្តភក្តិ ទាំងដែលបានស្គាល់ ឬ មិនស្គាល់ សូមមេត្តាយល់ដោយអនុគ្រោះផង សូមអរគុណ។
ការបកស្រាយបំភ្លឺការពិតរបស់អ្នកនាងបានធ្វើអោយមហាជនអ្នកគាំទ្រជាច្រើនបាននាំគ្នាបញ្ចេញមតិលើកទឹកចិត្ត អោយអ្នកនាងខិតខំតស៊ូដើទៅមុខបន្តទៀត និងក៏មានមតិរិះគន់ផងដែរ។ ក្នុងចំណោមការបញ្ចេញមតិទាំងនោះយើងសង្កេតឃើញមាននារីម្នាក់ ដែលមានគណនីហ្វេសប៊ុនឈ្មោះ thyda Pnn ទំនងជាអ្នកស្គាល់គ្នាជាមួយតារាសម្ដែងស្រី អ្នកនាង Prom Ratha បានស៊ែរបន្តដោយភ្ជាប់សារពាក់ព័ន្ធ និងតារាស្រីរូបនេះថា «ពេលខ្លះយើងមើលឃើញបញ្ហាគេតែមួយជ្រុងទេ ដូច្នេះកុំទៅបន្ថែមល្បោយអោយគេឈឺចាប់ទៀត ខ្ញុំមិនមែនជាសាច់ញាតិ ឬមនុស្សស្និទ្ធស្នាលអីនឹងគាត់ទេ ខ្ញុំស្គាល់គាត់តាមរយៈការងារ គាត់គឺមនុស្សមានទំនួលខុសត្រូវលើការងារ អ្វីដែលខ្ញុំមើលឃើញបញ្ហាគាត់ក្នុងពេលកូវីតជាង២ឆ្នាំនេះ គឺភាពទន់ខ្សោយក្នុង management និង cash flow គាត់មិនបានគិតពីហានិភ័យក្នុងការដែលមិនមានទុនបំរុងទុក ចិញ្ចឹមបុគ្គលិករាប់សិបនាក់ក្នុងកំឡុងពេលបិទខ្ទប់ ពេលបុគ្គលិកឆ្លងកូវីដ គឺគាត់ជួយផ្តល់ថ្នាំសង្កូវ ម្ហូបអាហារ ។ ការចំណាយមិនបានព្រាងទុកធ្វើអោយគាត់យកខាងនេះដាក់ខាងនោះ ។
ហ្វេសប៊ុកខាងលើបន្តថា បើនិយាយពីការផលិតកុនវិញ ក្នុងទីផ្សារដ៏តូចចង្អៀតនេះ ផលិតករគឺបានចំណេញតិចតួចណាស់ បើក្នុងរឿងតួមានតែ ២ ទៅ៣នាក់ កូររឿង schedule ចេញថត ផលិតករដឹងតែពីខាតហើយ ឧទាហរណ៍ បើតួកុងត្រា ៣ខែថតរឿង រាប់ចាប់ពីថ្ងៃចុះកុងត្រាមក ផលិតករថតមិនថត ដឹងតែ៣ខែហ្នឹងចប់ ត្រូវបង់លុយអោយគេ តួខ្លះមានមនោសញ្ចេតនាជាមួយផលិតករក៏ថែមអោយ៣ ទៅ៤ថ្ងៃទៅ ក្រៅពីហ្នឹងគិតលុយ តួខ្លះយកបញ្ហាកូវីដលុបចោលការថត សាច់រឿងខ្លះផលិតករថតបានសឹងតែ ៥០% ត្រូវកាត់ចោលថតថ្មី ទាំងនេះហើយបានផលិតករខ្មែរភាគច្រើនរលំរលាយកំឡុងពេលកូវីត។
ហ្វេសប៊ុកខាងលើបន្តទៀតថា សម្រាប់បង ព្រំ រដ្ឋា ខ្ញុំឃើញគាត់ប្រឹងតស៊ូងើបឡើងវិញណាស់ ដើររកការងារ event ប្រឹងលក់អនឡាញ (ទោះអ្នកខ្លះឃើញគាត់ចឹង cancel ការងារគាត់ក៏ដោយ អ្វីដែលខ្ញុំផ្តល់ឱកាសការងារអោយគាត់ ខ្ញុំសង្ឃឹមថា គាត់នឹងប្រឹងប្រែងឆ្លងកាត់គ្រាលំបាកក្នុងជីវិតនាពេលនេះ) ខ្ញុំសង្ឃឹមថា អ្នកទាំងអស់គ្នាអាចយល់ពីបញ្ហាខ្លះៗពីគាត់ នឹងចូលរួមដោះស្រាយដោយសន្តិវិធី គាត់មិនមែនជា មនុស្សហ៊ឺហារចាយលុយហាយសូនោះទេ។
ដោយឡែកទៀតសោត ការលើកទឹកចិត្តរបស់នារីខាងលើ បានធ្វើអោយតារាសម្ដែងស្រី អ្នកនាង ព្រំរដ្ធា បង្ហាញអារម្មណ៍យ៉ាងខ្លាំងដោយបានឆ្លើយតបទៅវិញថា «ខ្ញុំពិតជារំភើប ! នៅពេលដែលទទួលបានការលើការទឹកចិត្តពីប្អូន នឹងជឿជាក់ ផ្ដល់ឱកាសឲ្យបងក្រោកឡើងជាថ្មី ពង្រឹងសមត្ថភាពផលិតរឿងជូន PNNTV ទឹកចិត្តដ៏កម្រនឹងការយោគយល់នេះ ធ្វើឲ្យមនុស្សស្រីម្នាក់នេះកាន់តែរឹងមាំ បន្តដំណើរទៅមុខដោយមិនចុះចាញ់ ។ អរគុណគ្រប់យ៉ាងប្អូនស្រី ក្នុងកំឡុងពេលខ្ញុំជួបបញ្ហាក្នុងសម័យកូវីដ គឺមានប្អូនលើកទឹកចិត្តគ្រប់ពេលវេលា …today I’m sad but tomorrow this lady will be strong …love you so much my good boss and good sister ៕
ចែករំលែកព័តមាននេះ