ឮសម្រែក«ជួយផងៗ» រត់ចេញទៅមើលគឺកូនប្រសារសោះ
ខេត្តបន្ទាយមានជ័យ ៖ បុរសម្នាក់ពេលត្រឡប់មកពីរត់ម៉ូតូឌុបវិញខណៈកំពុងអង្គុយហូបបាយស្រាប់តែឮសម្រែកស្រែក «ជួយផងៗ» ពេលរត់ចេញទៅមើលស្រាប់តែ …
ខេត្តបន្ទាយមានជ័យ ៖ បុរសម្នាក់ពេលត្រឡប់មកពីរត់ម៉ូតូឌុបវិញខណៈកំពុងអង្គុយហូបបាយស្រាប់តែឮសម្រែកស្រែក «ជួយផងៗ» ពេលរត់ចេញទៅមើលស្រាប់តែឃើញកូនប្រសាររបស់គាត់ត្រូវគេលបកាប់ប្រហារបណ្ដាលឲ្យរបួសធ្ងន់ ។ ហេតុការណ៍នេះបង្កឲ្យមានភ្ញាក់ផ្អើលកាលពីវេលាម៉ោង១០យប់ ថ្ងៃទី១៩ ខែវិច្ឆិកា ឆ្នាំ២០១៦ នៅចំណុចកាស៊ីណូក្រោន ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ។
ជនរងគ្រោះឈ្មោះ ជឿង សុវ៉ាត អាយុ៣០ឆ្នាំ ជាបុគ្គលិកកាស៊ីណូក្រោន ផ្នែក Gaming មានទីលំនៅភូមិអូរឫស្សី សង្កាត់ផ្សារកណ្តាល ក្រុងប៉ោយប៉ែត ត្រូវបានជនមិនស្គាល់មុខលបកាប់ពីក្រោយបណ្តាលឲ្យរងរបួសក្បាលខាងក្រោយផុងលលាដ៍ និងដាច់ចុងត្រចៀកក្រោមខាងឆ្វេង ។
ប្រភពពីជនរងគ្រោះបានប្រាប់ឲ្យដឹងថា ខ្លួនមិនដែលមានទំនាស់ជាមួយនណាម្នាក់ឡើយ ហើយទើបចូលធ្វើការនៅកន្លែងកើតហេតុបាន៥-៦ខែប៉ុណ្ណោះ ។ ករណីលបកាប់ប្រហារនេះជនរងគ្រោះប្រាប់ថា ជនសង្ស័យ២នាក់ ជិៈម៉ូតូម៉ាកហុងដាឌ្រីម សេ១២៥ ពណ៌ខ្មៅ មិនស្គាល់ស៊េរី ដោយក្រោយកាប់ខ្លួនឲ្យរបួសរួច ពួកគេជិះម៉ូតូគេចទៅទិសខាងកើតបាត់ ។
ប្រភពពីបុរសឈ្មោះ ស៊ិន សុគង់ អាយុ៥០ឆ្នាំ ជាឪពុកក្មេកជនរងគ្រោះដែលស្នាក់នៅបន្ទប់ជួលក្បែរកន្លែងកើតហេតុនិយាយថា ពេលគាត់គាត់មកពីរត់ម៉ូតូឌុប ហើយកំពុងហូបបាយ ស្រាប់តែឮសម្លេងស្រែកថា «ជូយផងៗ»ពេលចេញទៅមើលទើបដឹងថា ជនរងគ្រោះជាកូនប្រសារគាត់សោះ គាត់ក៏នាំទៅគ្លីនិកឯកជនតែម្តង ។
នៅព្រឹកថ្ងៃទី២០ ខែវិច្ឆិកា ឆ្នាំ២០១៦នេះ គេឃើញនគរបាលក្រុងប៉ោយប៉ែតបានចុះជួបជាមួយជនរងគ្រោះដល់គ្លីនិកឯកជន សួរនាំធ្វើកំណត់ហេតុ ដើម្បីស្រាវជ្រៀវរកមុខសញ្ញាជនបង្កយកមកផ្តន្ទាទោសតាមច្បាប់ ៕
ចែករំលែកព័តមាននេះ