រាជធានីភ្នំពេញ ៖ ដឹ ភីហ្សា ខមផេនី (The Pizza Company) កាលពីរសៀលថ្ងៃទី២១ កញ្ញា បានប្រារព្ធកម្មវិធី The Pizza Company Excellence Award ឆ្នាំ២០១៦ ដើម្បីប្រកួតប្រជែងស្វែងរកក្រុមបុគ្គលិកឆ្នើមប្រចាំឆ្នាំ
រាជធានីភ្នំពេញ ៖ ដឹ ភីហ្សា ខមផេនី (The Pizza Company) កាលពីរសៀលថ្ងៃទី២១ កញ្ញា បានប្រារព្ធកម្មវិធី The Pizza Company Excellence Award ឆ្នាំ២០១៦ ដើម្បីប្រកួតប្រជែងស្វែងរកក្រុមបុគ្គលិកឆ្នើមប្រចាំឆ្នាំ ។ ពិធីនេះធ្វើឡើងនៅសាខា ដឹ ភីហ្សា ខមផេនី សាកលវិទ្យាល័យភ្នំពេញអន្ដរជាតិ ទល់មុខវិទ្យាល័យបាក់ទូក ដោយមានការចូលរួមពីក្រុមបុគ្គលិកទាំង២១សាខា មកពីទីក្រុងភ្នំពេញ ក្រុងសៀមរាប់ ក្រុងព្រះសីហនុ និងក្រុងបាត់ដំបង ។
ក្រុមដែលទទួលបានជោគជ័យ Excellence Award 2016 គឺបានទៅលើ ដឹ ភីហ្សា ខមផេនី សាខាសៀមរាប ហើយក្រុមដែលទទួលបានជ័យលាភី នឹងបានទទួលពានរង្វាន់ជាទឹកប្រាក់ចំនួន១,៦លានរៀល និងដំណើរទស្សនៈកិច្ចសិក្សាទៅកាន់ប្រទេសថៃផងដែរ ។ ខណះដែរក្រុម ដឹ ភីហ្សា ខមផេនី សាខាកាល់ម៉ែត ទទួលបានជ័យលាភីលើផ្នែកធ្វើម្សៅ (Best Dough Maker Award 2016) ។ ក្រុម ដឹ ភីហ្សា ខមផេនី សាខាផ្សារទំនើបសូរិយា ទទួលបានជ័យលាភីលើផ្នែកផ្ដល់សេវាកម្មល្អបំផុត (Best Service Maker Award 2016) ។ ក្រុម ដឹ ភីហ្សា ខមផេនី សាខាបាត់ដំបង ទទួលបានជ័យលាភីលើផ្នែកធ្វើភីហ្សាល្អបំផុត (Best Pizza Making Award 2016) និងក្រុម ដឹ ភីហ្សា ខមផេនី សាខាសាមគ្គី ទទួលបានជ័យលាភីលើផ្នែកសាវាដឹងជញ្ញូនល្អបំផុត (Best Delivery Award 2016) ។
លោក អ៊ូ គីមហូវ នាយប្រតិបត្តិ ដឹ ភីហ្សា ខមផេនី បានមានប្រសាសន៏ថា កម្មវិធីនេះធ្វើឡើងក្នុងគោលបំណង៣សំខាន់ គឺដើម្បីពង្រឹងលើផ្នែកស្ដង់ដា ប្រតិបត្តិខាងផលិតផល បូករួមទាំងការធ្វើម្ស៉ៅដូហ្វ ការធ្វើភីហ្សា ការចំអិនផាសតា អនាម័យ ការចាត់ចែងក្នុងហាង និងការបម្រើសេវាកម្មលំដាប់ថ្នាក់ពិភពលោក ហើយចង់កែប្រែក្លាយកម្មវិធីនេះ ឲ្យបុគ្គលិកអភិវឌ្ឍន៏ពង្រឹងសមត្ថភាពខ្លួន និងដើម្បីធានាគុណភាពគ្រប់គ្រងកិច្ចការ ប្រកបដោយការទទួលខុសត្រូវជាក្រុម ។
ក្នុងឱកាសនេះដែរ លោក ទេព វីរះ នាយគ្រប់គ្រងក្រុមហ៊ុន អ៊ី អេហ្វ ជី (EFG) បានមានប្រសាសន៏ ក្រៅពីការពង្រឹងស្ដង់ដាប្រតិបត្តិ និងសេវាកម្មអតិថិជន អ្វីដែលពិសេសថែមជាងនេះ គឺ ដឹ ផីហ្សា ខមផេនី នឹងបន្ថែមមុខម្ហូបថ្មី២៩មុខ ការផ្លាស់ប្ដូរការរចនាមុខម្ហូបចាស់សារជាថ្មី ការរៀបចំតុបតែងលំអក្នុងហាង បទភ្លេងថ្មី ការបន្ថែមនៅកន្លែងកំសាន្ដសម្រាប់ក្មេងលេង នៅហាងដែលទើបបើកថ្មី ទាំងនេះធានាថា អតិថិជននឹងទទួលបាននូវបទពិសោធន៍ក្នុងការទទួលទានអាហារ ការជួបជុំក្រុមគ្រួសារ មិត្តភក្ដិ ជាមួយនឹងរសជាតិឈ្ងុយឆ្ងាញ់គ្រប់ឱកាស និងគ្រប់ពេលវេលា ។
ក្នុងឆ្នាំនេះ ដឹ ភីហ្សា ខមផេនី នឹងធ្វើការពង្រីកសាខាបន្ថែមថ្មីចំនួន៤ទៀត នៅក្នុងឆ្នាំ២០១៦ នេះ គឺនៅក្រុងប៉ោយប៉ែត ជ្រោយចង្វារ ភ្នំពេញថ្មី និងក្រុងសៀមរាបបន្ថែម ហើយនឹងបន្ដបើកសាខាបន្ដបើកសាខាបន្ដបន្ថែមច្រើនទៀត នៅឆ្នាំក្រោយៗទៀត ។ ហាង ដឹ ភីហ្សា ខមផេនី (THE PIZZA COMPANY) ជាស្លាកសញ្ញាដែលទទួលបានការទិញសិទ្ធិផ្ដាច់មុខដោយក្រុមហ៊ុន អ៊ី អេហ្វ ជី (EFG) ដែលជាបុត្រសម្ព័ន្ធរបស់ក្រុមហ៊ុន អ អិម អេ ខេមបូឌា (RMA CAMBODIA) ព្រមទាំងបានទទួលសិទ្ធិចែកចាយផ្ដាច់មុខ នូវផលិតផលម្ហូបអាហារល្បីៗ លើពិភពលោកជាច្រើនទៀត ដូចជា ប៊ីប៊ីឃ្យូ (BBQ) កាហ្វេខូស្តារ (COSTA COFFEE) ការ៉េម ស្វិនសិន (SWENSEN’S) ការ៉េមនំដេរីឃ្វីន(DAIRY QUEEN) និងនំដូហ្វណាត់ គ្រីស្ពីគ្រីម (KRISPY KREME DOUGHNUT) ៕
ចែករំលែកព័តមាននេះ